2019an lau enpresa berri kokatu dira Gasteizko Azucarera eraikinean
Azucarera eraikinean 300 langile eta 14 enpresa daude, zeintzuek 3.259 m2 okupatzen baitituzte, hau da, eraikinaren azalera erabilgarriaren % 56.
Ibermáticak duela gutxi handitu ditu bere instalazioak Azucareran, eta gaur egun 1.257 m² okupatzen ditu, 200 profesionalek proiektu teknologikoak eta eraldaketa digitalekoak garatzen dituztelarik.
Hauek dira eraikinak ostatatzen dituen jarduera berriak: aholkularitza eta zerbitzu informatikoak, IKTen inplementazioa eta IKT arloko biltegiratze eta segurtasun konponbideak, industria sektoreari zuzendutako teknologia arloko euskarri globaleko zerbitzuak eta multinazional eta erakundeentzako zerbitzuak.
Sprilur–ek –SPRI Taldearen eta Ekonomi Garapen eta Azpiegitura Sailaren menpeko erakundeak- kudeatzen duen Gasteizko Azucarera eraikinak osagai berritzaile handiko lau enpresa berri ostatatu ditu aurten. Enpresa horiek teknologia, aholkularitza eta energia sektoreetakoak dira. 2019an iritsitako lau enpresa berri horiekin, Azucarera eraikinean 280 langile enplegatzen dituzten 14 enpresa daude guztira.
Eraikinean instalatutako enpresek 3.259 m2ko azalera okupatzen dute, hau da, eraikin osoaren azalera erabilgarriaren % 56. Lau enpresa berri horiek beste 1.125 m2 eskatu dituzte bulegoetarako eta 230 langile gehiago ekarri dituzte eraikinera. Azucarera eraikinera iritsi berri diren enpresetako batzuk dira OMEGA PHERIPALS, OPTIMITIVE, T-SYSTEMS eta IBERMÁTICA. Azken hori Euskadin sustraitutako enpresa bat da, 2018an kokatu zen eraikinean eta azken hiruhileko honetan, bere espazioa zabaldu du (762 m²), 1.257 m²-raino guztira.
Eraikina birgaitu ondoren, Sprilur-ek 40 bulego (5.815 m²) atondu zituen; gaur egun, 18 lokal gelditzen dira libre (2.556 m²), denak 100 m2tik gorakoak. Horrelako lokal bat eskuratzeko alokairu-kontratu bat egin behar da. Azucarera eraikina kokaleku estrategikoan dago, Arabako hiriburuko erdigunetik oso hurbil, eta balio teknologiko eta berritzaile handiko enpresak ostatatzen ditu.
Berezitasun arkitektonikoez gain, Azucarera partzela mugatu batean dago eta 113 aparkaleku finko eta pribatu ditu, lorategiekin eta bide propioekin. Bulegoek, lokal modularrek eta ekitaldi publiko zein pribatuetarako espazioek behar dituzten azpiegitura-zerbitzu guztiak ditu.
Hauek dira Azucarera eraikinean (Ali Gobeo industrialdea. Gasteiz) kokatuta dauden enpresak: AJEBASK, ARGOLABE, DINALAN, IBERMÁTICA, GFI, GUESA, MERKATU, NEXTEL-S21, OMEGA PHERIPALS, OPTIMITIVE, SGAR, STANSOL, SCHWEPPES, TAURUS-SOLAC, T-SYSTEMS .
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.