Sprilurrek aldi baterako laga dio Erandioko Udalari Axpe poligonoko partzela bat, aparkaleku gisa erabiltzeko
Erandioko udaleko alkateak, Aitziber Oliban, eta Sprilur, S.A.ko, Eusko Jaurlaritzako lurzorua kudeatzeko sozietate publikoko zuzendari nagusiak, Txaber Ouro, zuzendari nagusiak, akordio bat sinatu berri dute Erandioko Axpe poligonoan dagoen 2.400 metro karratuko azalera partzela baten (E) lagapenerako.
Finka, Sprilur, S.A.-ren jabetzakoa da eta Erandioko Udalari lagako zaio aldi baterako aparkaleku bat egiteko. Horri esker, bidegorri zati berri bat eta oinezkoentzako bide bat egikarituko dira itsasadarreko errepidean zehar, Erandioko udalerrian barrena igarotzean. Hala, partzela horren erabilera kosturik gabeko aparkaleku-plazak ezartzera soilik bideratuko da, interes orokorreko helburu baterako.
Bi ordezkari publikoek Erandioko Axpe industrialdera egindako bisitan, Aintzane Oliban alkateak akordio honen garrantzia azpimarratu du, “herritarren aldetik, txalotutako jarduera bat da, ingurunea birsortuko duena eta itsasadarraren ondoko auzorik jendetsuenak ikusaraziko dituena, batez ere Lutxana eta Altzaga, baina ibilgailuak itsasadarraren paretik kentzeko eragozpena izango duena. Horregatik, lurzati horren lagapenak arazo hori arinduko du eta aparkalekuaren inpaktua minimizatzea ahalbidetuko du.”
Bestalde, Txaber Ourok, aipatu duenez, “Erakundeen arteko lankidetza hau, Erandioren kasuan, berroneratzeko proiektuei eta enpresa-garapena erraztuko duten udalerriko hainbat ingurunetan interes orokorrarekin eta ingurumenarekin bat egiten duten ekimenei ekiteko baliagarria izaten ari da.”
Lagapen-akordioa aldi baterako luza daitezkeen urtebeteko aldietan egingo da, alderdietako batek berariaz uko egin arte. Finka aurreikusitako erabileretarako eta obrak egiteko egokitzea Erandioko Udalaren kontura izango da, bai eta lagatako partzela garbitzea, mantentzea eta kontserbatzea ere.
Akordioak sute- eta erantzukizun zibileko aseguruak kontratatzea aurreikusten du, sor daitekeen edozein larrialdiri aurre egiteko. Azkenik, baztertu egiten da hondakinak sortzen dituzten eta ondoren lurzorua berreskuratzeko jarduketa behar duten jarduerak egitea edo produktuak erabiltzea.
Sprilurren kasuan, akordio hori 2021-2024 Plan Estrategikotik dator, eta erakundeen arteko lankidetzarako, gizarte-erantzukizuneko eta interes orokorreko ekimena da, Sozietatearen lurzoruaren eta enpresa-eremuen kudeaketa- eta sustapen-jarduera bera indartzen dutenak.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.