Mecanizados Mein, mende erdi baino gehiago normalizazio kabilak fabrikatzen
Duela 55 urte baino gehiago, Mecanizados Mein enpresa sortu zen, errodamenduaren industriako laguntzaile gisa, eta 1970ean bere jarduera normalizazio kabilen fabrikazioan zentratu zuen. Gaur egun estatuan produktu horren fabrikatzaile bakarra bada ere, “azken urteotan irazki berezira bideratu dugu negozioa, gaur egun gure fakturazioaren % 65 baino gehiago izatera iritsi arte, milioi bat euro inguru hain zuzen ere”, Eduardo Gutiérrez Berraondo Mecanizados Meineko gerenteak adierazi duenez.
Irazkiak finkatze- eta posizio-elementuak dira, eta hainbat erabilera eskaintzen dituzte sektore-sorta zabalean. Kabil normalizatu baten ezaugarriak eta neurriak aldez aurretik araudi bidez finkatuta daude, eta ezarritako parametroak bete behar dira. Bestalde, irazki bereziak materialean, tolerantzian edo forman ezarritako eskakizunetatik kanpo daude, besteak beste. Berezitzat jotzen dira, halaber, bezeroaren planoaren baitan mekanizatu eta arteztutako piezak.
Gipuzkoako enpresak mota ugariko kabilak fabrikatzen ditu: zilindro-formakoak, kono-formako, ildaskatuak eta buruarekin, baina itxura diferentzialarekin. “Fabrikatzaileak garenez, bezeroaren beharretara egokitu gaitezke, haren aplikazioari normalizazio kabilak balio ez dionean. Ildo horretan, doikuntza-tolerantzia eta kabilen gogortasuna alda ditzakegu”, nabarmendu du gerenteak.
Prozesuen digitalizazioa
Azken urteotan, enpresak baliabideen modernizazioaren eta prozesuen digitalizazioaren aldeko apustua egin du, produktuak hobetzeko eta fabrikazioan duten kontrola hobetzeko. Ildo horretan, autokontrol-sistema bat du, eta kontrol-postu bat eta datu-erregistro dimentsionalak ditu, produktuen kalitatea bermatzeko. “Gaur egun, fabrikatzen dugun guztiaren akats tasa % 1etik beherakoa da”, azpimarratu du Eduardo Gutiérrez Berraondok.
Enpresak zortzi langile ditu, txanda batean lan egiten dutenak. “Hala ere, epe ertainean bigarren txanda bat gehitzea aurreikusten dugu, azken hiru urteetan asko hazi baikara salmentetan eta horrela produktibitatea handitzea dugu helburu”, aurreratu du gerenteak.
Bere merkatu nagusia estatukoa den arren, duela 15 urtetik hona Frantziako merkatua ere lantzen du, Gardette industrie enpresaren eskutik. “Epe ertainera, beste herrialde batzuetako (Alemania edo Italia, esaterako) enpresekin horrelako lankidetzak zabaldu nahi ditugu”, zehaztu du.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan