Adimen artifiziala energia biltegiratzeko gai diren materialen identifikazioa bizkortzeko
CIC energiGUNE, energia elektrokimikoa eta termikoa biltegiratzearen arloan Europan erreferentea eta Basque Research & Technology Alliance-BRTAko kidea den ikerketa zentroak, adimen artifiziala erabiliko du laborategi autonomo bat sortzeko. ION-SELF izeneko proiektua abian jarriz egingo du, energia biltegiratzeko gai diren materialak identifikatzeko prozesua bizkortzeko helburua duena.
Proiektuaren buruak CIC energiGUNEko Javier Carrasco eta Marine Reynaud zientzialariak dira, eta funtzionamendu autonomoko laborategi horren bidez, materialak modu esperimentalean baliozkotzeko prozesua azkartuko dute, prozesu horiek batzuetan iristea ezinezkoa den proba kopurua eska baidezakete.
Izan ere, ION-SELF fase osoen diagramak denbora laburrean aztertzeko aukera emango du. “Esperimentazio-prozesuaren kostu ekonomikoa eta beharrezko denbora nabarmen murriztuko dira, eta ikertzaileak zeregin zail eta errepikakorretatik libre geratuko dira, lan berritzaile eta produktiboetan zentratu ahal izateko”, adierazi du CIC energiGUNEko Elektrokimika Arloko koordinatzaile zientifikoak, Montse Casas-Cabanas. Horregatik, funtsezko urratsa ekarriko duelakoan daude.
Zehazki, esperimentu automatizatuak egin aurretik ere nemait zaren iragarpen eraginkorra egiteko gai izango den material elektroaktiboak garatzeko plataforma automatizatu eta autonomoa diseinatu nahi du. Helburu hau lortzeko, proiektuak bi oinarri izango ditu: alde batetik, laborategiko eskalako sintesi-prozesuen funtsezko alderdi batzuk automatizatzea; eta beste aldetik, adimen artifizialeko tresnak txertatzea, material horien sintesia eta karakterizazioa kontrolatzen duten parametroak modu efizienteagoan eta eraginkorragoan aztertzeko eta optimizatzeko.
Beste arloetan ere baliozkoa
Proiektu honen helburu nagusia ingurune autonomo batean integratzeko gai diren eredu, algoritmo eta modulu automatizatu indibidualak diseinatzea da. Hori horrela, ION-SELF metodologiak etorkizunean interes orokorragoa duten beste espazio kimiko batzuetara erraz estrapolatu ahal izango direla aurreikusten da; konposatu berrien bilaketa bizkortzeko arazoa materialen zientziaren beste arlo askok partekatzen dute, polimeroek edo biomaterialek, esaterako.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.