Atlas Molecular Pharmak eta CIC bioGUNEk minbiziaren eta gaixotasun autoimmuneen aurkako tratamendurako alternatibak bilatzeko proiektu europar bat bultzatu dute
Europako Batzordeak 1.500 proposamen baino gehiago jaso ditu, eta hautatuak izan diren 147en artean proiektu hau agertzen da. Glytunes ekimenean, CIC bioGUNEren ‘spin off‘ bat den Atlas Molecular Pharma eta biozientzietako elkarlaneko ikerketa-zentroa berak parte hartzen dute. EBko 3,7 milioi euro jaso dituzte gaixotasun autoimmuneen eta minbiziaren aurkako estrategia terapeutiko berrien inguruan ikertzeko.
2015ean sortutako euskal enpresa bioteknologikoak eta CIC bioGUNEk (biak Bizkaiko Parke Zientifiko eta Teknologikoan kokatuta daude, Euskadiko Parke Zientifiko eta Teknologikoen Sarearen barruan) beste sei ikerketa-erakunderekin eta Europako hiru enpresa bioteknologikorekin lankidetzan daude, arlo horren inguruko ezagutzan aurrera egiteko.
Glytunes ekimena hurrengo lau urteetan garatuko da, minbiziaren eta gaixotasun autoimmuneen aurkako borroka aztertzeko xedearekin. Zelulak estaltzen dituzten azukreen –glikanoen– funtzionamenduaren ezagutzan aurrera eginez oinarrituko da ekimenaren lana ,izan ere zelula horiek tumore zeluletan eta bakterio eta birusen zeluletan aurkitzen baitira. Batzuetan, azukre hauek sistema immuneak gorputzarenak izango balira bezala hartzen ditu, eta, horregatik, ez ditu gorputz arraroak bezala identifikatzen. Egoera honen ondorioz, sistemak ez du gorputz arraro hauen aurka jotzen.
Euskadiko Zientzia eta Teknologiaren Euskal Sarearen eta BRTA aliantzako kide den CIC bioGUNEtik azaldu dutenez, azukre horiek immunitate-sistemarekin eragina izateko gaitasuna dute, zelulak aktibatu edo inhibitu ahal izateko, eta gorputzak patogenoak ezagutzeko seinale gisa balio dute. Glytunesek elkarreragin horiek nola gertatzen diren sakontzea espero du, baita birus edo bakterio bat dagoen egoeretan ere, teknika desberdinekin aztertzeko eta elkarreragin horiek modulatzeko moduak erregistratzeko. Glikanoak sintonizatu nahi dituen proiektua denez, ekimen hau Glytunes izena hartu du.
CIC BioGUNEk glikobiologiaren arloan ezagutza berria sortu nahi du ekimen honekin, oraindik ikertzeko asko baitago; aldi berean, Atlas Molecular Pharma euskal bioteknologia enpresak proiektuan lan egiten du ezagutza hori tresna erabilgarrietan bihurtzeko helburuarekin. Erreminta horiek gaixotasunen aurka borrokatzeko interakzioak modulatuko dituzten farmako berriak izango dira.
Euskadiko biozientzien eta osasunaren sektorearen beste aurrera pauso bat da hau. Sektore honetan osasun-zentroak eta dagozkien ikerketa-zentroak,CICak eta sektoreko enpresak sartzen dira. Biosasuna da Euskadiko espezializazio adimentsuko estrategiak (RIS3) Euskadirako lehentasunezkotzat jotzen duen sektoreetako bat.
Lotutako albisteak
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu