Sprilurrek obra, proiektu eta zerbitzuetarako 26 lehiaketa argitaratu ditu urtebetean, 54 milioi euro baino gehiagoren truke
16 lizitazio urbanizazio- eta eraikuntza-obrak egiteko dira, 5 proiektuak idatzi eta zuzentzeko eta beste 5 kudeaketa-zerbitzuak kontratatzeko.
Sprilurrek, azken urte honetan, 31 lizitazio-prozesu izan ditu aktibo.
Sprilur, Spri Taldean integratuta eta Eusko Jaurlaritzako Industria, Trantsizio Energetiko eta Jasangarritasun Sail berriaren mende dagoenak (2023ko uztailetik), 26 lehiaketa argitaratu ditu Urbanizazio- eta Eraikuntza-obrak egikaritzea kontratatzeko, aurreikusitako proiektuak idazteko eta zuzentzeko, eta industria-azpiegiturak kudeatzeko jarduerarekin lotutako zerbitzuetarako. Argitaratutako lehiaketen zenbatekoa 54,83 milioi euro ingurukoa izan da.
Argitaratutako hogeita sei lizitazioetatik, hamar urbanizazio- eta eraikuntza-obretarako dira, 51,56 milioi euroko zenbatekoarekin, 5 proiektuen idazketa eta zuzendaritza kontratatzeko, 845.000 euroko zenbatekoarekin, eta beste 5ak zerbitzuetarako, 2,4 milioi euroko zenbatekoarekin.
Eskualdeko Plan Estrategikoetan-EPE sartuta dauden proiektuei dagokienez, 18 milioi euro inguru hartuko dituzte, hau da, Lehentasunezko Jarduketa Eremuetan (Enkarterri, Ezkerraldea eta Oarsoaldea) erremediatze- eta berroneratze-proiektuak kudeatzeko eta obrak egiteko kontratazioaren % 33 inguru.
EPEetan sartutako proiektuei dagokienez, Sprilurrek 2023an Sestaoko Osasun Poloa eraikin berria eraikitzeko lizitazioa egin zuen. 2024ko maiatzean hasi dira obrak.
Halaber, Barakaldoko Burtzeña poligonoko hainbat lursail erremediatzeko eta deskontaminatzeko obrak lizitatu eta egiten hasi dira. Enkarterrian, erabiltzen ez den eraikin bat birgaituko da Gueñesko Bioekonomia Poloa hartzeko. Pasaian, Adinberri proiektuko ekimenak hartuko dituen Herrerako eremuko partzela bat berrurbanizatzeko obrak kontratatu eta egiten hasi dira.
Sprilur-ek 31 lizitazio-prozesu izan ditu edo ditu aktibo, urteko lehengo zazpi hilabeteetan argitaratutako 17 prozesuak barne.
Bestalde, Sprilurrek hainbat Obra egikaritzeko lehiaketak argitaratu ditu urte honetan zehar, esaterako, Iruña Okako Subillabide poligonoan pabiloi industrial bat egokitzeko, Ortuellako Ballonti II poligonoan eraikin berri bat eraikitzeko, Ormaiztegin 3 partzela industrial eta erabilera tertziarioko beste bat eraikitzeko, edo Zumarragako Arcelorren pabiloi ohiak egokitzeko. Gainera, lurzorua kudeatzeko sozietate publikoak Donostiako Eskusaitzetako hirugarren faseko urbanizazio-obren lehiaketa argitaratu du, 12,5 milioi euroko zuzkidurarekin. Egokitzapen-, urbanizazio- eta eraikuntza-obren atalean aurreikusitako kontratazio-bolumena 51,56 milioi eurokoa da, eta barne hartzen ditu 2022-2024ko Inbertsio Estrategikoen Planean aurreikusitako bi proiektu.
Proiektuak idazteko eta obrak zuzentzeko atalari dagokienez, Sprilur Taldeak Gasteizko automobilgintza-sektorerako BAM-Fabrikazio Aurreratuko Zentroa eraikin berriaren urbanizazio-obraren proiektua eta zuzendaritza, Herrera-Pasaiako partzela baten urbanizazio-obren zuzendaritza eta, Bidasoa Oarsoko Industrialdea, S.A.ren bitartez, Irungo beste partzela baten urbanizazio- eta eraikuntza-obren zuzendaritza lizitatu ditu. Proiektuak idazteari eta obrak zuzentzeari buruzko atal honetan aurreikusitako kontratazioaren zenbatekoa 845.000 eurokoa da. Azkenik, Zerbitzuak atalari dagokion kontratazioa 2,43 milioi eurokoa da; besteak beste, laguntza teknikoa eta ingurumeneko, lurzoruen kudeaketako, segurtasuneko eta proiektuak eta obrak mantentzeko laguntza sartzen dira.
Kontratazioak azken bi urteetan izan duen bilakaera gero eta handiagoa izan da, 2022an onartutako Lurzoruaren estrategiaren ondorioz. Horrela, Sprilurrek 18 kontratu argitaratuta amaitu zuen 2022. urtea eta 2023an, bestalde, 23 lizitazio izan ziren. Azken urte horretan, lurzorua kudeatzeko sozietateak Zerbitzuei, Proiektuen idazketa eta zuzendaritzari eta industria-azpiegitura garatzeko egikaritze-obrei buruzko 31 lizitazio-prozesu izan ditu edo ditu aktibo, eta horien artean daude urteko lehen zazpi hilabeteetan argitaratutako 17 prozesuak. Inbertitzeko ahalegina eta erabilitako baliabideak, neurri handi batean, erabiltzen ez diren lurzoruak berreskuratu eta berroneratzeko eta eremu degradatuetan industria-jarduera suspertzeko dira.
Lotutako albisteak
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Elkartek, industria adimendunean, energia berriztagarrietan eta osasun pertsonalizatuan oinarritutako ikerketa kolaboratiboa
Eusko Jaurlaritzak Elkartek programa ireki du. Horren bidez, 2030eko ZTBPko lehentasun estrategikoekin lotutako ZTBESeko eragileen ikerketa kolaboratiboa bultzatzeko 44 milioi euroko laguntzak bideratuko ditu. Eskaerak martxoaren 7a baino lehen aurkeztu beharko dira.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan