‘Belk+’, mugikortasunerako laguntza pertsonaleko lehen exoeskeleto adimenduna
Gogoa Mobility Robots ingeniaritza biomedikoak duela gutxi merkaturatu du ‘Belk+’ gailu robotiko berria, erabiltzailearen mugimendu-asmoari erantzuten eta laguntzen diona. Euskal enpresak goi-teknologiako exoeskeleto arinak ikertu, diseinatu eta garatzen ditu, eta, gailu berriarekin, sektore mediko, soziosanitario, industrial, kirol edo militarrari zuzendutako exoeskeleto adimendunak zabaldu ditu.
Produktu berria, ezaugarri horiekin Europan garatutako lehena, mugikortasun murriztua duten pertsonentzako independentzia-maila berria emateko diseinatu da, adina edozein dela ere. “Gailua erabiltzailearen martxara egokitzen da, ibilera esperientzia eroso eta erabat naturala ahalbidetuz”, nabarmendu du Galder Aregok, Gogoa Mobility Robotseko marketin eta marka-estrategia buruak.
Exoeskeleto berria mugikortasuna berreskuratu eta hankei martxa natural bat lortzen lagundu nahi duten pertsonei zuzenduta dago. Bere pisu txikiak, erabiltzeko erraztasunak eta gailuaren digitalizazioak, belauneko artikulazioen funtzionaltasuna modu eraginkorrean indartzeko motor txiki batzuekin, “produktu hau oso tresna erabilgarria bihurtzen dute mugikortasun urriko pertsonen egunerokoan”, aitortzen du. Gainera, ekipo elektrikoak karga azkarreko funtzioa du, egun oso batez erabiltzeko aukera ematen duena. Eta lur desberdinetan ibiltzen laguntzen du, arrapalak eta eskailerak barne.
Arazo motorrak berreskuratzea
Bizkaiko enpresa 2015ean sortu zen, eta tratamendu integralak diseinatu eta aplikatzen ditu “hainbat patologia (iktusa, muineko lesioa, gaixotasun neurodegeneratiboak edo giharretako disfuntzioak) dituzten pertsonen arazo motorrak berreskuratzeko“, zehaztu du Aregok. Zentzu horretan, teknologiari Urretxuko ‘Movex Living Lab’ klinikan diseinatzen dituen terapiak gehitzen dizkio, “neurorehabilitazioko terapiak diseinatzeko munduko lehen laborategia“, konpainiaren ordezkariak azpimarratu duenez.
Euskal enpresak exoeskeleto medikoak egiten ditu, martxa edo esku eta besoen mugikortasuna errehabilitatzeko, soziosanitarioak eta erabilera pertsonalekoak ere. “Eta, gainera, neurorrehabilitazio robotikoko terapiak eskaintzen ditugu gure kliniketan”, dio.
Bere produktu izarra ‘Hank’ exoeskeletoa da, “teknologikoki beheko gorputz-adartzentzako gailurik aurreratuena, munduan sei artikulazio motorizatuak eta martxa moldagarriaren patroia dituen bakarra“, zerrendatzen du. Gainera, Aregok azpimarratu duenez, “osasun-produktu gisa CE marka lortu duen Europako lehen exoeskeletoa da”.
Gogoa Mobility Robotentzat “berrikuntza da gure zutabeetako bat eta gure lau balioetako bat, eraginkortasunarekin, konpromisoarekin eta inklusioarekin batera“, aitortzen du. Zentzu horretan, SPRI Taldearen Hazitek laguntza-programaren barruko hainbat proiektu estrategikotan parte hartu du, “gure produktuetan txertatzen ari garen teknologia garatzeko aukera eman diguna“, adierazi du.
Bizkaiko enpresak 1,5 milioi euro fakturatu zituen 2023an, eta, batez ere, Estatuko merkatuan jarduten du. “Frantziako edo Alemaniako merkatuan gure lehen sartu-irtenak egiten ari gara, eta ekintza komertzialak garatu ditugu Latinoamerikako hainbat herrialdetan, hala nola Panaman, Kolonbian edo Mexikon”, azaldu du Galder Aregok.
Gaur egun, 17 langile daude Gogoa Mobility Robosten eta 4 Movex kliniketan. “Bi pertsona sartu berri ditugu, eta epe laburrera edo ertainera plantilla handitzen jarraitzea aurreikusten da, enpresa hazten ari baita bete-betean“, ziurtatu du marketineko eta marka-estrategiako buruak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.