676 mila euro proiektu logistikoetarako
- Sei enpresa bazkidek parte hartuko dute Adimen Artifizialeko, DLTko eta Biki Digitaleko teknologietan oinarritutako proiektu berritzaileetan.
Euskadiko Mugikortasun eta Logistika Klusterrak 676 mila euro lortu ditu Industria eta Turismo Ministerioak sustatzen duen Enpresa Talde Berritzaileentzako laguntza-programaren eskutik, adimen artifizialeko teknologietan, DLTn (Distributed Ledger Technology) eta biki digitaletan oinarritutako hiru proiektu logistiko berritzaile garatzeko. Klusterra diruz lagundutako hiru proposamenetatik biren buru da, eta guztira sei enpresa bazkide inplikatu ditu. Klusterrak Euskadira ekarritako funtsak programaren aurrekontuaren % 7 dira, hau da, 9,5 milioi eurotik gora. Deialdiak 300 hautagaitza baino gehiago jaso zituen, eta horietatik 48k bakarrik jaso dute babesa.
Euskadiko Mugikortasun eta Logistika Klusterra bereziki talde aktiboa da, berrikuntzarekin konpromezu handia duelarik. 2023an zehar, 30 berrikuntza-proiektutan parte hartzen aritu zen, 30 bat enpresa bazkiderekin. Era berean, bazkideek fakturazioaren % 3,3 bideratzen dute I+G+b-n inbertitzera, sektorearen izaera oso berritzailea azpimarratuz.
Enpresa-talde berritzaileentzako laguntzen deialdian onartutako proiektuei dagokienez, 900 mila euro baino gehiagoko inbertsioa egingo da guztira. Klusterra bi proiekturen buru izango da, AI-Mobot eta Plenco DLT, azken hau bigarren fasean dagoelarik, eta CITET buru duen Plagedilog proiektuaren partaide ere bada. Laguntza programa honen helburua berrikuntza eta lankidetza bultzatzea da. Hori dela eta, Klusterrak proiektu horietan lan egingo du Batura, Bizkaigar, Igarle, Smartlog, We are Clickers eta Wimbitek bazkideekin, eta, gainera, AEIk homologatutako CEL (Espainiako Logistika Zentroa) eta CITET (Logistika eta Garraiorako Berrikuntza Zentroa) lankidetzan arituko da.
Enpresa-talde berritzaileen programak lagundutako proiektuek helburu hauek izango dituzte:
Plenco DLT proiektua
Plenco DLT proeiktuak DLT teknologia aplikatuko duen sistema berritzaile bat garatzea proposatzen du, balio-kate bakoitzean pertsonalizatu daitezkeen smart contract-ak ezarri eta betetzeko. Smart contract-ak (kontratu adimendunak) automatikoki modu deszentralizatuan exekutatzen diren programak dira, sinatzaileek beren klausulak betetzen dituzten heinean. Proiektu honen lehen fasean kontratu mota berri bat sortu zen, araudi sektorialak eta horien aldaketak arin islatuko zituena, beste berrikuntza batzuen artean. Bigarren faseak laborategiko frogagailu teknologiko bat sortu nahi du, errepideko garraioaren ordainketa-epeak betetzen diren ebaluatzeko eta irakurgarritasuna eta hizkuntza hobetzeko, sinatzaileek errazago uler dezaten. Sistemaren helburua plataforma neutro bat osatzea da, hornidura-kate osoan gertatzen diren mugarri guztiak modu eztabaidaezinean erregistratzeko.
AI-Mobot proeiktua
AI-Mobot proiektuak adimen artifizialean oinarritutako hardware- eta software-sistema integral bat garatuko du, makina-erremintaren ekoizpen-planten barruan prozesu intralogistikoak automatizatu eta optimizatu ahal izateko. Proiektuak lan-fluxuak optimizatzea espero du; jarduerarik gabeko denborak murriztea; kargak manipulatzeari edo mugitzeari lotutako lan-arriskuak murriztea; aktibo produktiboen gaineko ikusgaitasuna handitzea; eta adimen artifizialeko teknologia aurreratuen integrazioa erraztea, erabakiak hobeto hartu ahal izateko.
Plagedilog STG proiektua
Bere 3. fasean, Plagedilog STG proiektuak biltegi logistiko baten erreplika birtuala ekarriko duen biki digital bat garatzea planteatzen du. Gaur egun, ez dago biki digital intralogistikorik, eta, beraz, garapen horri esker, funtzionamendu-simulazioak egin ahal izango dira kudeaketa logistikoaren parametro nagusiak aldatzen badira. Horrela, prozesu horien eraginkortasun eza eta behin-behinekotasuna hobetuz. Era berean, formakuntza eta laneko arriskuen prebentzioko moduluetara orientatu ahal izango da.
Euskadiko Mugikortasun eta Logistika Klusterrari buruz
Euskadiko Mugikortasun eta Logistika Klusterra irabazi-asmorik gabeko elkarte pribatua da. Bere helburua pertsonen eta salgaien mugikortasunaren inguruan lan egiten duen enpresa- eta industria-sektorearen lehiakortasuna bultzatzea da, lankidetzaren, berrikuntzaren eta nazioartekotzearen bidez. Klusterrak sektoreko eragile nagusiak biltzen ditu Euskadin, Euskadiko BPGren % 14,5a.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez
Pozikek osasun mentaleko estrategietan inbertitzeko itzulkina maximizatzen laguntzen die enpresei
Bere plataformak aukera ematen du langileei buruzko informazioa biltzeko eta enpresen zuzendaritzari produktibitatea hobetzeko tresnak emateko, langileen ongizatearen bitartez.
Iametzak euskarazko komunikazioaren eta digitalizazioaren aldeko apustua lantzen du
Gipuzkoako enpresak NextCloud plataforma txertatu du azken urteetan bere eskaintzan, eta horrekin enpresa industrialetara iristea du helburu.
AICek automobilgintzako masterraren zazpigarren edizioa atera du
Sektorearen etorkizuneko erronkei aurre egiteko ikasle onenak lortu nahi ditu
Euskarazko diktaketa-sistema berria, dibertsitate funtzionala duten haur eta gazteentzako lagungarri
Proiektuak SPRIren Adimen Artifizialeko programaren babesa jaso du
Teknikerrek ‘Quantum Machine Learning’ teknologiak erabiltzen ditu AAren errendimendua hobetzeko
BRTA Quantum proiektuak eredu kuantiko bat aplikatzea lortu du fabrikazio aditiboko prozesu batean metal baten azken egoera estimatzeko.
Mª Teresa Linaza (Vicomtech): “Beharrezkoa da ekosistema logistikoa hobeto koordinatzea sektorearen deskarbonizazioari aurre egiteko”
Teknologia digitaletan espezializatutako ikerketa aplikatuko zentroak adimen artifizialean oinarritutako soluzioak garatzen ditu, ibilbideak optimizatzeko eta energia-eraginkortasuna hobetzeko.
ApplAI Euskadiko IA Aplikatuaren Biltzarraren bigarren edizioko izen ematea zabalik
Maiatzaren 14an, Euskalduna Bilbao AA Aplikatuaren epizentroa izango da
Lankidetza digitala: kluster industrialak eraldatzeko gakoa
Ekonomiaren, gizartearen eta ingurumenaren garapena errazten duten soluzio eta adibide inspiratzaileak