Euskadiko Parke Teknologikoen Sareak lehen seihilekoan parkeetan ezarri diren sei erakunde berri aurkeztu ditu Parke Foroan
Euskadiko Parke Teknologikoen Sareak lehen seihilekoan parkeetan ezarri diren sei erakunde berri aurkeztu ditu gaur, Ongi Etorri Parke Foroa ekimenean. AVS Next, Faes Farma, MLC ITS Euskadi (Mugikortasun eta Logistika Klusterra), Novaut, Proquinorte eta Satlink izan dira euren produktuak eta zerbitzuak ezagutzera eman dituzten topaketaren protagonistak.
Euskadiko Parke Teknologikoen Sarearen topagunea da Parke Foroa, eta 580 konpainia baino gehiago biltzen dituen sareko erakundeen arteko ezagutza, lankidetzarako aukerak eta negozio-garapena sustatzea du helburu. Hasieratik, 10 edizio egin dira, 300 erakundek baino gehiagok hartu dute parte, eta hainbat merkataritza-akordio lortu dira bertan.
Héctor Calderónek, Euskadiko Parke Teknologikoen Sareko Lankidetzako eta Enpresei zerbitzua emateko zuzendariak, ongietorria eman die enpresa berriei, eta “sare horrek hazten jarraitzearen garrantzia” azpimarratu du, “Pandemiaren ondorioz izaten ari garen zailtasunak gorabehera, agerian geratu da berrikuntza-ekosistema gisa duen balioa”.
Aurkezpenak eta aldebiko topaketak
Ekitaldia formatu birtualean egin da, eta enpresa bakoitzaren aurkezpen-erronda eta aldebiko topaketak egin dira, elkarren arteko ezagutza eta erakundeen arteko lankidetzarako eta negozio-garapenerako aukerak sustatzeko.
AVS Next (Arabako Teknologia Parkea) enpresa liderra da espaziorako eta Big Sciencerako ekipo konplexu eta kritikoak diseinatzen eta garatzen, oso baldintza zorrotzak betez, kalitate-estandar altuekin.
FAES Farma (Bizkaiko Parke Zientifiko eta Teknologikoa) 1933an sortu zen, eta nazioartean ibilbide luzea egin duen farmazia-konpainia da. Produktu farmazeutikoak eta lehengaiak ikertzen, ekoizten eta merkaturatzen ditu, eta herrialde askotara esportatzen du.
MLC ITS Euskadi-Mugikortasun eta Logistika Klusterraren (Arabako Parke Teknologikoa) eginkizuna bere kide diren enpresen eta eragileen garapena eta indarra bultzatzea da, berrikuntza, nazioartekotzea eta sektore-lankidetza bultzatuz eta beste sektore batzuekiko sinergiak sustatuz.
Novaut (Arabako Parke Teknologikoa) industria-produktuak salerosteko eta produktu automatizatuak banatzeko plataforma da, besteak beste, robotika, hidraulika, energia, tresneria, informatika industriala, garraioa, etab.
Proquinorte enpresa (Bizkaiko Zientzia eta Teknologia Parkea), ikerketarako eta industriarako laborategiko materialaren salerosketan espezializatuta dago, mundu bioteknologikoan eta diagnostikoan, batez ere.
Satlink (Arabako Teknologia Parkea) 1992an sortua, satelite bidezko telekomunikazioetan espezializatutako ingeniaritza enpresa espainiarra da. Munduko liderra da arrantza-sektorerako soluzio teknologikoen hornitzaile gisa, arrantza eraginkorra eta jasangarria bermatuz.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.