Sprilur-ek berriro ekin die Covid-19a agertu aurretik hasitako proiektuetako obrei
Berriro hasi dira lanak industrialde hauetan: Gasteizko Azucarera eraikina (klimatizazioa), Ballonti II (Ortuella), Axpeko mendi-hegala (Erandio), Bellota (Legazpi), Apattaerreka (Tolosa), Eskusaitzeta (Donostia) eta Kanpandegi (Lazkao).
Sprilur-ek atzeratu egingo du 2020rako aurreikusitako beste proiektu batzuen hasiera-data, aurrekontua berrikusi behar delako osasun-alarma egoeraren ondorioz.
Maiatzean zehar Sprilur taldeak berriro ekin die hiru lurraldeetako azpiegitura industrialetako lanei, iragan martxoan geldituta geratu ondoren osasun-alarmaren ondorioz.
2020ko aurrekontu-ekitaldirako aurreikusita zeuden beste proiektu batzuk martxan jartzeari dagokionez, Sprilur-ek berrikusi egingo du aurrekontua eta, ondorioz, baliteke lan horien hasiera-data eta exekuzioa 2021era atzeratzea, osasun-alarmak utzi digun egoera ekonomikoa eta aurrekontu-egoera dela medio.
Zazpi proiektu abian dira berriro Sprilur taldean. Hauek dira garrantzitsuenak:
AZUCARERA ERAIKINA – GASTEIZ. Geotermia enpresak Klimatizazio berria jartzea
SPRILURek 1999an birgaitutako Azucarera eraikina Euskadiko Ondare Industrial eta Kulturalaren ikur deklaratu zen. Gaur egun bulegoen alokairurako erabiltzen da.
2019an, Sprilur-ek klimatizazio instalazioen eraberritze-lan integralak hasi zituen eraikinaren energia-eraginkortasuna hobetzeko, energia-kontsumoa eta erregai fosilekiko menpekotasuna murrizteko eta, horrela, ingurumenean duen inpaktua gutxitzeko.
Lanak aurtengo ekainean amaituko dira, eta amaitutakoan, eraikinak klimatizazio-sistema aurreratu bat izango du, energia-kontsumo sostengarriari eta CO2 isuriak murrizteari buruzko araudia beteko du, eta energia kalifikazio askoz hobea lortuko du. Instalazioak hobetu ostean, eraikinak lanak hasi aurretik kontsumitzen zuena baino %30 energia gutxiago kontsumituko du. Inbertsio osoa 0,54 milioi eurokoa izan da.
ORTUELLA-BALLONTI (B eraikina – 6 pabilioi industrial berri)
2019ko uztailean sei pabilioi industrial berri eraikitzeko lanak hasi ziren Ortuellako Ballonti II industrigunean. Eraikitako azalera 6.004 m2koa izango da, eta pabilioiek bi altuera izango dituzte: 4 nabe beheko solairuan (440 m2tik 1.050 m2rainokoak), 5,80 metroko gehienezko altuerarekin, eta 2 pabilioi lehen solairuan (1.195 m2tik 1.783 m2rainokoak), 7,35 metroko altuerarekin; azken horiek sarbide zuzena izango dute errepidetik.
Ustez, inbertsioa 1,8 milioi eurokoa izango da eta eraikina jasotzeko lanak aurtengo abuztuan amaituko dira.
ERANDIO-AXPE. Mendi-hegala egonkortzeko lanak
Sprilur-ek akordio bat sinatu zuen Erandioko Udalarekin 2018an eta Axpe industrialdeko mendi-hegala egonkortzeko proiektua onartu zuen, enpresa-gune horretako ohiko jardueran eragina izan dezaketen ezegonkortasun-egoerak saihesteko eta prebenitzeko.
Une honetan, lanak oso aurreratuta daude: berrituta dago goiko aldea eta eginda daude lur-indusketak, euri-urentzako kanalizazioak eta oinezkoentzako ibilbide berriak. Une honetan, lanen bukaera fasean, mendi-hegalari eutsiko dion egitura jartzen eta ainguratzen ari dira.
Aurreikusten da 3,3 milioi euroko inbertsioa egitea eta lanak aurtengo irailerako amaitzea.
LEGAZPI-BELLOTA. Bellota sektorea (Sidenor altzairu-fabrika zaharra) birgaitu eta berrantolatzea
Industrialdeak birgaitzeko planaren esparruan, 2017an Sprilur-ek erabiltzen ez zen esparru industrial bat berraktibatu zuen, eremua egokitu eta pabilioi industrialak eraikitzeko.
Jarduera ekonomikoetara bideratutako guztizko azalerak (B eremua) 174.975 m2 ditu; Sprilur erabiltzen ari den lursaila (B.10.35.5) 90.716 m2koa da, eta 55.639 m2ko eraikigarritasuna dauka.
Hasierako faseetan, lurrera bota zen isurketa jarraituko eraikina, eta orain tramiteak egiten ari dira behin betiko onarpena emateko Plan Bereziari eta Urbanizazio Proiektuari. Urbanizazio-lanak ustez urte amaieran hasiko dira, eta hainbat fasetan egingo dira, 2023an amaitu arte. Inbertsioa 14,8 milioi eurokoa izango da.
ESKUSAITZETA – DONOSTIA. Urbanizazio-lanak
Eusko Jaurlaritzak, Sprilur-en bitartez, eta Donostiako Udalak behin betiko akordio bat sinatu zuten 2019aren hasieran, Gipuzkoako industrialde handiena (milioi bat m2 inguru) garatu eta merkaturatzeko.
Sprilur-ek urbanizazio-kostuen %46 jarriko du eta jarduera ekonomikoetara bideratutako lursailen %39 aprobetxatuko du.
Aurreikusten denez, urbanizazio-lanak aurtengo urrian hasiko dira. Halere, industrialdeko lanak ez dira amaituko 2024. urtera arte.
APATTAERREKA-TOLOSA-IBARRA – 2. zabalkuntza-fasea
Tailsa-Tolosaldeko Apattaerreka Industria Lurra, S.A. sozietatea Apattaerreka industrialdeko 2. faseko zabalkuntza-lanak egiten ari da.
Hasieran, 86.000 m2ko betetze-lanak egiten ari dira Apattaerrekako 2. faseko zabalkunderako ibarbidean. Ibarbideko betetze-lanak 2020an amaituko dira; ondoren, martxan jarriko da plangintza urbanistikoa eta ituntze-batzordea, 2022tik aurrera urbanizazio proiektua eta lanak egiteko.
Aurreikusitako inbertsioa: 7,65 milioi euro
KANPANDEGI-LAZKAO. Industrialde proiektu berria
Urolako Industrialdea, S.A. sozietatea -partaide ditu Sprilur, Gipuzkoako Foru Aldundia eta Goierriko Udala-, industrialde berri bat garatzen hasi zen 2019an Lazkaoko Kanpandegi esparruan.
Eremu industrialaren azalera 43.587 m2koa da, eta bertan 3 lursail industrial urbanizatu garatuko dira, 12.000 m2ko okupazioarekin eta bi altueratako 19.500 m2 eraikigarrirekin.
Une honetan, urbanizazio-lan hauek ari dira egiten: euste-hormak, errepideak eta zerbitzuentzako harguneak, eta baita ere Iberdrola eta Telefónica-ren instalazioen desbideratzeak, lursailaren erditik pasatzen baitziren.
Aurreikusitako inbertsioa 3,1 milioi eurokoa da, eta eraikina jasotzeko lanak 2021eko martxoan amaituko omen dira.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan