Indumetal enpresak teknologia digitala txertatu du GEEHen garraioaren logistika optimizatzeko
SPRI Taldearen Industria Digitala programaren laguntzarekin
Indumetal Recycling enpresak teknologia digitalean oinarritutako sistema bat diseinatu du, bere bitartez gailu elektriko eta elektronikoen hondakinen (GEEH) garraiorako prozesu logistikoaren trazagarritasuna hobetzeko. SPRI Taldearen “Industria Digitala” programaren laguntzarekin sortutako Gisir sistema logistikoa aitzindaria da Espainian, eta proba fasean dago. Beraizik diseinatuta dago GEEHak bildu eta garraiatzeko prozesuaren informazio eta erregistro guztiak digitalizatzeko, horrek zorroztasuna, segurtasuna eta azkartasuna bermatuko duelarik.
GEEHak Espainiako hainbat puntutan bildu eta Indumental Recycling enpresaren instalazioetara eramaten dituzten garraio-flotako ibilgailuek gailu digitalak izango dituzte, hondakinen bilketa eta garraioa kudeatzeko behar den informazio guztiarekin. Horri esker denbora errealeko komunikazioa edukiko dute operazioen kontrol zentroarekin, erabakiak azkarrago hartuko dira eta prozesua modu eraginkorragoan kudeatuko da.
Ibilbideak geo-kokatzeko mekanismoen bitartez prozesu osoaren trazagarritasuna optimizatuko da eta, besteak beste, posible izango da hondakinen garraioaren karbono aztarna neurtzea eta horrela inpaktua minimizatzea, eraginkortasun eta sostengarritasun irizpideak erabili ahal izango baitira ibilbideak aukeratzeko.
Ekimen hau kokatzen da Indumetal Recycling enpresak bere jardueraren alderdi guztien berrikuntzaren eta garapen teknologikoaren alde egin duen apustuaren barruan, zeinaren helburua baita GEEHen kudeaketa optimo eta sostengarria bermatzea, eta horrela, ekonomia zirkularra sustatzea.
Lotutako albisteak
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra