Ameztoi, etxekoa bezalakoa den sukalde industrializatua
Ameztoi Zestoan kokatutako familia-enpresa bat da, aurrez prestatutako platerak eskaintzen dizkiena ostalariei nahiz azalera handiei. Konpainiak esne-zentral propioa du bere produktuen kalitatea bermatzeko, zeintzuen artean nabarmentzen baitira bere 60 kroketa-motak. Enpresak SPRI Taldearen “Innobideak” programako laguntza bat jaso du; programa horren helburua da euskal enpresen produktu eta prozesuak hobetzea.
Enpresaren jabeen amak sortu zuen Ameztoi 1982an bere Zarauzko etxean. “Amak kroketak egiten zituen eta seme-alabok bizikletaz banatzen genituen” gogoratzen du Iñigo Ameztoik, Ameztoi enpresako kudeatzaile eta sukaldari nagusiak. 1994an elikadura-industriako jarduerari ekin genion, pabilioi batean eta plater gehiago eskainiz, hala nola zopak, arrainak eta okelak.
“Aitzindariak gara gourmet kroketa merkaturatzen, eta merkatuak primeran hartu du, batik bat ostalaritzak” gaineratu dute Nuria Robleñok -merkataritza eta marketin zuzendaria- eta Idoia Arrietak –finantza zuzendaria. Hurrengo mugarri garrantzitsua 1998an iritsi zen, Gipuzkoatik kanpo eta Estatu osoan saltzen hasi eta produktu gehiago eskaintzen hasi zirenean, esaterako, aurrez prestatutako platerak eta postreak.
Hazkunde horrek egoitza berri bat bilatzera behartu zituen, eta horretarako lursail bat erosi zuten Zarautzen, “baina ez zen bukatzen eta 2007an Zestoara etorri ginen. Harrezkero, asko eboluzionatu dugu aurrez prestatutako plateren arloan. Ez gara elikadurako industria bat, baizik eta sukalde handi bat”. Zestoara joan zirenean elikadura arloko segurtasuna hobetu zuten, baina produktuaren kalitatea mantenduz.
Ameztoiren berezitasunetako bat da esne-zentral propioa duela. “Estatuan bakarrak gara esnekien sektorean jardun gabe ere horrelako zentro bat dugunak, beti erabili nahi izan ditugulako Euskal Herriko lehengaiak. Bertako baserritarrei erosten diegunez, harreman zuzena dugu hornitzailearekin, eta horrek produktuaren kalitatea bermatzen du”.
Konpainiak mota guztietako platerak eskaintzen ditu, hasi zizka-mizketatik eta postreetaraino, “baina bereziki aipatzekoak dira kroketak, plater nagusiak eta postreak. 60 kroketa-mota dauzkagu, hogeita hamar bat plater eta dozena erdi bat postre. Ez dugu erabiltzen kontserbatzaile artifizialik, ez eta gehigarririk”.
Ostalaritzakoa eta azalera handiak
Bere bezero nagusiak ostalaritzakoak dira (% 50) eta gainerakoak, berriz, urdaitegiak eta azalera handiak. “Iaz IFS kalitate-ziurtagiria eskuratu genuen”. Plater horiek partikularrei ere eskaintzen dizkiete euren web orriaren bidez, baina negozioaren zati txiki bat baino ez da hori. “Eman nahi dugun zerbitzu gehigarri bat da”.
Iaz fakturazioa 5,8 milioi eurora iritsi zen, eta 46 langile dauzka plantillan, % 50 gizonak eta % 50 emakumeak. “% 99 euskaldunak gara eta euskaraz mintzatzen gara elkarrekin”. Berrikuntza garrantzitsua da konpainiarentzat, eta bi pertsona dauzka I+G arloan, zeina produktuetan nahiz prozesuetan aplikatzen baita.
SPRI Taldearen “Innobideak” programako laguntzaren bidez pandemiak eragindako enpresa-estrategiaren aldaketa gidatu dute. “Ostalaritzarekiko menpekotasun handia genuen, gure negozioaren % 70erainokoa, eta orain gehiago bideratzen gara azalera handietara. Horrez gain, merkatuko azterketa bat egin genuen kontsumitzaileak zer nahi zuen jakiteko”.
Etorkizunera begira, erronkak dira nazioartekotzea –“pertsona bat jarri dugu horretan lanean”- eta azalera handiei bideratutako negozioa handitzea. Gainera, irudi-aldaketa bat egingo dute lantegian, ontziak eta prozesuak aldatuko direlako.
Enpresaren hazkunde-aurreikuspenak positiboak dira, “bide luzea baitaukagu aurrean: ostalaritzan badakigu nola jardun, eta azalera handietan ere ikasten ari gara”.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez