Ezagutu BDIHren aktiboak: Osagai industrialetarako PVD estaldurak ekoizteko lerro pilotua

Teknikerrek BDIHren bitartez euskal enpresei Lurrun-faseko Deposizio Fisikoko Teknologien (PVD) bidez osagai plastiko eta mekanikoetarako estaldurak garatzeko aukera eskaintzen die, baita aplikazio industrialaren arabera propietate desberdinak dituzten eguzki-kolektoreak ere.

Aktibo honen bitartez, enpresek hainbat motatako estaldurak egin ditzakete: plastikozko osagaietarako estaldura metaliko apaingarriak; osagai mekanikoetarako estaldura tribologikoak eta eguzki-kolektore eta islatzaileetarako estaldura selektiboak. Era berean, enpresek Teknikerren lerro pilotuak arku- eta sputtering-teknologien bidez estaldura funtzionalak fabrikatzeko erabil ditzakete.

Erabilera-kasua

Bronymec-ek Fabrikazio Gehigarriko gunearen aktibo hori erabili du prozesatu osteko eremuan, marruskadurarekiko erresistentzian eta estaldura funtzionalen higaduran ikertzeko, eta azalera mugikorrekin elkarreragin handia duten aplikazio tribologikoetarako erabilgarria dela aditzera emanez.

Bronymec 1995ean sortutako enpresa da,  polimeroen eta konpositeen banaketan eta mekanizazioan diharduena. Proiektu honen bidez, enpresak mekanizaziotik haratago joatea erabaki du, fabrikazio gehigarrirako aplikazioetara irekiz.

Ezin duzu galdu Bronymec-en bideoa, non Ander Cristóbal Etxebarria gerenteak eta Amaia de Castro ingeniariak erabilera kasu honi buruzko xehetasun guztiak eta lortutako onurak azaltzen dituzten.