ELIGE sareak eta Sprilur-ek 15 sozietate publiko bildu dituzte gogoeta egiteko gobernu onaren, gardentasunaren eta eraginkortasunaren oinarriei buruz
Interes Orokorreko Tokiko Erakundeen Sareak —ELIGE Sareak— eta Sprilur-ek –Eusko Jaurlaritzaren enpresa-azpiegituren kudeaketako sozietateak– eztabaida-jardunaldi bat antolatu dute SPRI Taldeko kide den sozietate honen 25. urtemuga ospatzeko eta eztabaida eta gogoeta sustatzeko gai honen inguruan: “enpresa publiko baten gobernu onerako giltzarriak, eraginkortasuna eta legalitatea bateragarriak izan daitezen”.
Eusko Jaurlaritzaren lurzoru publikoko sozietateak Euskadiko hamabost erakunde publiko bildu ditu, haiekin esperientziak partekatzeko eta eztabaidan aritzeko gobernu onari eta erakunde parte-hartzaileek gobernu horretan duten zereginari buruz. Anfitrioi lana egin duen Sprilur sozietatearekin batera ekitaldian izan dira orobat Garbiker, Bilbao Kirolak, Metro Bilbao, Bilboko Uren Partzuergoa, Euskadiko Zientzia eta Teknologi Parkeak eta hainbat Industrialdeak sozietate, besteak beste.
Topaketan bi hizlari izan dira, aholkularitza juridikotik abiatuta mundu publikoan esperientzia eta garrantzi profesional handia izan dutenak: Francisco Montes, Andaluziako Juntako abokatua eta Auzitegi Goreneko abokatu ohia, eta Joaquin Gallardo, ENSAko Aholkularitza Juridikoko zuzendaria. Aditu biek gobernu onaren oinarriei buruz duten ikuspegia azaldu dute beren hitzaldietan.
Eztabaidaren ondorio gisa, Sprilur-eko zuzendari nagusi Txaber Ourok azpimarraturik utzi du “zerbitzu publikoen balorizazio profesionalaren garrantzia, prestakuntzaren beharra eta denon konpromisoa elkarrizketaren bitartez oreka bat lortzeko araudiak betetzearen eta zerbitzu publikoak eraginkortasun osoz ematearen artean”.
Sprilur-ek jardunaldi hau eta beste hainbat jarduera antolatu ditu euskal enpresen lehiakortasunerako oinarrizkoak diren azpiegiturak bultzatzeko sozietate gisa egin duen 25 urteko ibilbidea ospatzeko.
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan