Reinvak bere egoitza Arteara eraman du, bere jarduera dibertsifikatzeko asmoarekin
Reinva enpresa bizkaitarrak 40 urte baino gehiagoko esperientzia du lurrun-galdaren ordezko piezen mantentze-lanetan eta hornikuntzan. Duela gutxi, Energía y Medioambiente Combustión industria-taldearen parte bihurtu da, nazioarteko izaera argia duen talde handia. Alderdi hori izan da, hain zuzen ere, Reinvak bertan integratzea erabaki izanaren arrazoietako bat, orain arte atzerrian egindako jarduera “oso urria izan baita”, enpresaren arabera. Horrela, nazioarteko instalazio termikoetarako eta errekuntza-instalazioetarako giltza eskura proiektuak egiteko helburua du enpresak hemendik aurrera.
Mugimendu honen beste arrazoietako bat lurrun industrialeko prozesuen garapenean aurrera egitea izan da, ingeniaritzako sail bat gehituz. Horrela, Reinvak zerbitzu osoa eman ahal izango die industria-instalazioei, behar diren prozesu termikoekin eta lurrun-prozesuekin. “Konpainiaren helburua errekuntza- eta lurrun-prozesuetarako, galdara industrialetarako eta errekuntza-sistemetarako instalazioak eta ekipoak diseinatzea eta hornitzea izango da”, Reinvaren arduradunek azpimarratu dutenez.
Reinvak Bildosola industrialdera (Artea, Bizkaia) lekualdatu du bere egoitza, Sprilurrek sustatuta. Izan ere, Artea energia-sektorearekin lotutako enpresa ugari biltzen dituen eskualdea da. Pabiloi berriak 2.000 metro karratu ditu, eta Barakaldoko instalazio zaharrak ordezkatuko ditu. Kokapen berri horretan, enpresak sektore ugarietarako lanean jarraituko du: siderurgia, kimika eta petrokimika, autoklabeak, elikadura eta edariak, paperaren industria eta ospitale eta hoteletarako zerbitzuak.
Gainera, egoitza berri horren lekualdatzearen arrazoiek zerikusia dute energiaren sektoreak dituen erronka berriekin, hidrokarburoen prezioaren eta C02 tonaren kostuaren igoera dela eta. “Egoera horren ondorioz, inoiz baino beharrezkoagoa da galdaretan energia aurrezteko soluzioak instalatzea, hala nola aire beroko ekonomizagailuak edo aurreberogailuak instalatzea, errekuntza optimizatzeko sistemak, tenperatura altuko kondentsatu presurizatuak biltzeko sistemak, etab.”, enpresako arduradunek azaldu dutenez.
Etorkizunari begira, Reinavaren ustez, egoitza aldaketa hauek sektorean gero eta ohikoagoak izango dira, “gaur egungoak baino gutxiago kutsatzen duten eta produktiboagoak diren ekipoak dituzten instalazioekin, bai eta planten modernizazioan eta erregai berrietara egokitzean ere, hidrogenoa kasu”.
SPRI Taldeak beren industrialdeetan baldintza malguak eta lehiakorrak dituzten espazioak eta azpiegitura soluzioak eskaintzen dizkie euskal enpresei Sprilurren bidez. Enpresentzako ingurune berritzaileak ere eskaintzen ditu, Euskadiko Parke Teknologikoen sarearen bidez.
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan