Arantxa Tapiak amaiera eman dio Estatu Batuetara egindako bidaiari, Bioosasunean zentratutako saio batekin – espezializazio adimenduneko esparrua Euskadin
Derion egoitza duen Grifols San Francisco-ra egindako bisitan, sailburuak ezagutu du multinazional horrek EAEko eragileekin daraman lankidetza HIESaren birusak edo Zika birusak sortutako gaixotasunen ikerketan, besteak beste
SPRI taldeko Invest unitateak Bostonen inbertitzaile potentzialen sare bat osatzen du, EAEko bioosasun-ekosistema sendotzen laguntzeko, eta Miramonen Viralgen-ek bultzatzen duen terapia genikoko proiektu berriari lotuta dago
Arantxa Tapia sailburuaren instituzio- eta enpresa-bidaiaren azken txanpa BIOren eta osasunaren eremuan zentratu da, eta jardunaldia Boston inguruan egin du. Hain zuzen, bertan biltzen da munduko erreferentziazko ekosistema nagusia sektoreko ikerkuntzan eta ekoizpenean.
Adierazi behar da, aldez aurretik, ordezkaritza instituzionalak San Frantziskon topaketa bat izan duela Grifols multinazionalaren egoitzan, eta Emeryville-ko campusean garatzen diren haren lan-esparruek jarraipena ematen dietela Progenika euskal bioteknologia-enpresak abiarazi zituen diziplinetako batzuei. Progenika Bizkaiko Zientzia eta Teknologi Parkean sortu zen, eta 2013an eskuratu zuen Grifols handiak.
Eusko Jaurlaritzak BIO esparrua eta Osasuna lehentasunezko esparruetakotzat mantentzen ditu Espezializazio Adimenduneko Estrategian, Fabrikazio Aurreratuarekin eta Energiarekin batera.
EAEk ekosistema biosanitario bat du, 150 enpresak, nazioartean aintzatetsitako 20 ikerketa-zentrok eta unibertsitatek, eta lehen mailako arretarako asistentzia, ikerketa eta integraziorako 6 ospitalek osatua.
Birus ezezagunen kasuen aurrean nola erantzun ikertzen ari dira San Frantzisko eta Euskadiren artean.
Emeryvill-eko (San Frantzisko) Grifols dibisioak HIESaren eta C hepatitisaren birusa sekuentziatzea lortu zuen lehen aldiz, eta gaur egun munduko HIESaren eta C hepatitisaren diagnostiko-test gehienak fabrikatzen ditu. Beste arrazoi batzuen artean, osasunaren arloko produktu aurreratuen ikerketan eta produkzioan erreferentzia handieneko multinazional farmazeutikoetako bat da.
Euskal ordezkaritzak Grifols SFn egindako bileran, zuzendaritza-taldeak (I+G arloko arduradunak) jakinarazi zuen konpainia apustu bat egiten ari dela ikerketarako baliabideak kontzentratzeko eta erantzunak lortzeko birusen mehatxuaren aurrean (besteak beste, Zika birusa eta hepatitisaren hedapena).
San Frantziskoko Grifols unitateak eutsi egiten dio Progenika euskal enpresak 2000. urtean hasitako ikerketa-ildoari. Gaur egun, Progenika-k Biopharma-Grifols markaren pean egiten du lan, eta Derion du egoitza, 80 profesional jardunean dituela.
Terapia genikoa eta zelularra indartzeko inbertsioa erakartzea
Gipuzkoako Zientzia eta Teknologia Parkean instalatutako Viralgen enpresak duela gutxi egindako apustuari esker, Euskal Autonomia Erkidegoak kokagune horretan kontzentratu ahal izango du terapia genikoaren Europako zentro nagusia. Era berean, ingurune berak beste eragile eta aktibo batzuk biltzen ditu osasunaren esparruan. Horri esker, Miramon erreferentziazko polo bihurtu da nazioartean BIO esparruan eta osasunaren esparruan.
Ildo horretatik, Arantxa Tapia sailburuak Bostongo Bioosasun ekosistemako erreferentziazko hiru eragileri bisita egin die. Horiek, era berean, Columbus funts amerikarrari lotuta daude (Donostiako Viralgen proiektuaren inbertitzaileari).
Helburua izan da Bostongo ekosistemaren ezaugarriak eta funtzionamendua ezagutzea, eta arlo horretan espezializatutako eragile inbertitzaileekin harremanetan jartzea, etorkizunean EAEko ekosistemarekin bat egitea ahalbidetuko duten inbertsioak eta proiektuak erakartzeko eta erreferente amerikar horren ezaugarriak eta funtzionamendua ezagutzeko.
Bilerak egin dira ElevateBio-ko David Backer-ekin (Senior Vice President, Commercial Development), ikertzaileen lankidetzaren bidez. Terapia zelularreko eta terapia genikoko zerbitzuen portfolioa duten enpresen holding bat da ElevateBio.
Boston Pharmaceuticalseko CEOa eta kontseilukidea da Rob Armstrong. 20 urtetik gorako esperientzia du farmazia-industriako I+G arloan, eta gaixotasun askoren aurkikuntzan eta garapen klinikoan inplikatuta egon da. Sektore biomedikoko aditu profesionalen talde batek osatutako enpresa horrek gaitasun terapeutikoa duten molekulak eskuratu eta ospitaleko merkatuan sartzen ditu.
Michael Gilman goi-mailako zientzialaria da, eta oso ondo ezagutzen ditu Estatu Batuetako arrisku kapitalaren eta bioteknologia-ekosistemaren mundua. Novartis Venture Fund-en Advisory Board-en dago, eta Arrakis Therapeutics-en sortzailea da —molekula txikietako sendagaien aurkikuntzan aitzindari izan den enpresa biofarmazeutikoa—.Columbus-eko (Viralgen-eko inbertsorea) inbertsio-batzordeko kidea da, eta biozientzien euskal ekosistema ezagutzen du.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.