Begoña Pérez Villarreal: “EIT Foodek 11 milioi euro banatu ditu ‘start-up’-etarako eta Covid krisiaren ondorioz arriskuan zeuden berrikuntza proiektuetarako”

Begoña Pérez Villarreal, directora EIT Food para el sur de Europa

EIT Europako Berrikuntza eta Teknologia Institutua da, EBetik independentea den et 2008an berrikuntza eta ekintzailetza bultzatzeko sortu zen erakundea. EIT Food EITren zortzi berrikuntza-komunitateetako bat da, eta elikagaien berrikuntzarako Europako ekimen nagusiena. Helburua elikadura-sistema jasangarriagoa, osasungarriagoa eta konfiantzazkoagoa izatea da. 75 erakunde baino gehiago biltzen dituen partzuergo baten modura funtzionatzen du eta barnean hartzen ditu, funtsezko industriak, sektoreko enpresa nagusiak, startup-ak, Europa osoko ikerketa-zentroak eta unibertsitateak, besteak beste. Hainbat arlotan lan egiten du, hala nola berrikuntzan, hezkuntzan eta enpresen sorkuntzan. 

Europa hegoalderako EIT Foodek duen egoitza duela bi urte jarri zen Bizkaiko Parke Tekonologikoan. Begoña Pérez Villarrealek, EIT Food erakundearen Europa Hegoalderako zuzendariak, “Eusko Jaurlaritzarekin hainbat programatan izandako lankidetza trinkoa” azpimarratu du, bai eta tokiko bazkideen garrantzia ere, hala nola Azti, Angulas Aguinaga, AN Taldea edo Mondragon Korporazioa.