Eibarrek 9.625 metro karratuko hirugarren sektorerako eraikin berria izango du Erisonon urtea amaitu baino lehen
Solairu bakoitzeko azalera osoa 1.100 metro koadrotik 1.500 metro koadrora bitartekoa da, eta modulazioa enpresen beharretara egokitzeko aukera dago.
Sprilur, lurzorua kudeatzeko sozietate publikoak, Eusko Jaurlaritzako Trantsizio Energetiko eta Jasangarritasun Sailari eta Spri Taldean atxikitako, lokal eta bulegoz osatutako eraikin berri bat amaituko du abenduan Eibarko Erisono poligonoan.
Sozietateak poligonoaren goiko aldean dituen 9.100 eta 5.326 metro karratuko bi partzeletatik, Sprilurrek partzela txikienean eraiki du lehen eraikin hori, eta eraikuntza-aprobetxamendua 9.625 metro karratukoa izan da.
Bulego eta lokaletarako espazioak beheko solairuan eta goiko beste lau solairutan daude banatuta. Beheko solairuak eraikinerako, goiko solairuetarako eta garajeetarako sarbide nagusia du. 1.509 metro karratuko azalera du, eta 350 metro karratu inguruko bi lokal ditu, merkataritzako eta/edo zaharberritzeko ekimenak edo jarduerak hartzeko. Gainera, bi lokalek sarbide independentea dute eraikinaren atzeko fatxadaren kanpoko terraza batera.
Goiko lau solairuek 1.098 metro karratuko azalera garbia dute, eta modulazio aldetik malguak dira. Eraikinaren diseinuak aukera ematen du espazio horiek, enpresen jarduerara eta espazio-premietara egokitzeko. Azkenik, eraikinaren estalkiak 723 metro karratu ditu, ibiltzeko modukoak hegoaldean, eta lokalen erabiltzaileentzako aisialdi-gune gisa diseinatua dago. Horrela, lau solairuetan, guztira, 5.905 metro karratu daude okupatzeko eta jarduera ekonomikoak ezartzeko. Erisono eraikina, zalantzarik gabe, leku erakargarria da bertan instalatu nahi duten enpresentzat, paisaia- eta ingurumen-kokaguneagatik.
Gainera, eraikina osorik proiektatu da BIM-Building Information Modeling metodologiaren bidez, bere garapenaren prozesu integrala ahalik eta gehien optimizatzeko: diseinua, egikaritzea, eraginkortasuna eta kostuak. Energia Kontsumo Ia Nuluko Eraikina da, eta eguzki-panelak jartzeko espazio bat izango du, energia fotovoltaikoa sortzeko.
Erisono eraikina eraikitzeko 6 milioi euroko inbertsioa egin da, eta 18 hilabeteko aurreikusitako epean amaitu da.
Eibarko enpresa-eremuen kudeaketa
Eibarko Erisono eraikin berri honek osatzen du Sprilurrek eta Deba Bailarako Industrialdea, S.A.k (Gipuzkoako Foru Aldundiak eta udalek ere parte hartzen dute) hainbat urtez eskualdeko enpresa-segmentuaren esku jarri duten industria-partzela urbanizatuen, pabiloi modularren eta bulegoen eskaintza dibertsifikatua.
Eibarren, hain zuzen ere Erisonoko eraikin horren ondoko partzela batean, duela urte gutxi, haize-sorgailuen palen saiakuntza-banku bat egokitu zuen Sprilurrek sektore eolikorako.
Sprilur Eibarren hasi zen, Azitain Barren poligonoan, lurzoru industrialeko partzela urbanizatuak sustatzen, batez ere enpresa ertain eta handientzat, 80ko hamarkadan izan zen azpiegitura industrialen gero eta eskaera handiagoari erantzunez.
Ondoren, Deba Bailarako Industrialdea, S.A.-k, poligono horretan bertan, pabiloi modularrak zituzten bi eraikin garatu zituen espazio txikiagoak behar zituzten enpresentzat. Eta, bestetik, Eibarko hirigunetik gertu dagoen Matsaria poligonoan, Sprilurrek industria-pabiloiak eraiki zituen beheko solairuan eta industria arinerako 115 metro karratutik gorako lokalak goiko solairuetan, Eibarko hiriguneko industria-jardueraren dentsitatea murrizteko helburuarekin.
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan