Partaidetza publiko eta pribatuaren eskaera handia azpiegitura industrialak biziberritzeko Industrialdeen Renove Planaren lehen asteetan
Aste gutxian, jadanik funtsen heren bat eman da Eusko Jaurlaritzak Sprilur-en bitartez bideratzen duen ekimen honetan
Epea abenduaren 14an amaitzen da, eta 3,1 milioi euroren zuzkidura dago industrialdeak modernizatzeko eta haien azpiegitura fisikoa berritzeko
Industrialdeak-Urbanizazioa Renove Plan berritzailea, Eusko Jaurlaritzak irailean onetsia, erantzun ona izaten ari da erakunde publiko eta pribatuen aldetik, eta hainbat proiektu aurkeztu dituzte jada, gure lurraldeko ekonomia-jardueraren arloak hobetzera bideratuak. Hilabete pasatxoan, Eusko Jaurlaritzak, SPRI eta Sprilur-en bitartez, hogeita hamar bat hobekuntza-proiektu eta -ekintza jaso ditu, autonomia-erkidegoko industrialde eta enpresaguneetako azpiegiturak eta beste elementu batzuk egokitzea eta modernizatzea dutenak xede.
Balioespen osorik ezin egin bada ere, oraindik irekita baitago aurkezteko epea, jada 18 espediente onartu dira, denera 874.281 euro egiten dutenak. Horrek esan nahi du Industrialdeen Renove Planera bideratutako 3,1 milioi euroko diru-laguntza funtsaren % 28 esleitu dela dagoeneko.
Eskatzaileak, nagusiki, era honetako erakundeak dira: udalak, kontserbazio- eta garraio-erakundeak, industrialdeen jabe-erkidegoak eta enpresaburu-elkarteak. Jasotako espedienteak, berriz, garatu beharreko proiektuei nahiz egiten ari diren jarduketei dagozkie: bidegorriak, asfaltatze-lanak, industriaguneetako bide publikoak, mugikortasun-planak, saneamendua, oinezkoen sarbideak hobetzea, argiteria eraginkorrerako obra zibila, etab.
Planaren indarraldiari dagokionez, abenduaren 14an amaituko da Industrialdeen Renove Planerako laguntza-eskaerak aurkezteko epea, non eta ez diren lehenago esleitzen aurrekontuko funtsak (3,1 milioi euro).
Euskadiko industrialdeen kudeaketari eta mantentzeari bultzada
Industrialdeen Renove Planaren helburu nagusietako bat da kudeaketa publiko eta pribatu partizipatiboa sustatzea, enpresaburu, enpresa eta erakundeen artekoa, lehiarako indarrak hobetzeko eta halaber beren jarduera ekonomikoa garatzen duten poligonoak eta industrialdeak mantentzeko eta hobetzeko. Hau da, zerikusia duten entitate guztiek lankidetzan jardutea kudeaketa-eredu berri bat sortzeko, erantzukizunak eta karga ekonomikoak partekatzen dituena.
Laguntza-programa hau Eusko Jaurlaritzak (Ekonomia Garapen eta Azpiegitura Sailak) bultzatutako plan estrategikoen artean sartzen da, eta osagarri ditu beste laguntza-programa batzuk ere, zeinek sustatzen baitute Euskadiko industrialdeetan belaunaldi berriko banda zabaleko sareak hedatzea eta energia-eraginkortasuna eta -aurrezpena sustatzea (Energiaren Euskal Erakundea).
Interesdunek Industrialdeen Renove Planaren diru-laguntza lerroetarako irispidea dute spri.eus webgunean, laguntzen atalean, eta 902 702 142 telefonoan edo helbide elektroniko hauetan: info@spri.eus, sprilur@spri.eus
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua