Banatu dira ingeniari belaunaldi berrien artean berrikuntza sustatzeko Bizintek sariak
Hainbat unibertsitatetako ingeniaritza, teknologia eta elektronikako hiru ikaslek jaso dituzte “2020ko gradu, master edo graduondoko amaierako proiektuaren” Bizintek Sariak, zeintzuek berrikuntza sustatzen duten belaunaldi berrien artean, babesa eskaintzen dieten ingeniari gazteei eta ikusgarritasuna ematen dieten 4.0 industriarako euren abangoardiako proiektuei. Bosgarren edizio honetan 15 unibertsitatek parte hartu dute, eta sari-banaketa ekitaldia Barakaldoko BIC Bizkaia Ezkerraldea zentroan izan da.
Jerónimo Agulló Ocamposek (Sevillako Unibertsitateko Ingeniaritza Elektroniko, Robotiko eta Mekatronikoa) jaso zuen lehen saria, hipokalemiaren tratamenduan ECG prozesamenduaren bidez odoleko potasio-maila neurtzeko gailu bat eta aplikazio mugikor bat diseinatzeagatik. SPRIko Enpresen Sustapeneko zuzendari Aitor Cobaneraren eskutik jaso zuen saria.
Bizkaiko Foru Aldundiko Ekintzailetza eta Enpresa Lehiakortasunerako zuzendari Joseba Mariezkurrenak eman zion bigarren saria Jon Duo Angulori (Fabrikazio Digitaleko Masterra. Elgoibarko IMH Ingeniaritza Dualeko Unibertsitate Eskola), airearen kalitatea neurtzen duen modulu bat diseinatu eta fabrikatzeagatik (Smart City-en digitalizazioa).
Bizintek-eko zuzendari nagusi Daniel del Ríok hirugarren saria eman zion Pablo Aguilar Orellanari (Malagako Unibertsitateko Ingeniaritza Mekaniko eta Elektrikoa) Walkit gailuagatik. Kontsumo baxuko sistema bat da, ibilgailuak urrunetik monitorizatzeko.
Bosgarren edizioa
Bosgarren edizio honetan, ingeniaritza eta berrikuntza arloko sariketa Estatuko unibertsitate guztietara zabaldu da, ingeniaritzaren arloko talentu berriak azaleratu eta etorkizuneko belaunaldien sormena pizteko. Aukeratutako proposamenak aipagarriak dira euren konplexutasun handiagatik eta garapen mailagatik, eta baita ere bat datozelako puri-purian dauden joera teknologikoekin.
Konpromisoa berrikuntzarekin eta talentuarekin
Bizintek-en helburua da ingeniaritzako ikasleak motibatzea aurrera jarrai dezaten euren proiektuekin. Modu bat da talentua atzemateko eta ateak irekitzeko etorkizuneko ingurune digital eta industrialak diseinatuko dituzten ikasleei. Sariketa hau bereziki pentsatuta dago belaunaldi berriek berrikuntzaren bidez aurrera egin dezaten euren ibilbide profesionalean.
Zentzu horretan, aurreko edizioetako hainbat proiektu irabazle izan ziren sortzaileentzako aurkezpen-txartelik onena, zeintzuek sariketa hau aprobetxatu baitzuten harremanak sortzeko eta, harreman horien bidez, euren ibilbide profesionala lantzeko ingeniaritza teknologikoaren munduan.
Ekitaldian baita ere parte hartu dute ondoko hauek:
Rafa Bengoa, SI-Health enpresako zuzendaria. Osasun arloko erreformetarako nazioarteko aholkularia. Eusko Jaurlaritzako Osasun sailburu ohia. Senior Fellow Harvard.
Asier Albizu, BIOLANeko zuzendari nagusia
Carlos Jimenez, ASOCIACIÓN ESPAÑOLA DE DÉFICITS INMUNITARIOS PRIMARIOS elkarteko presidentea.
Luis Antonio Ruiz Ozaita, FOUNDER AT PRODOL MEDITEC (General Manager).
Oxel Etxebarria, BEXEN CARDIO (Managing Director).
Laida San Sebastian, MONDRAGON UNIBERTSITATEA (Researcher and Lecturer Innovation and Industrial Management Entrepreneurship Coordinator).
Lotutako albisteak
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Imanol Pradales Lehendakariak etorkizuneko abiazioa bultzatuko duen ITP Aero zentro berria inauguratu du
Imanol Pradales Lehendakariak eta Pedro Sánchez presidenteak ITP Aeroren ADMIRE zentroa inauguratu dute gaur goizean Zamudion, 24 milioi euroko inbertsioarekin eta 150 enplegu kualifikatu baino gehiagorekin. Zentro horrek berrikuntza eta jasangarritasuna sustatuko ditu hegazkingintzan Euskadin
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Talleres Altube, doitasuna nortasunean daraman Gipuzkoako mekanizazio-enpresa
Bergarako konpainiak SPRI Taldearen zibersegurtasun-programako laguntza bat jaso du, eta negozioa % 50 handitzea espero du 2027rako