COTECen txosten baten arabera, Euskadik dauka enpresa-jardunerako berrikuntza irekiko eredu errentagarriena
Berrikuntzarako COTEC Fundazioak eginiko txosten batek ondorioztatu du berrikuntza irekiaren euskal eredua dela enpresa-jardunerako eredu errentagarriena. Azterlan hori astelehen honetan aurkeztu da Gipuzkoako Zientzia eta Teknologi Parkean egin den jardunaldi batean, zeinetan parte hartu duten Ekonomi Garapen, Jasangarritasun eta Ingurumen sailburu Arantxa Tapiak eta COTEC Fundazioko presidente Cristina Garmendiak.
Euskadiri dagokionez, txostenak nabarmentzen du teknologi zentroen bidez eginiko berrikuntzen garapena. Horri esker, ETEek parte-hartze handia dute I+G-ko jardueretan eta, gainera, euskal enpresen eta beren ingurunearen arteko konexioa bultzatzen da, euskal enpresak direlarik beren ingurunearekin konektatuen daudenak. Euskal ereduaren indargune nagusia da bere enpresa/teknologi profila, 14. postuan kokatu delarik produktu berrien salmentetan Europar Batasunaren barruan.
Horrez gain, COTECen txostenak dio Euskadi dela enpresa arloan I+G-ko gastu handiena egiten duten Europako eskualdeen %50en artean dagoen auotonomia erkidego bakarra, eta baita ere ETEen arteko lankidetza gehien duten eskualdeen %50en artean dagoen bakarra.
Dokumentuak aztergai ditu dinamismo berritzaile handiena duten hiru lurraldeetako (Katalunia, Madril eta Euskadi) berrikuntza ereduen indarguneak eta ahuluneak.
SPRI Taldeko zuzendari nagusi Aitor Urzelaik ireki du jardunaldia, gogora ekarriz Europako Batzordeak Europako berrikuntzaren egoerari buruz berriki egin duen txostenean lortutako datu onak. “Emaitzak argiak dira, eta halaxe aitortu du Europako Batzordeak. Regional Innovation Scoreboard 2021 (RIS 2021) txostenak dio Euskadi berrikuntza handiko eskualde bat dela. Lehen aldiz, Euskadiren errendimendua EB*ko batez bestekoaren gainetik kokatu da (Euskadin 103,6, vs. EBn 100). Euskadi da Estatuko eskualdeetatik ongien posizionatuta dagoena, Madrilekin batera (berrikuntza handiko beste autonomia erkidego bakarra). Horregatik, Europako Batzordeak adierazi du Euskadi “bikaintasun-gune” bat dela (pocket of excelence), hau da, berrikuntza handiko eskualde bat berrikuntza moderatuko herrialde batean”, esan du Urzelaik.
SPRI Taldeko arduradunak zorionak eman dizkie euskal enpresei, eta Innobasque-Berrikuntzako Euskal Agentziaren papera nabarmendu du. Baita ere aipatu du euskal ETEek euren eskura dituztela aurten bi laguntza-programa: “Eusko Jaurlaritzaren Innobideak eta Hazinnova programak, SPRI Taldetik kudeatzen ditugunak, eta 5,7 milioi euroko aurrekontua dutenak berrikuntza abiarazteko eta aplikatzeko negozio-prozesu guzti-guztietan.
“Lanean ari gara ETE berritzaileen oinarria handitzeko, patente eta lizentzia gehiago edukitzeko edo orobat berrikuntza lantzeko pertsonen arloan” esan du Ekonomi Garapen, Jasangarritasun eta Ingurumen sailburu Arantxa Tapiak. “Badakigu non dauden gure ahuluneak, ETEen sarean, alegia”. Eta nazioartekotzeko beharra ere azpimarratu du.
Tapiak hizpide hartu ditu, orobat, suspertze ekonomikorako Europako funtsak, eta adierazi du aukera ona direla ekonomia eraldatzeko. “Hiru urteko epean garatu behar diren proiektuak dira, beraz, heldutasun maila altua izan behar dute”. Aipatu du beharrezkoa izango dela ko-gobernantza “baliabide horiek ongi aprobetxatzeko”.
Sailburuak esan du “sekulako dinamismoa” dagoela Eusko Jaurlaritzak berrikuntzarako eta digitalizaziorako eskaintzen dituen laguntza-programetan.
Bestalde, COTEC Fundazioko presidente Cristina Garmendiak autonomi erkidego bakoitzeko berrikuntzaren “berezitasunak” goraipatu ditu. Garmendiak esan duenez, lurralde bakoitzak bere indar-guneetan zentratu behar du berrikuntzan aurrera egiteko, eta alde batera utzi behar da duela 20 urteko pentsamoldea, berrikuntza-ereduak inportatzean oinarritzen zena.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez