Ecenarro, hotzeko estanpazio adimenduna garatzen duen kooperatiba
Mondragon Taldearen barruko kooperatiba da Ecenarro, eta urtean 50 milioi pieza konplexu fabrikatzen ditu hotzeko estanpazioaren bidez, nagusiki, automobilgintzarako. Urtean 24 milioi inguru fakturatzen ditu, eta bere produktuen % 80 esportatzen ditu. Horien artean, errotulak, motelgailuen ardatzak eta bibrazioen aurkako elementuetarako zorroak nabarmentzen dira. SPRI Taldearen laguntza ekonomikoa jaso du, BDIH Konexio programaren bidez. Programa horren baitan, Basque Digital Innovation Hubek ETE-en esku jartzen du fabrikazio aurreratuko aktiboen eta zerbitzuen sare konektatua, prestakuntzarako, ikerketarako, testatzeko eta baliozkotzeko.
1940an sortu zen enpresa, Bergarako erdigunean, mekanizazio-tailer gisa. Hainbat bizilagunek sortu zuten, honakoak buru zirela: Isidro Ecenarro Egaña, Julián Ecenarro Bengoa eta Antonio Urzelai Alberdi. 1965ean lehenengo estanpagailua erosi zuten, eta negozioak gora egin zuen. 1982an, ordea, krisialdian sartu zen, eta jabeak langileei saldu zien enpresa, pezeta baten truke. Hala, kooperatiba bilakatu zen. 2002an Mondragon Taldean sartu zen, eta, ondorioz, hazten eta inbertsioak erakartzen hasi zen. “Hurrengo hamar urteetan, bi estanpagailu izatetik sei izatera pasatu ginen”, esan du Unai Cornesek, enpresako Teknologia eta Berrikuntza zuzendariak.
2013an zenbakizko kontrolaren bidezko mekanizazioa txertatu zuen, eta 2015ean atzerriko lehenengo lantegia ireki zuen, Mexikon. “Orain estrategia markatuagoa dugu, negozioan arriskua murriztera bideratua; izan ere, kooperatiba gisa, enpresaren iraunkortasuna da lehentasuna”.
Ecenarrok altzairuzko osagaiak fabrikatzen ditu automobilgintzarako; nagusiki, esekidurarekin, norabidearekin eta txasisarekin lotutako elementuak, hala nola errotulak, motelgailuen ardatzak eta bibrazioen aurkako elementuetarako zorroak. “Gure ingeniaritza- eta marketin-zerbitzuak sustatuz, mugikortasunarekin lotutako beste sektore batzuetara zabaltzen ari gara ekoizpena. Azken hausnarketa estrategikoan gure anbizio maila igo dugu, eta oso motibatuta gaude”.
Bergarako fabrikak Espainiatik kanpora esportatzen ditu produktuen % 80; nagusiki, Europara eta Estatu Batuetara. “Eta, Mexikoko lantegitik, % 20 inguru doa Estatu Batuetara, Kanadara eta Brasilera”. Urtean 8.000 tona altzairu prozesatzen ditu enpresak, eta 50 milioi pieza fabrikatzen ditu.
105 langile dira, eta horietatik 70 kooperatibako bazkideak dira. Joan den urtean, 24 milioi euro fakturatu zituen. I+G arloa garrantzitsua da, eta, “salmenten % 3,5 inbertsiora bideratzen dugu, zuzenean”. I+G arloko inbertsioak, nagusiki, produktu eta material berriak garatzera eta ekoizpen-prozesua hobetzera bideratzen dira. “Batez ere, teknologian oinarritzen gara, produktibitatea hobetzeko palanka gisa. Azken hiru urteetan eremu horietara bideratu ditugu baliabide guztiak, eta garapen teknologikoaren aldeko apustu handia egin dugu”.
Enpresak SPRI Taldearen laguntza nabarmendu du, Haziteken gisako programetan, “altzairuen eta aluminioen gisako materialetan, eta eraldaketa digitaleko prozesuetan. Eta BDIH Konexioren laguntza izan dugu, ekoizpen-prozesuko datuak hobeto eta neurri handiagoan atzemateko; Lortekekin proiektu bat izateko balio izan zigun horrek”.
Datozen bost urteetan % 20-30 inguru haztea da etorkizuneko erronketako bat, eta “lanpostuak sortzea, kooperatiba gisa hori baita gure helburu nagusietako bat”.
Gainera, Bergarako fabrika handitzen ari da Ecenarro. 2.000 metro karratu gehiago izango ditu, hortaz, nabarmen haziko dira egungo instalazioak. “Lantegi bat eraikiko dugu bezero batekin sinatu dugun joint venture baterako”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.