Betielek droneak integratu ditu bere jardueran Hazinnovari esker
Betielek eguzki-plakak instalatzen dituen enpresa da, eta Iurretan (Bizkaia) kokatuta. Industria-sektoreetan eta administrazio publikoan bezeroekin, partikularrekin ere egiten du lan, neurri txikiagoan. Zehazki, instalazio elektriko konbentzionalak eta energia berriztagarrietakoak (fotovoltaikoa eta aerotermia) gauzatzen ditu.
Bizkaiko enpresak gauzatu dituen proiektu nabarmenenak dira, adibidez, Berrizko Udalerako autokontsumo partekatuko instalazioak, guztira 270 Kwn-koak, eta Ourenseko GAESA enpresarako 400 Kwn-ko eguzki-instalazioa. Instalazio elektrikoei dagokienez, Durangoko Ezkurdi pilotalekuaren instalazio berritu da eta ibilgailu elektrikorako kargagailuak berritu dituzte berriki Bilboko TAOrako eta Gipuzkoako Gureak enpresarako. “Araban 900 kW-eko eguzki-instalazio bat instalatzea eta Bizkaian kirol-gune bateko instalazio elektrikoa eta obra zibila gauzatzea aurreikusten dugu”, adierazi du Esther Expósito Marantek, Betielekeko administrazio- eta kalitate-arduradunak.
Duela gutxi, Bizkaiko enpresak SPRI Taldearen laguntza jaso du Hazinnova programaren bidez. Lehen lankidetza honetan, droneen erabilera negozio-arloan integratu da, haien zerbitzuen artean eskaintza zabalagoa izateko. “Drone bidezko hegaldiei dagokienez, merkatuaren beharren ikuspegi globalago bat izatea ahalbidetu digu, eta orain aukera berriak aztertu nahi ditugu gure zerbitzua hobeto eskaini ahal izateko”, adierazi du Betielekeko arduradunak.
Betielek gaur egun 16 langile ditu, hurrengo hilabetetan hedatzeko asmoarekin. Etorkizunari begira, enpresaren helburu nagusia da “Durangaldean finkatzea eta dagoeneko gurekin lan egiten duten bezeroak fidelizatzen jarraitzea, negozioaren etengabeko garapena alde batera utzi gabe, hobetzeko eta gure bezeroei soluziorik onenak eta puntakoenak eskaintzeko”, amaitu du Esther Expósitok.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Pozikek osasun mentaleko estrategietan inbertitzeko itzulkina maximizatzen laguntzen die enpresei
Bere plataformak aukera ematen du langileei buruzko informazioa biltzeko eta enpresen zuzendaritzari produktibitatea hobetzeko tresnak emateko, langileen ongizatearen bitartez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Iametzak euskarazko komunikazioaren eta digitalizazioaren aldeko apustua lantzen du
Gipuzkoako enpresak NextCloud plataforma txertatu du azken urteetan bere eskaintzan, eta horrekin enpresa industrialetara iristea du helburu.
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.