Bio-osasunaren sektoreko 75 enpresek sortzen dute Euskadiko BPGaren % 1,45
Basque Health Klusterraren Ohiko Batzar Orokorrean aurkeztu ziren sektorearen datuak
Basque Health klusterrean integratutako 75 bio-osasun enpresek % 1,45eko ekarpena egiten diote BPGari, sektore desberdinetan garatzen diren jardueren bitartez: bio-zientziak, osasuna, gailu medikoak, osasun digitala, kudeaketa, zerbitzu transbertsalak, kosmetika, e.a. Eta hori baino garrantzitsuago dena, sektore horrek Euskadiko osasun arloko enpresen balio-kateak konfiguratzen ditu.
Behin amaitu ondoren klusterraren plan estrategikoaren lau urteak, Basque Health-ek bere jardueraren balantzea egin du ekainaren 26ko Batzarrean, eta erakutsi du sektorea gero eta indartsuago dagoela. Emaitza horiek direla medio, Euskadiko bio-zientzien industria sendotzen ari da eta azken hiru urteotan klusterreko kide diren enpresa kopurua hirukoiztu egin da, gaur egungo 75 bazkideetara iristeraino.
Lau urte hauetan zehar, klusterrak bere bazkideen parte-hartzea sustatu du nazioarteko azoka garrantzitsuenetan, prestakuntza-jardunaldiak eta jardunaldi informatzaileak egin ditu, eta networking ekitaldiak antolatu ditu enpresa eta ikerketa zentroentzat; horien artean aipatzekoa da Euskadiko Bio-osasunaren sektoreko lehen inbertsio foroa, 2019an egin zena. Nazioarteko harremanei dagokienez, indartu egin da Akitania Berriko Osasun Industriaren Klusterrarekiko (GIPSO) lankidetza, osasun industrientzako mugaz gaindiko 4 topaketa egin direlarik.
BHC elkartearen laguntzari esker, 30 proiektu hautaturen artetik 9 euskal proiektuk aukera izan zuten Pierre Fabre enpresaren (munduko bigarren kosmetika fabrikatzailea eta Frantziako bigarren enpresa farmazeutikoa) deialdi baten nazioarteko finalean parte hartzeko. Bestalde, bio-zientzien klusterrak bat egin du BIND 4.0 programarekin, Eusko Jaurlaritzak bultzatutako startup-en azeleragailuarekin, zeinaren bidez startup-ek aukera baitute maila goreneko bezero industrialengana iristeko.
Basque Health Klusterraren Ohiko Batzar Orokorrean 2020-2024 urteetarako batzorde berria eratu zen. Mikel Álvarez izango da presidente berria, eta Eusko Jaurlaritza eta SPRI Taldea ere batzorde horretako kide izango dira euren ordezkari Cristina Oyónen bitartez.
Lotutako albisteak
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Zure proiektua bultzatu 2025eko Ostegun Ekintzaileekin
"Kabiak" ekintzailetzako ekosistema sendotu du ‘Ostegun ekintzaileen’ beste ibilbide batekin
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu