ARM Robotics: “2021a irabaziekin itxiko dugu, baina zauriz eta bendaz beteta”
COVID-19ak berrasmatze prozesu bat eragin du gure inguruko enpresa askotan, bai produkzioari dagokienez, bai xede zituen sektoreei dagokienez. ARM Robotics-en kasua da, robotika industrialeko zerbitzu integrala eskaintzea helburu duen enpresa-taldea; robot-linea txiki eta handiak instalatzeko ingeniaritza, programazioa eta aholkularitza, edo zerbitzuen, mantentze-lanen edo materialaren salmentan jarduten dute. Eta horrez gain, ARM Academy prestakuntza-enpresa propioa dute, robotikari buruzko ezagutzak eskaintzeko.
ARM Robotics-en kasuan, automobil-sektorearekiko duen mendekotasunak eragin du aldaketa hori. Izan ere, COVID –19ak lehenengo eta erdieroaleen krisiaak eta mundu mailako logistika-arazoek ondoren, eragin handi izan dute, eta oraindik ere badute, sektore horretan. “Gure jardueraren ehuneko handi bat programazioan oinarritzen da, eta COVID-19ak automobilaren sektorean hainbeste eragin zuenez, gure produkzioa berrasmatu behar izan dugu. Beti bilatu izan ditugu robotizaziorako nitxo berriak, automobilaz haratago. Urte askotan, motorraren alternatiba trenbide-sektorea edo aeronautika izan zen, baina bi sektore horiek ere eragin handiak jasan dituzte pandemian. Orain ingeniaritzan zentratu gara programazioan baino, eta azken bi urteetan gai horretan indarra galdu dugu. COVIDa baino lehen, 52 pertsona geunden talde osoan, 3 enpresetan, eta orain, nire ustez, 30 bat pertsona gara”, adierazi du Mikel Ramírezek, ARM Roboticseko bazkide sortzaile eta arduradun komertzialak.
Koronabirusa ez da izan azken urteotan Barakaldoko konpainian eragina izan duen baldintza bakarra, Mikel Ramírezek adierazi duen bezala: “Gurea bezalako enpresek ‘dieselaren krisiaren’ efektua pairatu dugu. Auto elektrikoaren garaian sartu ginen, zalantza askorekin eta ibilgailu mota hauetarantz biratzeko betebehar batzuekin, eta orduan ere ez geunden gure onenean. Gero COVID etorri zen, eta horrek eskariak bertan behera uztea eragin du, bezero eta kolaboratzaile askoren enpresak ixtea. Denok ezegonkortasun egoera batean murgilduta geunden. Gure kasuan, konfinamendua makinez betetako tailer batean lan egiten genuen bitartean eman zen. Bezeroren batekin negoziatu behar izan genuen makinak hemendik atera ahal izateko. Eskariak genituen, eta bertan behera geratu ziren. Pandemiak eragin handia izan du enpresan”.
Enpresak beste arlo batean ere jasan du koronabirusaren eragina: prestakuntzan. Pandemiaren lehen hilabeteetan aurrez aurreko klaseak emateko ezintasunetik haratago, badirudi egoera oraindik normaltasunera itzultzetik urrun dagoela, Mikel Ramírezen arabera: “Gerrako ekonomia egin behar denean, hau da, dirua arreta handiz kudeatu behar denean, prestakuntza ez da lehentasuna. 2019an 53 prestakuntza-ikastaro egin genituen. Nik uste dut 2020an 18 inguru egin genituela, baina bitxiena da 2021ean 18 baino gutxiago egin ditugula. Orain prestakuntzaren bat egiten ari gara Galizian edo Puertollanon, baina gauza gutxi gehiago. Hiru irakasle genituen eta orain bakarra dugu”.
Hala ere, ez da baikortasuna galdu behra, eta 2022an 18 urte beteko dituen robotikako enpresa honen aurreikuspenak positiboak dira. Bere azken proiektuen artean, ARM Roboticseko arduradun komertzialak honako hau aipatzen du: “Gasteizko Mercedesen etxabeak zigilatzeko linea baterako handitze bat. Urte honen hasieran linea bat entregatu genuen Valladolideko Renault lantegirako motorraren kulatetatik bizarra kentzeko. Une honetan lerro bat garatzen ari gara produktu kosmetikoen bezero batentzat, kremen poteak betetzeko. Txekiar Errepublikan hainbat linea muntatzen ari gara gure bezeroarentzat, MB Sistemas (Urduliz). Arlo elektriko osoaz arduratzen ari gara: armairuak, kanalizazioa, PLC programazioa, robot programazioa, eta abar”.
ARM Roboticsetik aitortu dutenez, oraindik denbora falta da 2020ko arazoak bukatu arte. “2021an irabaziak izatea lortu dugu, nahikoa da, baina zauriz eta bendaz beteta izan da, batez ere pasa den urtearen eraginez. Iaz fakturazioaren % 41-45 galdu genuen eta jendea alde batera utzi behar izan genuen. Pozik gaude lan egiten jarraitzen dugulako, baina gure inguruko enpresa asko bidean geratu dira eta beste asko elkar lehiatzen ari dira ez desagertzeko. Gobernu mailako edo beste edozein eratako kanpoko edozein erabakiren zain gaude. Integratzaileek oso errentagarritasun gutxiko lanak egin behar izan dituzte mantendu ahal izateko, eta, azkenean, azpian gaudenoi ere transmititzen zaigu hori. Lana badago, baina zalantzazkoa da edo errentagarritasun txikiagokoa”.
Robotika zer den eta enpresa txiki eta ertainen artean zer eragin izaten ari den kontuan hartuta, ARM Roboticseko ordezkariek behin eta berriz adierazi dutenez, robotika kolaboratiboa edo cobot-ak bezeroek gehien eskatzen dituzten konponbideetako bat dira. “Nolabait esateko, serie txikien robotika ohiko robotizazio industriala baino malguagoa dela esan izan dugu beti, balio anitzagoa duelako edo, nolabait, maila fisikoan edo itxituretan muga gutxiago dituelako. Gure bezero asko malgutasun horri buruz galdetzen ari dira eta robota bi gauza desberdin egiten edo bi aplikazio desberdinetan jartzen dute, amortizazio azkarragoa izateko. Elkarlaneko robotika goraldian dago, zalantzarik gabe, robotika mugikorrarekin edo AGV eta AIV ibilgailuekin batera (modu autonomoan edo automatikoan eta gidaririk gabe mugitzen diren ibilgailuak, fabrikazio-instalazioetan edo logistika-eremuetan salgaiak garraiatzeko erabiltzen direnak)”.
Cobot edo AGVetatik haratago, ARM Roboticsetik ez dute gaur egun elementu berritzaile berririk hautematen robotikari dagokionez. “Adimen artifizialaren aplikazioa robotetan oraindik ez da eman. Arlo honetako aurrerapen handiak roboten ‘renting’ -etik edo elikadura edo gozogintza bezalako sektore berrietan robotak aplikatzetik emango dira”, iragarri du Mikel Ramírezek.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.
Arrosi: “Surfeko oholen fabrikazioa da paper kizkurtuaren aplikazio exotikoenetako bat”
Elduainen dagoen enpresa honek lau hamarkada daramatza papergintzaren erreferentzia izaten
Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”
CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.
Zeatz: “Urte hauetan lortutako esperientziak garrantzi handiko proiektuei aurre egiteko aukera ematen digu”
Neurrira diseinatutako zatitzaileen fabrikazioan espezializatutako Gipuzkoako konpainiak berrikuntzaren eta zentro teknologikoekin lankidetzan aritzearen alde egiten du, irtenbide pertsonalizatuak garatzeko.
Vidrala: “Aiaraldearentzako aukerarik onena bertako lehiakortasuna da”
Beiragile arabarra eskualdeko motoreetako bat da, eta 5.000 pertsonari ematen die lana 11 ekoizpen-lantegitan. Horietatik urtean 9.000 milioi botila eta ontzi irteten dira