Urtearen lehen hiruhilekoan, hogeita hiru enpresak erabaki dute Sprilur Taldeak eskaintzen dituen espazioetan instalatzea
Enpresa gehienek Agurain, Amurrio eta Gasteiz (Araba); Ortuella eta Portugalete (Bizkaia) eta Bergara, Aretxabaleta, Eibar, Mutrku, Tolosa, Pasaia eta Irún (Gipuzkoa) aukeratu dituzte euren jarduera ekonomikoak instalatzeko.
Urtearen lehen hiruhilekoan hogeita hiru enpresak erabaki dute euren negozioa Sprilur-ek eta Industrialdeak sozietateek kudeatutako hamar enpresa-gunetan kokatzea. Zehazki, hamalau enpresak eskatu dute Gipuzkoako Bergara, Aretxabaleta, Eibar, Mutriku, Irún, Pasaia eta Tolosan instalatzea. Arabako lurraldeetan, bost enpresak Gasteizko Jundiz , Agurain eta Amurrioko lokaletan. Gainerako laurak Bizkaian kokatu dira, Ortuella eta Portugaleteko Ballonti industrialdean.
Sprilur-ek (SPRI Taldean integratutako eta Ekonomi Garapen, Jasangarritasun eta Ingurumen Sailari atxikitako sozietatea) egiaztatu du urte hasieratik hona hazi egin dela industria-azpiegitura horiekiko enpresen interesa. Hain zuzen, dagoeneko esleitu dira hamar enpresa horientzako pabilioiak eta industria-lozorua, 17.515 metro koadro guztira.
Lurralde historikoaren arabera, Gipuzkoan dago espazio-eskari handiena, 12.635 metro koadroko kontratazioarekin. Arabako lurraldeari dagokionez, jarduera ekonomikorako 3.321 metro koadro kontratatu dituzte enpresek, eta, azkenik, Bizkaian 1.158 metro koadro pabiloi eta lokal eskatu dituzte enpresek.
Eskatutako eta esleitutako azaleren zati handi bat bulegoena izan da, gutxi gorabehera 50 metro koadrotik, eta pabiloiena 145 metro koadro modulagarritik, azalera handiagoetara egokituz, enpresek beraiek eskatuta. Gainera, Sprilurrek 6.582 metro koadroko lurzoru industrial urbanizatuko bi partzela esleitu ditu, Bergarako Larramendi industrialdean, nagusiki industria jarduera baterako.
Kontratu motei dagokienez, pabilioi eta bulegoen kasuan, horietatik erdiak alokairu sinpleko modalitatean edo erosteko aukera eskaintzen duen errentamendu modalitatean egin dira. Bestalde, enpresek nahiago izaten dute industria-lurzoru urbanizatuko partzelak zuzenean erostea, baldin eta inbertsio estrategikoak egin nahi badituzte edo negozioa handitzeko proiektuak badituzte. Enpresa horiek lurzati urbanizatuak behar izaten dituzte, gerora enpresek beren negozio-planera bereziki egokitu eta eraikitzen dituztenak.
Lehen hilabete hauetan, Sprilurrek eta Industrialdeak sozietateek 30 eskaera interesgarri jaso dituzte enpresen aldetik, hiru lurralde historikoetan kudeatzen dituzten enpresa-eremuetan instalatzeko.
Aniztasuna industrialdeetan kokatutako enpresen jarduera sektoreetan
Sprilur taldeko industrialdeetan instalatu diren enpresen jarduerei dagokienez, nabarmendu behar da Araban pabiloi berri batera zabaldu dela ontziak mekanizatzeko enpresa bat eta elikagaien sektorerako produktuak fabrikatzeko beste bat.
Ortuellako (Bizkaia) Ballonti industrialdean kokatutako enpresen jarduera nagusiei dagokienez, sektore hauetakoak dira: obren kudeaketa integrala eta baliabide energetikoen optimizazioa, ingurumen zerbitzuak eta mantenimendua, erregaien hornikuntza eta elikagaien sektoreko fabrikazioa eta manipulazioa. Enpresa horietako batzuk Ortuellan zeuden lehendik ere, baina espazio berrien premia izan dute euren negozio-ildoak handitu ondoren.
Gipuzkoan kokatzea erabaki duten enpresen artean, aipatzekoa da Bergarako Larramendi industrialdean instalatutako enpresa batek espazioa handitzeko premia izan duela. 2020an, sortutako ekimen berri bat da, spin off bat, Gipuzkoako beste lau enpresak partaidetua, zeinaren asmoa baita osasun arloko materiala, hornidurak eta babes-produktuak ekoizteko ildo berri bat hastea. Bestalde, Larramendin familia-enpresa bat kokatu da, kautxu eta metaletik eratorritako euskarriak eta osagaiak fabrikatzen dituena. Enpresa horrek 5.440 m2-ko lurzoru urbanizatuko bi partzela erosi ditu enpresa-zabalkundeari ekiteko. Eibarko Matsaria industrialdean beste enpresa bat kokatu da, teknologia berritzaileak erabiliz hortzetarako eta osasun arlorako euskarriak eta materiala fabrikatzen dituena.
Oarsoaldean, Irunen eta Pasaian, sendabelarrekin eta estetikarekin produktuak fabrikatzen dituzten enpresak, soluzio informatiko eta teknologikoak; ingeniaritza eta muntaia elektrikoko zerbitzuak jarri dira baita. Azkenik, Mutrikun, arrantzatik eratorritako produktuak eraldatzeko enpresa bat.
Lotutako albisteak
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Argi berdea Smartlog Nest zentroaren eraikuntzari, automatizazio logistikoaren ikerkuntzaren eta prestakuntzaren arloko erreferente bihurtuko du Urretxu
Andoitz Korta Eusko Jaurlaritzako Industria Sustatzeko sailburuordeak eta Jon Luqui Urretxuko alkateak Smartlog zentroaren instalazioak bisitatu dituzte, konpainiaren berrikuntza-proiektuak eta berrikuntza- eta talentu-zentro berria eraikitzeko planak bertarik bertara ezagutze aldera.
Eusko Jaurlaritzak eta Santurtziko udalak Santurtziko Etxe Uliko zabortegiaren berroneratzea azkartzeko akordioa sinatu dute
Eremuak dituen 100.000 metro karratu baino gehiago urbanizatu eta zerbitzu-azpiegiturez hornituko dira, ekonomia-jarduerak hartzeko prestatutako enpresa-eremua garatzeko
Argi berdea Sprilurren Pasaiako bulego-eraikinaren ingurua berrurbanizatzeko
Proiektuaren helburu nagusia kalitatezko hiri-espazio berri bat sortzea da, Sprilur Herrera Iparraldean eraikitzen ari den hirugarren sektoreko erabilerako eraikinaren inguruan
Sprilurrek eraiki berri bat eraikitzen ari du Ortuellako Ballonti poligonoan erabilgarri dagoen azken partzela industrialean
Urrian hasi ziren 1.633 m²-ko eraikin berria eraikitzeko lanak.
2024ko Lurzoruaren Munduko Eguna erabilerarik gabe dauden kokaguneen berreskurapenarekin ospatzen da Euskadin, bertan proiektu berriak ezartzeko
Ingurumen Jasangarritasuneko sailburuordetzaren, Sprilurren eta Ihoberen arteko lankidetzak helburutzat hartzen du lurzati batzuk merkatura itzultzea, haien berreskurapena lortu eta gero, pertsonen eta ingurumenaren osasuna erabilera berrietan bermatuz