Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Beugin Garay Taldea proiektu batean murgilduta dago, eta horren emaitza nagusia “tripulaziorik gabeko ibilgailu autonomo bat (UAV) edo drone bat gainazal bertikal eta altuetan estalduren egoera neurtzeko sentsoreak jartzeko gai dela erakustea da“, zehaztu du Samuel García Baquerín Beugin Garayko Berrikuntza zuzendariak.
Aplikazio batek Inpedantzia Elektrokimikoko Espektroskopiaren (EIS) teknologia biltzen duen lehen aldia da, espazio konfinatuetan hegan egiteko gai den drone espezifiko batean integratutako sentsore bat garatzeko. Bestalde, “eraso kimikoko muturreko baldintzetan, lan egiten duten aktibo industrialen gainazal bertikaletan korrosioaren aurkako lodiera handiko estalduretarako lehen ikuskapen-sistema autonomoa izango da“, nabarmendu du.
“Proiektuak berrikuntza iraultzailea dakar; izan ere, azalera bertikalei atxiki eta estaldura baten kalitatea neurtzeko sentsore bat jar dezakeen drone baten konbinazioa berria da merkatuan”, azpimarratu du. Sistema horren bidez, estaldurak ikuskatzeko zerbitzua aldatuko da, “giza istripuen kostua eta arriskua murrizten baitira”.
Gainera, aktiboen jabeei aukera ematen die datu zehatzetan oinarritutako erabakiak hartzeko, mantentze prediktiboaren eta bizitza baliagarriaren pronostikoaren inguruan. “Soluzio horri esker, korrosioaren aurkako estaldura industrialak azkar eta ekonomikoki ikuskatu daitezke, aldamioak instalatzeko beharrik gabe“, esan du euskal konpainiako arduradunak.
Proiektuaren bigarren emaitza plataforma informatiko adimenduna izango da, prozesu kimikoen industriako aktiboen jabeei estalduren egoerari buruzko txosten zehatzak eskainiko dizkiena. “Horiei esker aurrera egin ahal izango dute mantentze prediktiboa lortzeko, aktiboen bizitza baliagarria handituz eta ikuskapenen kostuak murriztuz“, aitortu du.
Korrosioaren aurkako babesaren soluzioak
Duela mende erdi baino gehiagotik, Beugin Garay lider bihurtu da merkatu nazionalean eta nazioartekoan, neurrira egindako irtenbide teknikoak garatu baititu korrosioaren, urraduraren eta eraso kimiko industrialaren aurkako babesean. Eskaintzen dituen estaldura antiazidoen artean, kautxu bigunak, ebonitak, obran aplikatzeko kautxuak, morteroak, adreiluak, erretxina polimerikoak edo ijeztuak daude, besteak beste.
Enpresa bizkaitarrak hainbat sektoretan egiten du lan, hala nola, salgai arriskutsuen garraioan, hondakin-plantetan, altzairutegietan, findegian eta petrokimikan, farmazia-imdustrian, meatzaritzan, kimikan edo aholkularitzan. Gaur egun 20 herrialde baino gehiagotan jarduten du, hala nola Belgikan, Aljerian, Egipton, Saudi Arabian, Hegoafrikan, Txilen, Estatu Batuetan, Senegalen, Indian edo Errusian. “Bere helburu berrietako bat, epe motz-ertainean, merkatu berrietara sartzea da, Jordaniara adibidez, gatzgabetze prozesu batekin”, aurreratu du.
Bizkaiko konpainiaren urteko fakturazioa 5 milioi eurokoa da, eta 40 langilek osatzen dute. “Itsas haizearekin edo gezatzearekin lotutako aukera berrien sarreraren arabera, handitzea aztertuko dugu”, aitortu du Samuel Garciak.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du