BioTech Foods enpresak irabazi du EmprendedorXXI Sariketa Euskadin
Donostiako BioTech Foods enpresak okela etikoa ekoizten du, alternatiba bat eskainiz mundu osoko proteina eskaera handiari.
Bio Tech enpresa donostiarrak irabazi du Caixabank-ek -teknologia eta berrikuntza arloko enpresei eta inbertitzaileei zuzendutako bere DayOne dibisio espezializatuaren bitartez- bultzatutako eta Caixabank-ek berak Industria, Merkataritza eta Turismo Ministerioko Enisa-rekin batera emandako EmprendedorXXI sariketaren Euskadiko edizioa. Euskadin, SPRI Taldeak ere erakunde antolatzaile gisa parte hartzen du.
Sari-banaketa ekitaldia berrikuntza, teknologia eta ekintzailetzako “DayOne Innovation Summit” jardunaldiaren markoan egin da. Jardunaldi hori Caixabank DayOne dibisioak sortutako programa berri bat da. Irabazleak 5.000 euro jaso ditu eta aukera izango du nazioarteko laguntza-programa batean parte hartzeko Silicon Valley-n edo enpresa hazkunderako nazioarteko ikastaro bat egiteko Cambridgeko Unibertsitatean (Erresuma Batua).
Sari-banaketa ekitaldian buru izan dira Estíbaliz Hernáez, Eusko Jaurlaritzako Teknologia, Berrikuntza eta Lehiakortasun sailburuordea, Juan Pedro Badiola, CaixaBank-en Lurralde Zuzendaria Euskadin eta Kantabrian eta José Bayón, ENISAko kontseilari delegatua, zeintzuek aitortza egin baitiote ekintzaileen jarrerari.
Okela Etikoaren (laborategian ekoitzitako okela oro har eta clean meat Estatu Batuetan) ekoizpenarekin lotutako iraultza bultzatzen ari den munduko enpresa bakarretako bat da BioTech Foods. Enpresa horren berrikuntza garrantzitsuena da eredu alternatibo bat proposatzen duela gizakiok kontsumitzen dugun okelaren ekoizpenerako. Bide horretatik, munduko animalia-proteinaren eskaera handia asetzen laguntzen dio abeltzaintza intentsiboari, gero eta handiagoa baita (202.000 milioi tona urtean). Enpresak helburu biomedikoak dituen teknologia bat aplikatzen du, ehunen birsorkuntza alegia, eta teknologia hori elikadura arloko konponbideen produkzioari egokitzen dio.
Aipatzekoa da aurtengo edizioan 55 euskal enpresa aurkeztu direla eta horietatik bost finalera iritsi direla: Alerion Technologies, zehaztasunezko nabigazio autonomoan, ikusmen artifizialean eta errendimendu handiko software integratuan espezializatutako enpresa gipuzkoarra; Cyber Surgery, bizkarrezurreko ebaketetarako laguntzaile robotiko bat garatu duena, ebaketa horien zehaztasuna hobetzeko; Lookiero, onlineko personal shooper sistema bat emakumeentzat; Wegow, zuzeneko musikaren marketpace soziala, artistei, sustatzaileei eta erabiltzaileei zuzendua; eta BioTech Foods.
Lotutako albisteak
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.
Krauserrek mekanizazioaren industriarako ebaketa-tresna pertsonalizatuak eskaintzen ditu
Konpainiak ebaketa baldintza egokietan eta modu berme batean egiteko teknologia garatu du.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere