Sprilur-ek Azucarera Eraikineko klimatizazio-sistema berritu du energia geotermikoa erabiliz
Beharrezko kontsumo osoaren % 30 geotermia bidez sortuko da, hau da, lurrazaletik 200 metroko sakoneran dagoen eta beroa atzematen duen sistema aurreratu baten bidez.
Erreforma horri esker asko hobetuko da Eraikinaren kalifikazio energetikoa, eta maila altuetara iritsiko da erregulazio-tauletan.
Proiektu hori Europar Batasuneko Eskualde Garapeneko Europako Funtsek finantzatzen dute, 109.034 eurorekin, Hazkunde Iraunkorreko Programa Operatiboaren barruan.
Garapen jasangarriaren aldeko bere konpromisoari jarraiki, Sprilur-ek energia geotermiko bidezko klimatizazio-sistema berritzaile bat inplementatu du Gasteizko Azucarera Eraikinean. 1900. urtean eraikitako eraikin berezi horrek 15 enpresa ostatatzen ditu, eta hemendik aurrera energia-sistema eraginkor bat erabiliko du, zeinak energia geotermikoko metodo aurreratu baten bidez lortuko baitu beharrezko kontsumo osoaren % 30a.
Sprilur-ek (enpresa-guneen kudeaketa eta sustapeneko sozietate publikoak) 2019an hasi zituen eraikinaren instalazioak berritzeko lanak, helburutzat harturik sistema jasangarri bat ezartzea energia eraginkortasuna hobetzeko, erregai fosilekiko menpekotasuna minimizatzeko eta energia kontsumoa eta ingurumeneko inpaktua murrizteko.
Erreforma-proiektuan beharrezkoa izan da klimatizazioa aktibo mantentzea 24 orduz, bertan instalatutako enpresen premiengatik. Energia geotermikoko sistema instalatzeko prozesua abiatu aurretik hainbat analisi eta prestakuntza egin behar dira, eta kontuan hartu behar da sistema horrek lurraren barnealdeko berotik ateratako energia berriztagarria erabiltzen duela ur beroa ekologikoki klimatizatu eta lortzeko.
Hala, lanak bi fasetan egin dira, eraikinean garatzen ari diren enpresa-jarduerak bermatzeko. Hasteko, punpaketa-makinak erretiratu ziren eta eraikineko lorategi-eremuak atondu, 200 metroko sakoneran 12 zunda kokatzeko eta, horrela, geotermia bidezko lurpeko ur-ur punpaketa-zirkuitu bat sortzeko. Azkenik, bi aire-ur bero-punpa berri txertatu dira, beren energia-kudeaketa eta aireztapenerako ekipoekin eta kontsumo-neurgailu eta -kontrolatzaileekin.
Eraikinaren eraberritze integrala egin zenetik 21 urte igaro direlarik, azken erreforma honekin Azucarera Eraikinak egungo araudi guztiak beteko ditu, eta asko hobetuko du bere kalifikazio energetikoa, bai energia-kontsumoari eta bai CO2 isurien murrizketari dagokionez. Urte honetatik aurrera, Azucarerak klimatizazio-sistema aurreratu, eraginkor eta jasangarri bat izango du, eta maila jasangarriagoetara iritsiko da erregulazio-tauletan (energia-kontsumoaren mailan 168Cra eta CO2 isurien murrizketan 28.5Bra).
Azucarera Eraikineko klimatizazio-sistema berritzeko proiektu hau garatzeko, Sprilurrek 472.514 euroko inbertsioa egin du guztira, eta horietatik % 23 inguru (109.034 euro)FEDER Funtsek- Europar Batasuneko Eskualde Garapeneko Europako Funtsek finantzatu dituzte, Hazkunde Jasangarriko Programa Operatiboaren barruan, IDAEren, Energia Aurrezteko Institutuaren eta Diversifikaziorako Institutuaren bidez.
ERAIKINAREN HISTORIA LABURRA
Gasteizko Azucarera Alavesa lantegiaren eraikuntza-lanak 1902an hasi ziren eta 1904an bukatu. Erresuma Batuko lantegien estilo arkitektoniko bera du. Nekazaritzako elikagaien eraldaketako bere produkzio-jarduerak 1966ra arte iraun zuen, eta biltegi bihurtu zen handik aurrera.
1999an Eusko Jaurlaritza eraikinaren (8.800 m2) kanpoaldea eta barrualdea eraberritzen hasi zen Sprilur-en bitartez. 2000. urtean Ondasun Kultural izendatua izan zen, Euskadiko Ondare Industrialaren erakusgarri onenetako bat delarik bere balio historiko eta arkitektonikoagatik. Eraikinaren pabilioi nagusia eta tximinia hasieran zeuden bezala mantentzen dira.
Gaur egun, Azucarerak 5.410 m2-ko azalera du jarduera ekonomikoetarako, eta % 64ko okupazio-maila du. Hau da, 39 bulego erabilgarritatik (5.410 m ²) 23 lokaletan zerbitzu eta teknologia arloetako 15 enpresa daude, 329 langile enplegatzen dituztenak. Gainera, badauzka enpresa arloko ekitaldi eta bilerak edo ekintza publikoak egiteko espazioak ere.
Azucarera, XX. mende hasierako industriaren ikurra, duela 21 urte eraberritu zen, bere izaera historikoa eta arkitektonikoa errespetatuz; erabilera berriak eta enpresa-balioa emateko eraldatu zen, eta XXI. mendeko teknika berritzaile, aurreratu eta jasangarrienak erabiliz kontserbatu da.
Proiektu hau 
diru-laguntzaren bitartez
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan
Sprilurrek eraiki berri bat eraikitzen ari du Ortuellako Ballonti poligonoan erabilgarri dagoen azken partzela industrialean
Urrian hasi ziren 1.633 m²-ko eraikin berria eraikitzeko lanak.
2024ko Lurzoruaren Munduko Eguna erabilerarik gabe dauden kokaguneen berreskurapenarekin ospatzen da Euskadin, bertan proiektu berriak ezartzeko
Ingurumen Jasangarritasuneko sailburuordetzaren, Sprilurren eta Ihoberen arteko lankidetzak helburutzat hartzen du lurzati batzuk merkatura itzultzea, haien berreskurapena lortu eta gero, pertsonen eta ingurumenaren osasuna erabilera berrietan bermatuz