Apirilaren 27 eta 28an Zuatzu eta Miramon parkeetako enpresek doan izango dute autobusa Ficoba-ko Go Mobility azokara joateko
Go Mobility azokara joan nahi duten enpresek izena eman behar dute esteka honetan: gomobility.eus
Mugikortasun Jasangarriaren oraina eta etorkizuna presente egongo dira Ficoba-n apirilaren 27 eta 28an, Go Mobility by Mubil azokaren 3. edizioan. Mugikortasun jasangarriko ekosistema babestea helburu duen hitzordu profesional honetan, Beterri Kostako Industrialdeak (Zuatzu Enpresa Parkearen kudeatzailea) eta Miramon Teknologi Parkeak, Go Mobility azokaren antolatzaileekin lankidetzan, doan eskainiko diete autobusa Zuatzun nahiz Miramonen instalatutako enpresei azokara joan daitezen modu eroso eta jasangarri batean.
Apirilaren 27an eta 28an (asteazkena eta osteguna), autobusak Zuatzu Enpresa Parketik abiatuko dira goizeko 9:00etan, gero Miramon Teknologi Parkeko enpresetako langileak jasoko dituzte eta Ficoba azokan bukatuko dute euren ibilbidea. Itzulera alderantziz egingo da, hau da, 17:00etan abiatuko dira Ficoba-tik, geldialdia egingo dute Miramonen eta, azkenik, Zuatzu Enpresa Parkera helduko dira.
Ficoba-ra autobusez joateko zerbitzua doakoa izango da enpresentzat, eta ez da beharrezkoa aurretik izena ematea. Baina azokara sartu ahal izateko, enpresek eta bisitari ofizialek izena eman behar dute Go Mobility-ren webgune ofizialean.
Mugikortasun adimendun eta jasangarria
Go Mobility azokaren 3. edizioak mugikortasun adimendun eta jasangarriaren oraina eta etorkizuna hurbilduko dizkigu. Apustu horren bidez gizarteak eta enpresek aurre egin ahal izango diete mugikortasun jasangarriago bat lortzeko erronka eta konpromiso berriei. Sektoreko jardunbide egokiek, ibilbide berriek eta abiadura handiko mugikortasunak aukera emango digute nazioarteko joera berriak ezagutzeko, aurrera egin dezagun eta prest egon gaitezen mugikortasun jasangarriaren arloan iristear dagoen aldaketarako.
Go Mobility esparru abantailatsua da hainbat enpresa eta erakunderentzat: automobilgintzakoak eta ekipamendu elektrikokoak, bateria-fabrikatzaileak, energia-hornitzaileak, azpiegituren eta sareen enpresak (oil, gas eta hidrogenoa), zerbitzuen integratzaileak, konektibitatea eta Big Data, erakunde publikoak eta flota operadoreak. Izan ere, erantzunak eman, eta negozioa sortzen du ibilgailuen, berriz kargatzeko azpiegituren, trakzio edo birkargako aplikazioetarako energia biltegiratzearen, mugikortasun elektrikoko zerbitzuen, ekosistema globalaren eta mugikortasun iraunkorreko merkatuen inguruan.
Negozio-aukera berriak bilatzen dituzten operadoreak, erosleak, hiriko erabakitzaileak eta enpresa eta zerbitzu-hornitzaileak etorriko dira bisitan. https://gomobility.eus/eu/erakusketariak/bilaketa/
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan