Global Innovation Day ekimenak 100 berrikuntza-kasu praktiko aurkeztuko ditu krisiei aurre egiteko
Gaixotasunen aurkako borrokarako soluzio informatikoak eta diseinuak, ingeniaritza iraunkorra, helburu sozialak dituzten mugikorreko aplikazioak, berrikuntza demokratikoa helburu duten proiektu instituzionalak, baliabide biologikoen eta energiaren berrerabilera, marketin solidarioko ekimenak… Berrikuntzaren Euskal Agentziak ehun bat kasu praktiko jaso ditu, %70 Bizkaitik. Horietan guztietan, begirada berritzaile batek balio izan du hainbat erronka –hala nola gaur egungo osasun krisia– arrakastaz gainditzeko, finantza-arazo jakinei aurre egiteko, zailtasun ekonomiko globalei edo edonolako aldaketei konponbidea emateko… Euskal erakunde ugarik bidali dituzte beren proposamenak: enpresa pribatuek, ikerketa eta garapen arloko eragileek, I+G+b arlokoek, elkarteek, hezkuntza zentroek, erakunde zibiko-sozialek eta administrazio publikoek. Hainbat esparrutan gauzatu dira berrikuntza eta esku-hartzeak: barne antolaketan, eraldaketa teknologikoan, estrategia orokorrean eta produkzio-sisteman.
Esperientzia horietako bost erakutsiko ditu Global Innovation Day jaialdiaren bederatzigarren edizioak. Azaroaren 2an izango da, eta streaming bidez emango da zuzenean Musikenetik, Donostian, 10: 00etatik 12: 30era. Iñigo Urkullu Lehendakariak Zientzia, Teknologia eta Berrikuntzaren XX. Astearen inaugurazio-ekitaldi honen amaieran parte hartuko du.
Parte hartuko duten kasuek Innobasqueren laguntza zuzena eskuratuko dute interes estrategikoko gaietan. Berrikuntzaren Euskal Agentziak, halaber, komunikabideetan zabalduko ditu esperientzia berritzaile horiek, eta aintzat hartuak izateko sustapen-lana egingo du. Global Innovation Day jardunaldiko deialdi honetan ehunka proposamen jaso dira, eta horien artean hautatutako soluzio berritzaileak Innobasqueren kasu praktikoen bankuan gordeko dira.
Berrikuntza-kasu praktikoen deialdi honetara aurkezteko, azken bost urteetan (2016-2020) martxan jarritako edo ezarritako kasuak hartu dira aintzat, eta, horrez gain, emaitza kualitatibo edo kuantitatibo egiaztagarriak izan dituzten kasuak. Beste erakunde batzuetan aplikatzeko eta berritzeko modukoak ere izan behar zuten, haien lehiakortasuna hobetzeko.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa