Wattio konpainiak aire girotua sakelakotik kontrolatzeko gailu bat eskaintzen die enpresei

Wattio konpainiak aire girotua sakelakotik kontrolatzeko gailu bat eskaintzen die enpresei. Etxe adimendunetarako konponbideetan erreferentea den Wattio enpresak Air aplikazioa merkaturatu du, zeinaren bidez aukera izango baitu etxeetara zuzendutako merkatuan hazteko, lokal komertzial eta bulegoen merkatuko aukerak zabaltzeko eta bultzada bat emateko bere nazioartekotze prozesuari, herrialde beroen merkatuan sartuz.

Wattio konpainiak girotze adimendunerako Air gailua merkaturatu du, zeinaren bidez posible baita sakelakoa erabiliz energia aurreztea etxebizitza, lokal komertzial eta enpresa bulegoetan. Produktu honek aukera emango dio etxe adimendunetarako konponbideetan espezializatutako konpainiari beste merkatu batzuetan sartzeko, berdin eskainiko baitie ETEei nahiz hainbat sektoretako (hala nola, energia, ura, telekomunikazioak, aseguruak, banka edo merkataritza) enpresa handiei. Horrezaz gain, aukera bikaina izango du nazioartean zabaltzeko, batez ere herrialde beroenetan (adibidez, Ekialde Ertainera).

Air gailua bateragarria da urruneko agintea duten aire girotu eta bero-punpa guztiekin. Gune anitzeko kontrola eskaintzen du, gailu bat instalatu baitaiteke girotze-ekipamendu bakoitzean, horrela kudeaketa integrala lortuz.

Wattio konpainiaren teknologiak hainbat funtzionaltasun dakartza berekin: eszenatoki automatikoak, egutegi bidezko automatizazio pertsonalizatua, denbora errealean eginiko jakinarazpenak eta erabilpenari buruzko historikoak. Informazio horri esker aire girotua denbora gutxiagoan egongo da martxan.

Lainorako konexioa oso segurua da, VPN pribatu bidez egiten baita, domotikako Gate zentraletik. Fog Computing plataformari esker, Air aplikazioak berdin funtzionatzen du Interneterako konexioa erortzen bada ere, eta girotzeak programatuta zegoen bezala jarraitzen du funtzionatzen.

Wattio konpainiak IFTTT zerbitzuaren bidez eskaintzen duen bateragarritasunari esker, posible da, besteak beste, aire girotua ahots bidez kontrolatzea. Aplikazioa bateragarria da 360tik gora marka eta dispositiborekin, eta hori balio erantsi handia da eta funtsezkoa, gainera, etxe konektatuaren esperientzia hobetzeko. IFTTT zerbitzuak funtzionaltasun gehiago ere eskaintzen ditu, adibidez, geo-lokalizazioa eta eguraldiaren iragarpena integratzea aire girotuaren erabilpenean.

+info: www.wattio.com

Lotutako albisteak

26 uztaila, 2024 Ekintzailetza

Wake Up! Albiste ekintzaile batzuk sarean

Irakurri gehiago

23 uztaila, 2024 Ekintzailetza

Impact Week 2024 delakoak gizarte eta ingurumen inpaktua duten inbertsioen Europako erreferente bihurtuko du Bizkaia

Irakurri gehiago

23 uztaila, 2024 Ekintzailetza

Solarcycle, bizikleta eta patinete elektrikoak kargatzeko eguzkiaren energia baliatzen duen enpresa

Irakurri gehiago

21 uztaila, 2024 Ekintzailetza

‘FOS Detection’ proiektuak lehen saria lortu du ‘Think Big 2024’ sarietan

Irakurri gehiago

19 uztaila, 2024 Ekintzailetza

Landa Kedada Handiaren edizio berria, irailaren 27tik 29ra, Kuartangon

Irakurri gehiago

Joan blog-era