Euskadiko ETEntzako Eusko Jaurlaritzaren 2024 laguntzen plana. Ikusi katalogoa
Euskal enpresentzako laguntzak. . ¡Sartu!
Onlineko jardunaldiak euskal enpresarentzat.. Aurkitu zure ekitaldi birtuala.
Euskadiko ETEntzako Eusko Jaurlaritzaren 2024 laguntzen plana. Ikusi katalogoa
Euskal enpresentzako laguntzak. . ¡Sartu!
Onlineko jardunaldiak euskal enpresarentzat.. Aurkitu zure ekitaldi birtuala.
Eusko Jaurlaritzak, SPRI Taldearen bitartez eta Euskadiko energia arloko bi enpresa garrantzitsuenekin (Iberdrola eta Petronor) eta industri arloko 16 klusterren babesarekin, azkartu egin nahi du zero isuriranzko trantsizioa euskal industrian, bultzada bat emanez industriako energia kontsumoaren deskarbonizazioari eta eraginkortasun energetikoari, eta merkatu-aukerak sortuz garapen teknologikoan eta berrikuntzan oinarrituta.
Une honetan, munduko ekonomiaren ia % 80k konpromisoa hartu duelarik zero isuri garbira iristeko, guztiz premiazkoa da behar diren urratsak ematea helburu anbiziotsu hori lortzeko. Net-Zero “Basque Industrial Super Cluster” ekimenaren helburua da prozesuak azkartzea eta isuriak gutxitzeko helburu hori lortzea, eta horretarako fokua jarriko du aurrena euskal industria sektorearen energia-hornikuntzaren deskarbonizazioan eta eraginkortasun energetikoan.
Ekimen honi esker teknologia berrietan kualifikatutako lanpostuak sortuko dira konponbide berritzaileak zabaltzeko, eta funtsezkoa izango da euskal industriaren lehiakortasuna hobetzeko.
Era berean, trakzio-lana egingo du teknologia berrien eta zerbitzu berritzaileen garapenean oinarritutako aukera berriak eskaintzeko euskal enpresei.
Petronor-Repsol enpresak apustu egin du ekonomia deskarbonizatzearen alde bere prozesu eta produktu propioen bitartez (2050erako zero isuri garbira iristeko konpromisoa), produkzioa eta erregaiak deskarbonizatuz (erregai sintetikoak, bioerregai aurreratuak eta hidrogeno eta elektrizitate berriztagarriak) eta indarra emanez ekonomia zirkularrari eta hala neutraltasun teknologikoan nola lehiakortasunean oinarritutako ekonomiari.
Iberdrola konprometituta dago ekonomiaren deskarbonizazioarekin, elektrifikazio handiagoa sustatuz eta erregai deskarbonizatuen erabilera (adibidez hidrogeno berdea) bultzatuz elektrifikazioa ezinezkoa denean edo behar bezain lehiakorra ez denean.
Teknologia berrietan eta zerbitzu berritzaileetan oinarrituak, trantsizioa azkartzeko.
Ekimenak eta proiektuak garatzea, lehen fasean fokua jarriz isuri gutxiko energia-iturrien integrazioan, eta horretarako inbertsioak eta baliabideak bultzatuz.
Ekimenaren hurrengo faseetan, dinamika hau CO2 gutxiago isurtzen duten gainerako sektoreetara hedatuko da, motibazioa sustatuz eta esperientziak eta jardunbide egokiak eskainiz.
Eraginkortasun energetikoa, Elektrifikazio berriztagarria, Hidrogenoa eta CO2 atzematea.
Azken joerak zero karbono isuri garbiranzko trantsiziorako.
Euskal industriaren trantsizioa errazteko laguntzak eta estrategiak.
PETROLIO BIRFINKETA
GALDAKETA
ALTZAIRUA
ZEMENTUA
PASTA ETA PAPERA
Ekimenaren hurrengo faseetan, dinamika hau CO2 gutxiago isurtzen duten gainerako sektoreetara hedatuko da, eta hala, beste kluster batzuk motibatuko dira eta esperientziak eta jardunbide egokiak ere eskainiko zaizkie, konpromisoak har ditzaten trantsizio horretan.
ENERGIA ERAGINKORTASUNA
BERO-PONPAK
OXIERREKUNTZA
HIDROGENO BERDEA
“Aukera paregabea da azkarrago egiteko zero isuriranzko bidea, sinergiak sortuz, arriskuak partekatuz eta inbertsioak erakarriz”.
Eusko Jaurlaritza
“Iberdrola guztiz konprometituta dago ekonomia osoaren deskarbonizazioarekin. Irmoki sinesten dugu sektore industrialak funtsezko zeregina izango duela deskarbonizazio prozesu honetan. Helburu hori lortzeko oso garrantzitsua da kluster industrial hau sortzea Euskadin, sektore osoa deskarbonizatuko duten proiektuak abiarazteko”.
Iberdrola
“Net-Zero Industrial Super Cluster-ekin hartu dugun konpromisoa da industriaren deskarbonizazioa bultzatzea. Horretarako, karbono isuri gutxiko gure produktuak ez ezik, baita ere eskaintzen ditugu hidrogeno berritua, bioerregaiak edo erregai sintetikoak, eta CO2 eta hondakin industrialak kudeatzeko konponbideak”.
Petronor
Ingurumen politika horrek energetikoki eraginkorrenak diren Europako lau herrialdeen artean kokatuko du Euskadi. Eta hori gertatuko da berrikuntzaren bidez, teknologiarekin eskuz esku lan eginez, eta industria guztiak digitalizatuz.
“Net-Zero Basque Industrial Super Cluster” ekimenaren asmoa da deskarbonizazioaren helburu hori aukera bihurtzea garapen teknologikoa eta industriala bultzatzeko Euskadin, lehendik existitzen diren gaitasunak bultzatuz eta berriak sortuz.
Euskadiko industri arloko 16 klusterretako baten bidez.
Hurrengo faseetarako aurreikusten da laguntza-mekanismo espezifikoak identifikatzea euskal industriaren deskarbonizazioa bultzatzeko.
Zalantzarik?
Jarri gurekin harremanetan.
Euskal enpresentzako arreta zerbitzua
Women in industry 
