ApplAI Euskadiko IA Aplikatuaren Biltzarraren bigarren edizioko izen ematea zabalik
Adimen Artifiziala funtsezko sektoreak eraldatzen ari da, eta Euskadi bere aplikazioan erreferente gisa kokatu nahi du. Eskualdean berrikuntza bultzatzen jarraitzeko asmoz, Basque Artificial Intelligence Centerrek (BAIC) ApplAI 2025 antolatu du, AAko ekosistemako eragile nagusiak bilduko dituen biltzarra, eta aurrerapen berrienei eta eskaintzen dituen aukerei buruzko eztabaidarako gune bat irekiko du.
2025eko maiatzaren 14an, Euskalduna Bilbao AA Aplikatuaren epizentroa izango da, eta erreferentziazko ekitaldi horren bigarren edizioa hartuko du. Izen ematea zabalik dago eta edukiera mugatua da.
ApplAI 2025 programa berrituta eta inoiz baino anbizio handiagoarekin itzuliko da. Jardunaldian zehar, sektoreko enpresa, erakunde eta profesionalek esperientziak partekatu eta negozio-aukera berriak sortu ahal izango dituzte AAren inguruan.
Hauek dira edizio honen oinarriak:
- AA ekosistema: Euskadik Adimen Artifizialaren aplikazioan duen potentzialaren erakusleihoa.
- Joerak: Aurrerapen teknologikoei, AAren inpaktu sozial eta kulturalari eta erronka etiko eta arauemaileei buruzko hausnarketak.
- Networking-a: Lotura zuzena industriako funtsezko eragileekin, sinergiak eta negozio-aukera berriak sustatzeko.
AAren etorkizunerako ezinbesteko foroa Euskadin
Kongresua izateaz gain, ApplAI 2025 enpresa eta teknologia sarean adimen artifiziala sustatzeko topagune estrategikoa da. Sektoreko adituen parte-hartzearekin eta AA Aplikatuan ikuspegi praktiko batekin, ekitaldiak eraldaketa digitalean izango duen eraginari buruzko ikuspegi integrala emango du.
Lotutako albisteak
IndustrIA programaren laugarren edizioak adimen artifizial sortzailean trebatuko ditu enpresa industrialak
Otsailaren 14an hasiko da, Digitalentu eta Brain and Code enpresek bultzatuta. Programa honek 80 enpresa baino gehiagotako 220 pertsona baino gehiago prestatu ditu, eta balorazio positibo zabala du.
Mikel Jauregi: “Euskadi Europako berreindustrializazioaren liderra izan dadin lanean ari gara”
Euskadik Europako industrian kontsolidatutako egoeran ekin dio 2025. urte honi eta erronka garrantzitsuak ditu aurrean. Horretarako, Eusko Jaurlaritzak Legebiltzarrean onartutako eta berrikuntzaren eta trantsizio energetikoan aurrera egitearen aldeko aurrekontu hedakorrak ditu, ikuspegia betiere lehiakortasunean aurrera egitean jarrita. Mikel Jauregi sailburuak 2025 honetan Jaurlaritzak bideratuko duen politika industrialari buruzko funtsezko gakoak...
BAICek Euskadiko AAeko eragileen maparen formularioa kaleratu du
Lurraldeak 2024an duen egoera diagnostikatzeko
BAICek nazioarteko estrategia hedatu du, Alemaniara lehen aldiz joanda
Baviera eta Baden-Wurttemberg eskualdeetako ekosistema industriala eta teknologikoa aztertu zuten
676 mila euro proiektu logistikoetarako
Mugikortasun eta Logistika Klusterrak enpresa-talde berritzaileei laguntzeko programaren funtsen % 7a jasotzen du