Euskal industriak Eusko Jaurlaritzaren Zibersegurtasun Industrialerako programaren alde egin du
SPRI Taldeak eskari kopuru bikoitza jaso eta amaierako inbertsioa ere bikoiztu du lehenengo edizioarekin alderatuta, Zibersegurtasunaren Euskal Zentroaren (BCSC) kudeaketari eske
Eskarien % 50 Gipuzko industriei dagokie
207 euskal industria-enpresa, iaz baino bi aldiz gehiago profitatuko dira Eusko Jaurlaritzaren Zibersegurtasun Industrialerako Laguntza Programaren bigarren edizioaz. SPRI Taldeak kudeatzen duen ekimen honek euskal industria-enpresen atxikimendua lortu du, Zibersegurtasunaren Euskal Zentroak (BCSC) egindako lanari esker. Iaz, 102 enpresa profitatu ziren, bukaerako inbertsioa milioi batetik 1,95 milioi eurora igo da, eta eskaera egin duten industrien % 50 (104 enpresa) Gipuzkoako Lurralde Historikoari dagokio. Ekimen honen bitartez, 4,45 milioi euroko inbertsio pribatua sustatuko da zibersegurtasunaren arloan. Iaz, inbertsio pribatua 2,34 milioikoa izan zen.
Industria-enpresetan zibersegurtasunaren arloko neurrien aplikazioa sustatzea da zibersegurtasun industrialeko programaren helburua, enpresek zibersegurtasunaren arloan duten heldutasun maila igotzeko, zibererasoen aurkako babesa handitzeko eta zibersegurtasuna lehia-abantailatzat profitatzeko.
Bigarren deialdi honetan, hauexek izan dira proiektuetan gehien errepikatu diren tipologiak, Euskadiko zibersegurtasunaren arloko enpresarik puntakoenek zein esparrutan inbertitzen ari diren islatzen dutenak: sareko arkitektura berriak diseinatu eta gauzatzea (IT/OT sareen segmentazioa), zibersegurtasunari buruzko auditoretzak eta segurtasun petrimetraleko gailuen monitorizazioa.
Guztira, 224 eskaera jaso eta 219 onartu dira; hauetatik, 112 eskaera enpresa gipuzkoarrek egindakoak dira, 72 bizkaitarrenak eta 35 arabar enpresenak. Iaz, 102 enpresa profitatu ziren: Gipuzkoako 56, Bizkaiko 25 eta Arabako 21 enpresa.
Zibersegurtasun industrialerako laguntza-programak 550.000 euroko aurrekontu-saila zuen hasieran, baina euskal industria-enpresek Zibersegurtasunaren Euskal Zentroa ardatz duen proiektu honen inguruan agertu duten konfiantza eta eskari handiak aurrekontua handitzera behartu du, eta ondorioz, azkenean, banatutako laguntzen guztizko zenbatekoa 1,95 milioi eurokoa izan da. Iaz, antzeko zerbait gertatu zen, eta hasieran esleitutako kopuruaren aldean, azkenean milioi bat euro banatu zen laguntzetan.
Programak hardwarea, softwarea eta kontsultoretza zein ingeniaritzako gastuak tarteko dituzten gastu eta inbertsioen % 50 ere finantzatzen du, proiektu bakoitzeko gehienezko dirulaguntza 18.000 eurokoa delarik.
Ekimen hau Eusko Jaurlaritzak zibersegurtasun industrialaren alde hartutako konpromisoarekin eta 2017ko urrian SPRI Taldeari atxikita eratu eta Arabako Teknologia Parkean kokatuta dagoen Zibersegurtasunaren Euskal Zentroaren (BCSC) sorrerarekin lotuta dago.
Basque Cybersecurity Centre 2017ko urrian abiatu zen, eta bere helburu nagusien artean honako hauek nabarmen daitezke: zibersegurtasunari lotutako enpresa-sektorea indartu eta honen jarduera dinamizatzea; Euskadi gai honi buruzko nazioarteko erreferentetzat posizionatzea, eta euskal gizartean segurtasun informatikoaren kultura sustatzea
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.