Gu Haziak Garak gizarteratzea eta txertatze laboralaren alde egiten du Debagoienean

2013an jaio zen elkarte hau, Aretxabaletan bizi diren sei bizilagunen ahalegin eta laguntzaren eskutik. Gu Haziak Gararen helburua da Debagoieneko eskualdean baztertuta geratzeko arriskuan dauden pertsonen gizarteratzearen eta laneratzearen alde lan egitea, ekintzailetza eta enplegua sustatuz.

“Irabazi asmorik gabeko elkartea gara, eta funtsezko hiru ardatz ditugu: soziala, prestakuntzakoa eta lanekoa, bazterketa-arriskuan dauden pertsonak gizarteratzen laguntzeko”, nabarmendu dute elkartetik.

Prestakuntzak eta tailerrak antolatzen dituzte, hala nola joskintzara bideratutako ekimen bat, baita udalerri osoa inplikatzen duten jarduerak ere (horma-irudiak, sentsibilizazioa eta eskola-errefortzua, non arreta behar duten pertsonek zein eskualdeko bizilagunek parte hartzen duten). Jostun tailerra 2014an hasi zen, “elkarteko kideen ezagutzetatik abiatuta eta erropa propioen konponketak eginez”. Bestealde, antolatzaileek zehaztu dutenez, Kurtzebarri Eskola ikastetxean margotzen dituzten horma-irudien helburua gunea hauek “topaketarako sorkuntza-gune gisa jardutea da, bertakoak eta kanpotik etorritakoak elkarrekin nahastu daitezen”, diote.

Jarduera horietako bakoitzak bere jarduera-programa espezifikoak ditu. Horrela, jostun tailerrak bazterketa arriskuan dauden pertsonak lanbidean trebatu nahi ditu, baita etxeko eta industriako makinen maneiua irakatsi ere. Beste balio batzuk ere lantzen dira, hala nola “puntualtasuna, asistentzia, konpromisoa, ordena eta garbitasuna”.

Muralen diseinuari dagokionez, ekimenaren sustatzaileek hainbat lantalde sortu nahi dituzte muralaren fase bakoitzerako, herriko kolektibo guztiak inplikatuz, eta tokiko artistak hurbildu nahi dituzte lankidetza-proiektu horietan parte har dezaten. Azkenik, elkartearen sentsibilizazio-lana honako helburu hauek ditu: “egoiliarren begietara migrazio-prozesuak ikusaraztea, herriko adingabeak sentsibilizatu etorkinak berdintzat hartzeko, eta genero-berdintasunaren inguruan ere sentsibilizatu”, adierazten dute.

Gizarteratze-lan horretan gauzatzen dituzten programen helburuak jolas-topaguneak sortzea, hainbat lanbideren prestakuntza sustatzera eta Debagoienan hainbat erakunde eta elkarterekin sareak sortzera bideratura daude. “Gure helburu nagusia eskualdean bazterkeria egoeran dauden pertsonen gizarteratzea eta txertatze laborala eta linguistikoa laguntzea da”, nabarmendu dute Gu Haziak Gararen sustatzaileek.

guhaziakgara.com