Euskal Makina-Erreminta negozio-aukerak aztertzen ari da Vietnamen
Makina-erremintaren sektoreko euskal enpresen ordezkaritza batek enpresa-misio bat egin zuen joan den astean Vietnamera, herrialdearen hazkunde industriala bertatik bertara ezagutzeko eta negozio-aukera berriak aztertzeko. Basque Trade & Investment (BasqueTrade) SPRI Taldeko euskal enpresak nazioartekotzeko agentziak antolatu zuen ekimena, AFM Clusterrarekin elkarlanean, eta, bertan, Juaristi, Ekin, Danobat, Ibarmia, Ona, Fagor Automation eta Pasaban enpresek hartu zuten parte.
Bisita hau Vietnam Asiako manufaktura-aktore garrantzitsu gisa finkatzen den testuinguruan egin zen. Ekonomian adituek eta nazioarteko aholkulari handiek “Txina berria” izendatu dute herrialdea, industria hazkunde azkarra duelako eta nazioarteko inbertsioak erakartzeko gaitasuna duelako.
Txinako ekoizpen-kostuen igoerak, tentsio geopolitiko globalek eta “Txina +1” estrategiaren barruan ekoizpen-alternatiben bilaketak, besteak beste, Vietnam funtsezko helmiga bihurtu dute hornidura-katea dibertsifikatu nahi duten multinazionalentzat.
Gainera, 2020tik indarrean dagoen Europako Batasunaren eta Vietnamen arteko Merkataritza Askearen Akordioak, bi lurraldeen arteko merkataritza harremanak errazten ditu, eta aukera berriak irekitzen ditu Vietnamgo produktuak Europara esportatzeko nahiz Europako makinak inportatzeko.
Ildo honetan, Vietnamgo merkatuan kokatzeko aukera argia identifikatu da, batez ere teknologia aurreratua eta doitasun handiko ekipo industrialak eskatzen dituzten sektoreetan.
Hori dela eta, misioan zehar, euskal enpresen ordezkaritzak bisita industrialak egin zituen Vung Tau eskualdeko erreferentziazko konpainietara, hala nola metalezko egitura handien fabrikazioan espezializatutako CNI Vietnam, , pressure vessels eta Oil & Gas sektorerako biltegiratze-tangak-era. Bisita horiei esker, bertaratutako enpresek gertutik ikusi ahal izan zuten tokiko industriaren potentziala, eta etorkizuneko merkataritza-bazkideen kalitate- eta eskakizun-mailak.
Gainera, ordezkaritzak topaketa batean parte hartu zuen Ho Chi Minh-en, inguruan jada ezarrita dauden euskal enpresekin. Bertan,arrakasta kasuak aurkeztu dira eta lankidetzarako aukerak aztertu dira. Era berean, Investment and Trade Promotion Centre of Ho Chi Minh zentroaren eskutik, jardunaldi bat antolatu zen euskal industria sektorearen gaitasunak aurkezteko, eta euskal enpresek beren produktuak eta zerbitzuak erakutsi zizkieten tokiko balizko bezeroei.
Testuinguru horretan, Vietnam Asiako ekoizpen-zentro estrategiko gisa kokatuz, enpresa-misio horrek indartu egiten du euskal Makina Erremintak nazioartekotzean eta funtsezko merkatuetara hedatzean duen zeregina.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.