Patricia Gutiérrez: “Jundizeko Enpresa Elkarteak kanpora begiratzeko unea da”
Jundizeko Enpresa Elkartearen norabide berria: Euskadiko industrialderik handienak presidentetza estreinatu berri du. Patricia Gutiérrez, A&B Laboratorios kimika-enpresako zuzendariak Manu Allenderen lekukoa hartu du hamarkada bat baino gehixeagoko ibilbidea eta une hauetan 130 enpresa bazkide dituen kolektibo baten presidente gisa. Hurrengo bost urteetan, Gutiérrezek industrialdeko bertako enpresen arteko enpresa-harremanak sustatu nahi ditu, Elkartera bazkide gehiago erakarri eta Jundizeko jarduera handitu.
Zergatik eman duzu urratsa?
Uste dut oso proiektu polita dela, eta guk barruan egiten dugun moduan, taldean, sendotasunez lan egin dezakegula. Proposatu egin zidaten, eta iruditu zitzaidan Jundizek leku gisa dituen zailtasunetan ez ezik, enpresari bakoitzak dituen zailtasunetan oinarrituta ere proiektu bat egin genezakeela. Erakunde guztiak apur bat ezagutzea eta barnean apur bat gehiago sakontzea bakoitzaren arazoetan, sinergia ugari sor baitaitezke enpresen artean. Gainera, uste dut Euskadiko industrialderik handiena izanda, aukera polita dugula.
Nork laguntzen dizu proiektu honetan?
Hasteko, Manu Allende, aurreko presidentea zoriondu eta eskertu nahi dut, orain arte egin duen lanagatik. Hauek gara taldean: Asier Fernández de Trocóniz diruzain moduan, Uciezako Tomás Pérez Merino idazkari moduan, Remiruko Judith Ruiz Pérez, Servicios Empresariales Júndizeko Jimmy Gómez de Balugera, Ditreleko Elizabeth Fernández Frías eta Cepialeko Alfonso Pérez. Horiek dira nire lankideak, eta zoragarriak dira.
Hasi baino ez zara egin, baina nolabait esateko, zer ibilbide-orri aurreikusten duzu?
Enpresari oso begirakoa. Pertsona bezala, zer arazo dituzun entzun. Arazoak dituzu belaunaldien arteko erreleboan? Zibersegurtasun-arazoak? Uneko legedia ulertzeko arazoak dituzu? Ziur nago Jundizeko erakundeen % 80k arazo antzekoak ditugula, eta elkar entzuten badugu, hobekuntza-taldeak egin ditzakegula, eta elkarri lagundu. Gure kasuan, beti diogu jasangarritasuneko, ekonomia zirkularreko edo ingurumeneko jardunbide onak behar badituzu, guk lagunduko dizugula.
Eta zer estilo eman nahi diozu Elkarteari?
Kontuan izanda A&B oso erakunde egituratua dela eta lantalde bikaina dudala, uste dut kanpora begiratzeko unea dela. Honek guri balioko digu lantalde moduan, eta baita Elkarteari ere. Azken batean, zure konfort eremutik ateratzen zarenean, eta beste erakundeen arazo eta lan egiteko moduak ikusten dituzunean, asko ikasten duzu. Orduan, nigan pentsatuz, norbanako bezala hazten lagunduko dit proiektuak, normalean egiten dudanetik urrunduta egongo bainaiz.
A&B Laboratoriosi, zuzentzen duzun enpresari, (hau ere Jundizen) dagokionez, nola bukatuko da 2024a?
Primeran, urte bikaina izan da. Azken urteetan zehar marraztu genituen plan horiek urratsez urrats eraikitzen ikusi ditugu, eta emaitzak oso pozgarriak izaten ari dira. Lantaldea oso pozik dago, eta ni are gehiago, haiek pozez eta errekonozimenduz gainezka ikusten ditut eta. Esan bezala, sari batek ez dizu jaten ematen, baina egiten ari zaren lana eta egiten ari zaren bidetik jarraitzen laguntzen dizu.
Lotutako albisteak
Aitor San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Aratubo: “IA funtsezko zeregina betetzen ari da gure eraginkortasuna eta berritzeko gaitasuna hobetzeko”
Enpresaren historia hazkunde azkar eta iraunkor batek markatu du. BAICeko bazkide da 2022tik, eta SPRI Taldeak sustatutako hainbat programatan parte hartzen du. Aitor López de Letona gerentearen arabera, "smart factory kontzeptua epe ertainerako lehentasunetako bat da".
Fagor Automationek emakumezkoen enpleguaren ia % 40 lortu du
Konpainia SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da
Loco Polo: “Hauxe da zerotik hasita sortu dudan eta urte gehien dituen proiektua”
Iñigo Galdonak, enpresaren sortzaileetako batek, artisau-izozkien proiektua bultzatu du Gipuzkoatik, eta beste hainbat herritan ere saltzen dute: Frantzian edo Omanen, adibidez