Sprilur-ek eta “Industrialdeak” sozietateek euren 40 urteko esperientzia partekatu dute hirietako zerbitzu publikoak hobetu eta eraldatzeko Planean
Sprilur-ek eta lau “Industrialdeak” sozietatek (Ibaizabal Behekaldeko Industrialdea, Beterri Kostako Industrialdea, Bidasoa Oarsoko Industrialdea eta Urolako Industrialdea) ELIGE Sarearen (Interes Orokorreko Enpresen Estatuko Elkartea) batzar nagusian parte hartu dute, eurak ere elkarteko kide direlako (Sprilur bokala da) Estatuko beste 50 erakunde publikorekin batera.
Enpresa publikoek kalitatea eta etengabeko hobekuntza dute helburu, gizartearen premiei egokitutako konponbideak eskaintzeko. Zentzu horretan, Sprilur Taldeak bertaratutako erakunde eta enpresa publiko batzuekin partekatu ditu erakunde arteko kudeaketan eta kudeaketa kolaboratiboan lau hamarkada hauetan bildu dituen esperientzia eta jardunbide egokiak.
Sevillako topaketa honetan orain arte garatutako jarduera garrantzitsuenak aurkeztu dira, eta horien artean bereziki aipagarria da Plan Zuzentzaile berria, datozen bi urteetarako aurreikusitako ekintza-programaren aurrerapena dena. Plan honek hainbat zutabe barne hartzen ditu: tokiko zerbitzuak defendatzea enpresa publikoen bitartez, herri eta hirietako elementu garrantzitsu bezala; giza kapitalaren aldeko apustua; konponbide berritzaileak modu proaktiboan bilatzea etengabe hobetzen jarraitzeko; eta etengabeko lankidetza sustatzea herritar eta erabiltzaileei zuzendutako zerbitzuetan inplikatuta dauden erakunde publiko eta pribatuen artean. Elkarteak jarduerari buruz aurkeztu dituen adierazleek erakusten dute areagotu egin direla Sareko bazkideei nahiz jomuga publikoari zuzendutako hedapen, komunikazio eta prestakuntza ekintzak. Informazioaren zabalkunderako ekintzak %41 hazi dira, prestakuntza-eskaintzak % 18ko igoera izan du, eta hazkundea esponentziala izan da baita ere komunikabide digitaletan.
2022 eta 2023rako aurreikusitako ekintzen artean, Planaren helburua da jardunbide egokiak indartzea, prestakuntza ematea, esperientziak partekatzea eta prestakuntzarako zein erabiltzaileekin elkarreragiteko kanal berriak sortzea. 2023ko otsailean topaketa garrantzitsu bat egingo da, zeinetan hizpide hartuko baitira Espazioak, Hiria eta Zerbitzua bezalako kontzeptuak etengabe aldatzen ari diren hiriez eztabaidatzeko.
Batzar hau maiatzaren 25 eta 26ko jardunaldien barruan kokatu da, zeintzuen ardatz nagusia izan baita “Zerbitzu Publikoen zeregina Hirien Eraldaketa Digitalean”. Hala, hizpide hartu dira hiriek dituzten premiak eta zerbitzu gabeziak, eta hemendik aurrera jasango duten eraldaketa. Ezinbestekoa izango da hiriguneek eraldaketa digitaleranzko bidea urratzea, beti ere kontuan hartuta mugikortasuna, azpiegitura sektorialak eta telekomunikazioak. Funtsean, hiritarrei konponbideak eskaini behar zaizkie bizikidetza-inguruneetan, Smart cities edo hiri adimendunen kontzeptu berriaren barruan.
Sprilur-ek, bere Plan Estrategikoa oinarritzat harturik eta enpresentzako lurzoruaren sustapenean Euskadiko erreferentziazko eragile den aldetik, bere jarduera-ardatz bezala finkatu du modu koordinatuan kolaboratzea ekosistemako beste eragile batzuekin, proiektuak adosteko, erronka komunei erantzuteko eta lehiakortasun globala hobetzeko.
Sprilur Ihoberekin, Ura agentziarekin, Ingurumen Sailarekin eta departamendu sektorialekin kolaboratzen eta kooperatzen ari da interes estrategikoko proiektuetan, eta horrek asko erraztu du egin beharreko lana, gainera, aurreikusitako erronkak eta helburuak gainditzea lortu da.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan
Sprilurrek eraiki berri bat eraikitzen ari du Ortuellako Ballonti poligonoan erabilgarri dagoen azken partzela industrialean
Urrian hasi ziren 1.633 m²-ko eraikin berria eraikitzeko lanak.
2024ko Lurzoruaren Munduko Eguna erabilerarik gabe dauden kokaguneen berreskurapenarekin ospatzen da Euskadin, bertan proiektu berriak ezartzeko
Ingurumen Jasangarritasuneko sailburuordetzaren, Sprilurren eta Ihoberen arteko lankidetzak helburutzat hartzen du lurzati batzuk merkatura itzultzea, haien berreskurapena lortu eta gero, pertsonen eta ingurumenaren osasuna erabilera berrietan bermatuz