161 eskaera eta 3,42 milioi onartuak, momentuz, Sprilur-en enpresa-guneetan eta Euskadiko Teknologi Parkeetan instalatutako enpresek lokalen alokairu ordainketa atzeratu dezaten
Covid19agatiko laguntzak ezarri direnetik bi aste igaro diren honetan, Sprilur-ek eta Industrialdeak Sozietateek 96 eskaera onartu dituzte, eta Teknologi Parkeen Sareak 65.
COVID-19ari aurre egiteko enpresentzako estimulu-neurrietako bat da alokairuen kobrantza 6 hilabeteraino atzeratzea industrialdeetan eta teknologi parkeetan.
Sprilur-ek eta Euskadiko Teknologi Parkeen Sareak enpresen 161 eskaera jaso eta aztertu dituzte, bi aste baino igaro ez direnean Eusko Jaurlaritzak joan den martxoaren 24ko saioan enpresei zuzendutako presazko estimulu-neurri sorta bat onartu zuenetik, horien artean honako hau: industrialde eta teknologi parkeetako “alokairuen kobrantza atzeratzea”. Onartutako enpresen eskaera guztiak 3,42 milioi eurokoa izan dira.
Sprilur-ek eta Industrialdeak Sozietateek 96 eskaera jaso dituzte; horietatik 26 Sprilur-ek kudeatzen dituen industrialdeetan kokatutako enpresenak dira, eta gainerako 70ak, berriz, 12 Industrialdeak Sozietateek kudeatzen dituzten industrialdeetan kokatutako enpresenak.
Lehen astean erregistratutako eskaeren bolumena Sprilur eta Industrialdeak Sozietateen eta enpresen artean indarrean dauden kontratuen % 36 da. Hala, enpresek atzeratzeko eskatu duten kuoten zenbatekoa 1,57 milioi eurokoa da.
Eginiko eskaeren % 48 erosteko aukeradun errentamendu-kontratuei dagozkie, eta % 27 errentamendu-kontratu soila duten enpresenak dira.
Bestalde, Teknologi Parkeen Sareak 65 eskaera erregistratu ditu: horietatik 8 dira Arabako Teknologi Parkean errentamendu-erregimenean dauden enpresenak, beste 30 Bizkaiko Zientzia eta Teknologi Parkean kokatutako enpresenak, eta gainerako 27ak, berriz, Gipuzkoako Zientzia eta Teknologi Parkean kokatuta daudenenak. Enpresa kolektibo horrek 1,85 milioi euro inguruko kuota atzerapenak eskatu ditu guztira. Hau da, alokairuen arabera Sareak hilero duen fakturazioaren % 27,08.
Enpresa eskatzaileak funtsezko horniduren katekoak ez diren sektoreei dagozkie, horietako asko sendotze-fasean daude eta, batez ere, IKTen, ingeniaritzen edo zerbitzu aurreratuen sektorekoak dira. Sektore horietan ez bezala, biozientzien sektoreko enpresa askok (Sareko enpresen% 16) jarduerari eusten diote, eta horietako batzuek beren ohiko jarduera eraldatu dute, COVID-19ren aurkako materialaren garapenean eta fabrikazioan kontzentratzeko.
Lurralde historikoka, hauek dira atzeratzeko eskatutako zenbatekoak Teknologi Parkeen Sareak eta Sprilur-ek kudeatzen dituzten teknologi parke eta industrialde guztietan: Araban 259.614 euro (% 7,6), Bizkaian 1,41 milioi euro (% 41,1) eta Gipuzkoan 1,74 milioi euro (% 51).
Eskaerak onartzeko, enpresek justifikaziozko memoria bat aurkeztu behar izan dute, bertan azalduz zergatik eskatu duten alokairuak atzeratzea osasun krisialdi honek eragindako egoera honetan: enpresaren jardueraren geldialdiagatik, eskaerak gutxitzeagatik, produkzio mugatuagatik edo lantaldeen egoera kritikoagatik.
ENPRESEI LAGUNTZEKO NEURRIAREN OINARRIAK
COVID-19ak eragindako osasun krisia lehertu ondoren, Eusko Jaurlaritzak presazko estimulu-neurri sorta bat onartu zuen joan den martxoaren 24ko saioan. Enpresa eta autonomoei zuzendutako neurriak dira eta helburutzat dute geldialdi industrialak eragindako ondorioak (enpresa arlokoak eta ekonomikoak) arintzea.
“Industrialde eta teknologi parkeetako alokairuen kobrantza atzeratzeko” neurri honen bidez, errentamendu-kontratuen (soilak edo erosteko aukera dutenak) ordainketak 3 eta 6 hilabete artean atzeratu ahal izango dira, 2020ko apiriletik hasita. Eskaerak aurkezteko epea zabalik egongo da osasun alarma egoera bukatu eta 60 egun igaro arte.
Atzeratutako kuotak errentamendu-kontratuaren indarraldiko gainerako hilabeteetan ordaindu beharko dira, gehienez ere 4 urteko epean. Ez da inolako interesik sortuko atzerapen akordioak irauten duen bitartean.
Enpresek SPRI Taldearen web orrira jo dezakete COVID-19aren ondoriozko laguntzei buruz informatzeko eta kontsultak egiteko, eta Sprilur-era, Industrialdeak Sozietateetara nahiz Teknologi Parkeen Sarera bidal dezakete alokairu-kuota atzeratzeko eskaera.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan