Industrialdeen Renove Planak EAEko enpresa-eremuak berritu eta modernizatzeko 64 proiekturen artean banatu ditu aurrekontuaren 3,1 milioiak.
Industrialdeen Renove Planak 101 espediente jaso ditu aztertzeko, eta 64 proiekturi esleitu zaie diru-laguntza.
Eskaerak jasotzeko epea beteta eta Industrialdeen 2018ko Renove Plana agortuta dagoelarik, espero da 2019an ere proiektu gehiagori laguntzeko dirua izatea eta, are, aurten baino diru-laguntza handiagoa izatea.
Eusko Jaurlaritzak 2018ko bigarren seihilekoan onartutako Industrialdeen Renove Plan berri eta berritzaileak interes handia piztu du, eta 101 espediente jaso dira abenduaren 14ra bitartean.
Jasotako espediente horietatik, guztira 64 onartu dira; 21 ez dira onartu administrazio-baldintzak betetzen ez zituztelako; eta beste 16, berriz, ezin izan dira ebatzi, eta, beraz, ez dira esleitu, aurrekontua agortu delako.
Lurralde historikoka aztertuz gero, 23 espediente onartu dira Arabarako; beste 17, Bizkaian egiteko proiektuak dira; eta gainerako 24 espedienteak Gipuzkoako industrialdeetan egiteko.
Diru-laguntza eskatu duten proiektuen zenbatekoak 300 eurotik hasi eta 1.200.000 eurora bitartekoak izan dira.
Zenbateko txikietatik hasi (300 euro) eta munta handiko proiektuetara (1,2 milioi eurokoak) bitarteko espedienteak aurkeztu dira diru-laguntzen deialdira. Ebatzi ondoren, 60-150.000 eurora bitarteko diru-laguntzak banatu dira proiektuen artean, bakoitzaren ezaugarrien arabera.
Hauek izan dira diru-laguntza eskatu duten erakunde nagusiak: hiru lurralde historikoetako udalak, kontserbaziorako hirigintza-erakundeak, industria-espazioen jabe diren enpresen elkarte eta komunitateak, eta enpresa partikularrak.
Eusko Jaurlaritzaren laguntza-plan berritzaile honek hiru helburu nagusi ditu: batetik, Euskal Autonomia Erkidegoko enpresa-eremuetako arazoak konpontzen laguntzea, ingurune industrialen hobekuntza kualitatiboa eskaintzeko; bestetik, hiri-inguruneetan aplikatutako berroneratze- eta birgaitze-politika berak aplikatzea industrialdeetan; eta, azkenik, enpresen eta administrazioen arteko lankidetza sustatzea eta haren garrantziaren inguruan sentsibilizatzea, ekonomia bultzatzen duten ingurune industrialen kudeaketa hobetzeko.
Aurtengo harrera ona bultzada ezin hobea da industrialdeen Renove Plana 2019an ere berritzeko, gure lurraldeko enpresen lehiakortasuna hobetu dadin eta industria-eremuak sendotu daitezen.
Lotutako albisteak
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko