Ingeteamek soluzioen horniketa egingo dio Mexikoko instalazio fotovoltaiko bati

Eguzki-panel baten irudia

 

Euskal konpainiak teknologia aurreratuko automatizazio-sistemak hornitu dizkie gaur egun Latinoamerikan eraikitzen ari den eguzki-instalazio handieneko azpiestazio elektrikoei

Gero eta gehiago dira, elektrizitatea ingurumenarekiko errespetuan oinarritutako era iraunkorragoan sortzeko energia berriztagarrien aldeko apustuari eutsi dioten herrialdeak. Egoera honek garrantzi handiko merkatu-nitxoa sortu du sektoreko enpresa eta banatzaileentzat.

Testuinguru honetan, potentziako elektronikan espezializatuta dagoen Ingeteam euskal enpresak Mexikoko eguzki-energia fotovoltaikoko instalazio baterako –Latinoamerikan egun eraikitzen ari den era horretako instalaziorik handiena omen da– automatizazio-sistemak hornitzeko kontratuaren esleipena lortu du.

Zehazkiago esanda, konpainiak, babes, kontrol, neurketa eta automatizazio oholetan oinarritutako balio teknologiko handiko sistema hornitu die Mexiko iparraldeko Coahuila estatuan kokatuta dagoen Villanueva eguzki-parkeko I. eta III. faseetako azpiestazio elektrikoei.