Bost enpresak Europako Agentzia Espazialaren kohete aeroespazial berrien motorrak babesteko erabiltzen diren kanpaiak eraikitzeko makinak sortu ditu
Bost Machine Toolsek Europako kohete berrien garapen programan parte hartu du, euskal enpresa honek sortutako makinen bidez, hain zuzen ere. Ariane 6 Europako Espazio Agentziaren (ESA, ingeleseko siglengatik ezagututa) motorrak babestuko dituzten karbono-zuntzezko kanpaiak eraikitzeko erabiliko dira makina horiek.
Kohete belaunaldi berri honen lehen espazio-jaurtiketa 2021aren amaierarako aurreikusita dago, eta, hori lortzeko, Bost enpresak makineria berria sortu du, sektore aeroespazialak eskatzen dituen ezaugarri zorrotzak betetzen dituena. Aurrerapenak Fusée proiektuaren parte dira, Eusko Jaurlaritzako Hazitek programaren barruan eta Europako FEDER diru-laguntzekin elkarlanean.
Proiektuak konpositeen eta karbono-zuntzarekin sortutako egiturazko piezak mekanizatzea lortuko duten teknologien aurrerapenean zentratu da. Tornu bertikalaren kontzeptuan oinarritutako bi mekanizazio-zentro dira, eta hainbat funtzio dituzte. Makinek suziri aeroespazialaren motorrak babestuko dituzten kanpaiak sortzen dituzte: “Tolerantzia handiko piezak dira, eta Bost makinaren birtuterik garrantzitsuena pieza hauek “set-up” batean bukatzeko kapazitatea da “, azaldu dute proiektuaren arduradunek. Emaitza horiek lortzeko, “proiektu honetan oinarri oso garrantzitsua Bost eta bezeroaren artean egindako taldekako lana izan da”.
Berrikuntza profesionalak karbono-zuntzezko hautsetik babesteko
Proiektu honen emaitza “zehaztasun eta dinamika paregabeak dituen” makineria sortzea izan da. Baina, gainera, karbono-zuntza mekanizatzean sortzen den hautsa xurgatzeko berrikuntzak egin dira. Hauts hori oso arriskutsua da langileentzat, eta makinetan ere kaltegarria izan ahal da. Kasu honetan, xurgatzea bi metodo desberdinen bidez egiten da: xurgatze lokala, makinaren ondoan, eta orokorra, xurgatze-puntuak lan-bolumen osoan dituena. “Esfortzu handiak egin dira langileen osasuna babesteko helburu oso garrantzitsuan. Eta, beste aldetik, makina bera karbono hautsetik babesteko presurizazio injenieritza handia garatu da, puntu zehatzetan makinak inongo arazorik ez izateko”, aditzera eman dute Bosteko arduradunek.
Gipuzkoako enpresa honek makina-erreminta astunak eta ultra-erreminta astunak diseinatu, fabrikatu eta instalatzen ditu bere Asteasuko egoitzan. Bere I+Gko taldea, Bostek Innovation, ingeniaritza taldearekin batera, sektore aeroespazialerako bost ardatzeko karbono-zuntzezko piezen mekanizazioaren garapen teknologikoa bultzatu du. Bost enpresako bi taldeak proiektu honetan murgildu dira, eta ingeniaritza mekanikoko, elektronikoko eta elektrikoko profesionalak eta aplikazio-ingeniariak lan egin dute. “Esperientzia oso positiboa izan da eta emaitza bikainak lortu ditugu”, nabarmendu dute.
Bostek ehun profesional inguru ditu bere instalazioetan – 35 pertsona ingeniaritza arloan, garapena bultzatuz – eta tolerantzia handia eskatzen duten esparruetarako aplikazioak sortzen dituzte, besteak beste, aeroespazialerako, aeronautikarako, sektore eolikorako eta oil&gaserako.
Nazioartean presentzia handia duen enpresa
Bosten bezeroen % 90 inguru atzerrian daude, eta Alemania, Txina, AEB eta Frantzia bezalako herrialdeek horietako asko biltzen dituzte, baina enpresatik Euskadin ere bezero garrantzitsuak dituela nabarmentzen dute. 45 urteko jardueran, doitasun handiko tornu bertikaleko makinen arloan, mundu mailan buru diren enpresetako bat izatea lortu du. Bosten arabera, bere konpetentzia Alemanian eta Italian dago.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.