Euskadi da Europa mailan terapia aurreratuen fabrikazioko hub nagusietako bat.

Jardunaldi baten bidez, inbertitzaileek arreta Euskadiko osasuneko ekosisteman jar dezaten abantailak erakutsiko dira

Los participantes en la jornada, entre ellos, (el tercero por la derecha), el director general del Grupo SPRI Aitor Urzelai.

Euskadi terapia aurreratuen fabrikazioko hub nagusietako bat da Europan, ostiral honetan Bilboko Burtsan osasunaren sektoreari buruz egindako jardunaldi batean erakutsi dute moduan.

Ekitaldia SPRI Taldeko zuzendari nagusiak, Aitor Urzelaik, inauguratu du eta Euskadik, 2002an, “komunitate autonomo batean biozientziak garatzeko modu espezifikoan diseinatutako” Estatu osoko lehen estrategia prestatu zuela azpimarratu du.

Horrekin lotuta, gogorarazi du 2010ean, 14 enpresak osatu zutela Basque Biocluster elkartea, gerora gaur egungo Basque Health Cluster izenekoa osatu zuena. “Ordu hartan, 4.000 profesionali lana ematen zieten 30 erakunde bazkide ziren. Gaur egun, ordea, bio-osasunaren sektoreko 16.000 profesional dituzten 130 erakundek osatzen dute elkartea”.

Asier Albizuk, Basque Health Clusterreko presidenteak eta Biolaneko zuzendari nagusiak, azaldu duenez, terapia aurreratuen fabrikazioan Europa mailako hub nagusietako bat izateaz gain, arlo hauetan guztietan adimen artifiziala aplikatzeko garaian ere nabarmendu da: diagnostikoak eta tratamenduak hobetzeko, osasun-teknologia pertsonalizatuak garatzeko, eta bioteknologia eta tratamendu eta terapia berrien inguruko ikerketak egiteko.

Horrekin lotuta, inbertitzaileek Euskadiko ekosisteman arreta jartzeko arrazoi nagusiak azaldu ditu Albizuk eta lehenengoa elkarlaneko ingurunea da. Ingurune horrek unibertsitateak, maila goreneko ikerketa-zentroak eta oso berritzaileak diren enpresak biltzen ditu. “Ekosistema osatzen duten eragile guztien artean sinergiak sortzeko eta ezagutzaren, etengabeko berrikuntzaren eta teknologia-gaitasun oso aurreratuen transferentzia errazteko ingurune egokia da. Hori guztia, gainera, kualifikazio handikoa eta diziplina anitzetakoa den talentuarekin sendotuta dago, beren jarduera ekosistema osatzen duten erakunde multzoan garatzen baitute”.

Mahai-inguru baten bidez, bio-osasun arloko inbertsioa landu dute jardunaldian, eta Pharmamel enpresaren arrakasta-kasua aurkeztu dute