Etxe-Lan: ostalaritza-eskolak, jatetxe ezagunak, ospitaleak eta ikastetxeak dira bere 35 urteko ibilbidearen erakusgarri
Ospe handiko ostalaritza-eskoletan (Basque Culinary Centre), jatetxe ezagunetan (Karlos Arguiñano), elkarte gastronomikoetan, eskola eta ikastoletan, eta are garbitegietan ere aurki daitezke Etxe-Lan enpresak eskaintzen dituen ekipamendu eta zerbitzuak. Maiz bisitatzen ditugun lokal askotan ikusiko ditugu enpresa honen sukaldeak, labeak, plantxak, ontzi garbigailuak, ontziratzeko makinak, frijigailuak, hozkailuak eta tamaina handiko ekipo industrialak, eurei esker posible baita kalitatezko produktu eta zerbitzuak eskaintzea hainbat ospitale, ikastetxe, jatetxe eta abarretan, zeintzuetan zerbitzu-produktuen kantitatea eta kalitatea funtsezkoak diren eta euskal gizarteak biziki estimatzen dituen.
Etxe-Lan enpresak 35 urte betetzen ditu erreferente izaten Ostalaritza, Jatetxe eta HORECA arloko kolektiboetan, denei eskainiz ekipamenduak, makineria eta zerbitzu integrala elikadura arloko negozio edo zerbitzu bat martxan jartzeko fase guztietan (instalazio-proiektua, muntaia, martxan jartzea eta mantenimendua).
Ibilbide hori borobiltzeko, 162 metro koadroko bulego berri bat erosi dio Eskoriatzako Torrebaso industrialdean Deba Bailarako Industrialdea, S.A.ri (Sprilur-ek, Gipuzkoako Foru Aldundiak eta Debabarrena nahiz Debagoiena eskualdeetako udalek partaidetutako erakundeari).
Etxe-Lan sortu zen Fagor Electrodomésticos lineari zerbitzua eta laguntza tekniko ofiziala emateko, baina, horrez gain, sostengua ere ematen dio ekipamendu industrialen sektoreko beste hainbat marka ezaguni. Etxe-Lan osatzen duen pertsona taldea da enpresa horren alderdi garrantzitsuena: aparejadoreak, proiektistak, komertzialak, delineatzaileak eta, jakina, muntaketako teknikariak. Bere jarduera ez da mugatzen makineria muntatzera, zerbitzu zuzena ere ematen baitio bezeroari, ongi zaindu beharrekoa beti. Enpresako kudeatzaile Rafa Irigoyenek dioenez, lehen kontaktua egin ondoren konponbide zuzenak eskaintzen dizkiegu gure bezeroei, eta badaukagu baita ere espazio berezi bat aukera izan dezaten erosi behar dituzten makinak ikusteko eta nola funtzionatzen duten probatzeko.
Baliabideei dagokienez, apustu egin dute digitalizazioaren alde, uste dutelako lagungarri dela bezeroarengandik hurbilago egoteko, kalitatezko zerbitzua emateko eta, era berean, bezero eta hornitzaile arteko komunikazioa errazteko. Bestalde, makinen arteko konexio digitala dagoeneko errealitate bat da sektore honetan, eta etorkizunean industriako zein etxeko makina guztiak konektatuta egongo dira eta aurrera egingo dugu etxeetaraino ere iritsiko den paradigma profesional teknikoki eta teknologikoki berritzaileago baterantz.
Etxe-Lan enpresak etorkizun ilusionagarri bat ikusten du aurrean, kalitatezko zerbitzu eta produktuak eskainiz elikadura sektoreari eta gizarte orokorrari. Aurreikusitako negozio-helburuei dagokienez, aitortza handia dugu Debagoienan eta inguruko eskualdeetan, baina gure asmoa da haztea eta merkatu berrietara iristea, dio Irigoyenek.
Torrebaso industrialdeko eskaintza – Deba Bailarako Industrialdea, S.A.
Deba Bailarako Industrialdea, S.A.k hainbat espazio libre ditu Torrebaso industrialdean, jarduera ekonomiko bati ekiteko toki bila dabiltzan enpresen balizko eskaerari erantzuteko.
Zehazki esanda, Torrebason, Deba Bailarako Industrialdea S.A.k badu erabilpen tertziarioko 1.350 metro koadroko partzela bat 4.600 metro koadroko azalera eraikigarriarekin. Bestalde, sozietateak baditu 1.326 metro koadro garajetan eta bulegotan, eta finantza-formula malguak horiek erosi nahiz alokatzeko.
Torrebaso industrialdea-espazio libreak
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.