IndeusBerri: industria eta euskara uztartzen dituen informazioaren topagunea
“Emakume Zientzialarien argitan” solasaldi zikloa berriro abian dela ekarri digu mahai gainera gaurko IndeusBerrik. Azaroaren 9an egingo diren bi jardunaldi ere nabarmenduta daude: alde batetik Praktika onak partekatzeko III.biltzarra Bilboko Euskalduna Jauregian eta bestetik ‘Adimen artifizialaren egoera eta erronkak lan munduan’ Enpresarean Foroaren eskutik Gipuzkoako Parke Teknologikoan. Amaitzeko, beti bezala, hiztegiko berba berri bat, kasu honetan ingelesez dagoena Cyber Range
'Adimen artifizialaren egoera eta erronkak lan munduan' Azaroaren 9an Gipuzkoako Parke Teknologikoan Enpresarean Foroaren eskutik.Adimen artifiziala ardatz izango duen solasaldia antolatu du Bai Euskarari elkarteak Enpresarean Foroaren barruan azaroaren 9rako. Gai honen inguruan hainbat ertz izango dituzte mintzagai jardunaldian egingo diren bi solasaldietan, Lehenengoan euskal entitateetan adimen artifizialaren egoera zein den aztertuko dute Ane Iturzaetak, Mikel Artetxek eta Mikel Maizak. Bigarrenean berriz, “Noraino eta zein baldintzatan erabili adimen artifiziala” galderari erantzuten saiatuko dira Irati Berasategi eta Josu Bilbao.
Zer egiten dute erakundeek hizkuntzen kudeaketan? Praktika onak partekatzeko 3.biltzarra antolatu dute Hizkuntza politikarako sailburuordetzak eta Euskalitek.Datorren azaroaren 9an, goizeko 09:30-11:30 bitartean hizkuntzen kudeaketan praktika onak partekatzeko ekitaldia hartuko du Euskalduna Jauregiak. Hau izango da enpresen praktika onak ezagutzera emateko egingo den hirugarren biltzarra. Lau praktika on aurkeztuko dira: Gipuzkoako Administrazio Publikoaren informatika zerbitzuarena, Elay enpresarena, Eusko Legabiltzarrarena eta Vicomtech zentro teknologikoarena.Ekitaldia streaming bidez jarraitzeko aukera ere badago.
Abian da berriro “Emakume zientzialarien argitan” solasaldi-zikloa.Emakume zientzialariak ezagutzea du helburu egitasmo honek. Izan ere, emakumeen ekarpenak ezkutuan geratu dira zientziaren eta teknologiaren historian, eta gaur egun ere nabarmena da emakumeen diskriminazioa arlo horretan. Aurrez aurreko elkarrizketen bidez, arlo desberdinetan diharduten hiru emakume zientzialari ezagutzeko aukera izango da: Miren Vives Urbieta, Uzuri Albizu Mallea eta Onintze Salazar Perez. Besteak beste, azalduko dute zerk bultzatzen dituen ikertzera, zer galderari erantzun nahi dioten, zerk harritu dituen gehien eta zer zailtasuni egin behar dieten aurre. Ana Galarraga Aiestaran Elhuyarreko zientzia-dibulgatzaileak gidatuko ditu solasaldiak.
“CYBER RANGE” Industria Berriaren Spri Hiztegian. Zibersegurtasunaren alorrean, ingurune operatibo errealak simulatzeko plataforma birtuala, teknologia, teknika eta taktika berriak esperimentatu, probatu eta baliozkotzeko aukera ematen duena. Profesionalak zibersegurtasunaren eta ziberteknologiaren esparruan trebatzeko erabiltzen da. Industria Berriaren Spri hiztegian aurkituko duzu berba hau eta askoz gehiago.
Lotutako albisteak
IndeusBerri: Industria eta Euskararen plaza
Albiste dira gaur Gladys Saria, Bideojokoen industriaren egoerari buruzko jardunaldia, EnpresaBIDEA eta Enkriptatze.
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
IndeusBerri: Industria eta Euskararen plaza
Gaur albiste dira Arabako Enpresen Foroa, Bideojokoen industria Euskal Herrian, ChatGpt eta Konbergentzia teknologiko.
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
IndeusBerri: Industria eta Euskararen plaza
Gaur albiste dira ETEKIN Topaketa, Komunikaziona Bidegurutzean jardunaldia, Ebaluatorioa, Instagram II ikastaroa eta Ikusmen bidezko komunikazio.
IndeusBerri: Industria eta Euskararen plaza
Gaur albiste dira INDEUSen Batzar Orokorra, ARTEZek garatutako gunea, Instagram II ikastaroa eta 'Geruza digitala' Industria Berriaren hiztegian.
ALBERDI MEKANIZATUAK, BIOLAN eta MITXELENA Kooperatibak bat egin dute INDEUS Industriaren Euskal Plataformarekin
Urteko lehen bilera egin dute Indeus sustatzen duten erakunde publikoek eta Indeuskide diren enpresa, zentro teknologiko eta elkarteek Euskadiko Parke Teknologikoaren Abantoko campusean.
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
IndeusBerri: Industria eta Euskararen plaza
Gaur albiste dira ETEKIN ekonomia-solasaldien bigarren edizioaren hasiera, KomunikaziONA Bidegurutzean jardunaldia Notasuna Sareanen eskutik, BAIC - Datuaren estrategia eta Fabrika adimendun.
Ekonomia eta Finantzak; ETEKIN Topaketen edizio berria
Andrés Arizkorreta, Ane Insausti eta Lander Beloki, martxoaren 26an Donostiako Aquariumean