Albisteak 19 apirila, 2023

Drone by Dronek aire-zerbitzuak eskaintzen ditu ikus-entzunezko, nekazaritza edo industria arloetan

Enpresa bizkaitarra 2014tik ari da droneekin lanean. Era guztietako proiektuak joratzen ditu, eta gainera prestakuntza eskaintzen die bai partikularrei, bai enpresei eta erakundeei.

Egoitza Bilbon duen Drone by Drone enpresaren sorrera Kepa Junkeraren bideoklip batean 2014an egindako ikus-entzunezko lana izan zen. Ordutik, aeronautikaren arloarekin lotutako profesionalek osatutako enpresa honek ikus-entzunezkoen sektoreari lotuta jarraitu du, eta bere eskaintzari nekazaritzaren, industriaren, ingurumenaren edo segurtasunaren sektorerako lanak gehitu dizkio, besteak beste. Gainera, droneei buruzko aholkularitza eta prestakuntza eskaintzen du partikularrentzat, enpresentzat eta erakundeentzat, eta Aire Segurtasuneko Estatu Agentziaaren agiria du. 

“Gaur egun, gure lana oso ugaria da, ez gara zentratzen nitxo bakarrean. Asko ikasten dugu lankidetzan aritzen garen sektore bakoitzetik. Bezeroak gero eta zorrotzagoak dira, eta horrek lan egiten ari garen arlo bakoitzean berrikuntzak egitera behartzen gaitu”, Drone by Drone enpresako zuzendari tekniko Ander García Barrosok azaldu duenez. Ikus-entzunezko sektorean, bere droneei esker, kalitate handiko aire-filmazioak eskaintzen ditu enpresak, adibidez, ETBko Teleberrirako baso-sute baten grabazioa. 

Konpainiaren arduradunen arabera, Drone by Dronek egin duen lanik nabarmenetako bat Txakoli Txabarrirekin batera egindako proiektua da. Doitasunezko nekazaritzarekin lotuta dago, uztak etengabe monitorizatuz. Izan ere, lan horrek elikagai-berrikuntzaren saria jaso zuen 2019ko BTEM Sarietan, Aztik sustatuta. 

Gaur egun, konpainia Nexada proiektuan murgilduta dago, uraren zikloan kudeaketa adimentsu eta iraunkorrerako soluzio berritzaileak garatzea helburu duen ekimena. Bertan, Drone by Drone, Aquaradar enpresa bizkaitarrarekin lankidetzan, “ekoizpenaren eraginkortasuna optimizatzean zentratzen da, jatorrian, prozesuan zehar kalitate-kontrola hobetuz, kutsadura eta arriskuak murriztuz”, García Barrosok azaldu duenez. Nexada proiektua Galiziako Elikagaien Klusterrak (Clusaga), Catalan Water Partnershipek (CWP) eta Euskadiko Ezagutza eta Teknologia Aplikatuaren Industrien Elkarteak (GAIA) sustatzen dute. 

Etorkizunari begira, enpresaren helburua “dronen onurak zabaltzea da, gure ustez aukera asko baititu. Zerbitzu horien pertsonalizazioan hazten jarraitu behar dugu, eta gure bezeroei erakutsi behar diegu eraginkorrak, errentagarriak eta onuragarriak direla enpresarentzat eta ingurumenarentzat”, adierazi du zuzendariak. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

Lorra,  lau  hamarkada  inguru  Bizkaiko  nekazaritzako  elikagaien  kooperatibismoaren  funtsezko  zutabe  gisa 
31/03/2025 Berrikuntza

Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa 

Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez. 

NudgeXperience  Bilbon:  CX  eta  Portaera  Zientzien  ekitaldia
28/03/2025 Berrikuntza

NudgeXperience Bilbon: CX eta Portaera Zientzien ekitaldia

Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

Wake  Up!  Albiste  ekintzaile  batzuk  sarean  250324
28/03/2025 Up Euskadi

Wake Up! Albiste ekintzaile batzuk sarean 250324

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Innobideak  Prestakuntza  prestatu  zure  lantaldea  balioan  lehiatzeko  eta  ez  prezioan
25/03/2025 Berrikuntza

Innobideak Prestakuntza prestatu zure lantaldea balioan lehiatzeko eta ez prezioan

Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.

Zabalik  dago  MAKE  IN!  Ekintzailetza  Industriala  programaren  4.  ediziorako  izen-emate  epea
24/03/2025 Ekintzailetza

Zabalik dago MAKE IN! Ekintzailetza Industriala programaren 4. ediziorako izen-emate epea

Apirilaren 25a izango da programan izena emateko azken eguna

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.