Aurri-egoeran dauden eraikin guztiak eraisteko eta hondakinak biltzeko fasea hasi du Sprilurrek
Albisteak 28 uztaila, 2022

Sprilur-ek irailerako amaituko ditu Durangoko Fundifes-en instalazio zaharrak deskontaminatzeko, eraisteko eta hondakinak kudeatzeko premiazko lan konplexuak

Proiektu honek Eusko Jaurlaritzako Ekonomi Garapen, Jasangarritasun eta Ingurumen Sailaren lurzoruaren kudeaketako estrategia berria bultzatzen du industria-lurzorua berreskuratu, kaltetutako lurrak berroneratu eta espazioak birgaitu eta balioan jartzeko jarduera-ildoekin.

Eusko Jaurlaritzako lurzoruaren kudeaketako sozietateak gidatu du Durangoko Udalari 2021eko abenduan premiaz eskatutako tramitazioa eta 2022ko martxoan abiatutako berroneratze-lanen prozesua.

SPRI Taldean integratutako eta Ekonomi Garapen, Jasangarritasun eta Ingurumen Sailari atxikitako Sprilur sozietateak larrialdiko kontratu eta premiazko jarduketa gisa hasi eta esleitu zituen martxoan Durangoko Fundifes instalazio zaharrak inbentariatzeko, eraisteko eta hondakinak kudeatzeko lanak.

Galdaketa-lantegi zaharra ostatatzen zuen lursaila -14.042 metro koadrokoa-  bertan behera utzia zegoen 2008an enpresak bere jarduera eten zuenetik, eta geroztik hainbat sarkin sartu dira instalazioetara. Instalazioen barnealdean eta inguruetan bazeuden egitura eta elementu arriskutsu batzuk, baita hondakin kutsatzaileak ere, eta instalazioetarako sarrera ez zegoen mugatuta. Zentzu horretan, Sprilur-ek eremu hori erabiltzearen arriskuez ohartarazi zuen Udala 2021aren amaieran, eta eskatu zion aurri-egoera aitortu zezala instalazioen zati handi batentzat, arriskua zegoelako osasun publikoaren aurkako kalteak sortzeko. Orobat jakinarazi zion aurri-egoeran zeuden eraikinak eraitsi eta lursaila deskontaminatu beharra zegoela.

Nahiz eta Sprilur-ek eta ingurumen arloko organoak behin eta berriz adierazi zioten Udalari egoera biziki larria zela,  Udalaren ebazpena hiru hilabete luzatu zen, eta martxora arte Sprilur-ek ezin izan ditu hasi ez kontratazio publikoko fasea, ez eta kontratazioaren ondorengo presazko berroneratze-lanak.  Dagoeneko abian den lehen fase hau irailean amaituko da, eta barne hartzen du aurri-egoeran dauden eraikin guztiak eraistea eta hondakinak erretiratzea 0 kotan. Horretarako, esku-hartze prozesu zorrotza jarraitu behar da jasangarritasun eta arriskuen prebentzio arloetan. Batetik, hondakin eta material kutsatzaileen inbentarioa egin da, eta horien artean amiantoa agertu da; hasieran 60 tona amianto inbentariatu baziren ere, bolumena bikoiztu egin da (120 tn), eta guztiz erretiratuko dela aurreikusi da. Bestalde, amiantoa kendu da eraikin eta instalazio guztietatik, eta baita lursailaren kanpoaldetik ere; sozietateak dagoeneko abian jarri ditu zazpi eraikinetatik sei eraisteko lanak. Ondoren, materialak eta hondakinak bilduko dira balorizatzeko. Hau da, ekonomia zirkularraren faseari ekingo zaio, zeinetan hondakin-material guztiak berrerabiliko baitira, ahalegina eginaz erabilpen berriak emateko.

Behin amiantoa kendu, eraikinak eraitsi eta eraispeneko materialak birrindu ostean (balorizatu eta berrerabiltzeko), eta partzela zero kotan utzitakoan, beste prozesu bat abiatuko da, ingurumen organoaren Lurzoruaren Kalitatearen Adierazpena lortzeko.  Aldi berean, SPRILUR egokitzapen urbanistikoa lantzen ari da, etorkizunean lursaila garatu ahal izateko. Seguru asko erabiliko da Maristak prestakuntza-zentro berria eraikitzeko eta orobat jarduera promozio ekonomikorako gunea Durangon.

Proiektu honek Eusko Jaurlaritzako Ekonomi Garapen, Jasangarritasun eta Ingurumen Sailaren lurzoruaren kudeaketako estrategia berria bultzatzen du, eta bat dator Sprilur-en 2024rako Plan Estrategikoan aurreikusitako helburuekin, lerrokatuta baitago industria-lurzorua berreskuratu, kaltetutako lurrak berroneratu eta espazioak birgaitu eta balioan jartzeko jarduera-ildoekin.

Lotutako albisteak

Eusko  Jaurlaritzak  Legazpiko  garai  bateko  Sidenorren  lantegia  berroneratzeko  bigarren  fasea  jarri  du  abian,  Urola  ibaia  azaleratzeko  eta  ingurua  berrurbanizatzeko  obrekin
11/03/2025 SPRILUR

Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin

Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da

Zallako  Elkartegi  berriak  Enkarterri  eskualdeko  garapen  ekonomikoa  eta  lehiakortasuna  sustatuko  ditu  enpresa  berrien  bidez
05/03/2025 SPRILUR

Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez

Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu

Xey  enpresak  Zumaian  zuen  lantegian  52.800  metro  koadroko  eremua  egokitzeko  lanak  hasi  ditu  Sprilurrek
03/03/2025 Lurzorua

Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek

Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko

Euskadiko  Parke  Teknologikoa  Illunbera  zabalduko  da  Donostiako  Udalaren  eskutik,  enpresa-proiektu  estrategikoak  posible  eginez,  hala  nola  Columbus  Venture  Partners-ek  gidatutakoa
28/02/2025 Lurzorua

Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa

Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.  

Gueñeseko  Bioekonomia  Polo  berria  abian  egongo  da  2026aren  hasieran,  bioteknologian  eta  ekonomia  zirkularrean  oinarritutako  trakzio-ekimenei  harrera  egiteko
10/02/2025 Lurzorua

Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko

Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.