EDE Ingenieros enpresak euskal industria laguntzen du optimizazio energetikorako bidean
INBISA Enpresa Parkean, Trapagaranen (Bizkaia), dago kokatuta 1993tik EDE Ingenieros. Ingeniaritza industrialeko eta hobekuntza energetikoetako zerbitzuetan espezializatuta dago, eta enpresei, elkarteei eta erakundeei laguntzen die energia aurrezteko prozesuen optimizazioan. Energia-auditoretzak, energia-plan estrategikoak, kontsumoaren monitorizazioa eta kudeaketa, planten eskaneatzea eta modelatzea edo industria-prozesuetako arriskuen analisia, euskal enpresak eskaintzen dituen zerbitzuetako batzuk baino ez dira.
25 urte baino gehiagoko ibilbide honetan industria- eta energia-arloko proiektu ugari kudeatu ditu. Energia-aholkularitzako, industria-ingeniaritzako eta ingurumeneko proiektuak egin ditu, besteak beste, Central Lechera Asturiana, Orkli, Gipuzkoako Merkataritza Bazkundea, WEC Taldea, Acesur, Suez edo AVEQ-KIMIKA bezalako enpresentzat.
Duela gutxi, akordio bat sinatu du Articaerekin, klimatizaziorako eta hozteko 4.0 teknologia energetikoetan espezializatutako enpresarekin. Elkarrekin lan egiten dute industria-, merkataritza- eta logistika-hotzeko instalazioen energia-eraginkortasuna hobetzeko, bai eta klimatizazio-sistemena ere. “Sistema horiek oso ohikoak dira gaur egun, eta oso garrantzitsuak dira erakunde baten energia-zenbaketa globalean; eta, sektore eta eremu klimatikoaren arabera, kontsumoa energia-kontsumo osoaren ehuneko handi bat izan daiteke”, azaldu du Juanjo Ducar EDE Ingenieros enpresako zuzendari komertzialak. “Articaek oso produktu berritzaileak ditu alor horretan, eta, horri esker, urrats bat gehiago eman ahal izango dugu instalazio horien monitorizazioan, analisian eta optimizazioan, azterketa teknologikoan sakonduz, aldaketak baloratzeko eta hobekuntzak proposatzeko”, azaldu du.
Lehen aipatutako AVEQ-KIMIKA (Enpresa Kimikoen Euskal Elkartea) elkartearekin ere lankidetza berritu du, energia-kudeaketari buruzko aholkularitza zerbitzua emateko. “Guretzat oso lankidetza aberasgarria da”, onartu du Ducarrek, “industriak ondo prestatutako taldeak izateko duen benetako beharrari erantzuten dio, ez bakarrik araudi energetikoa eskatzen ari den berehalako erronkei aurre egiteko, baita efizientzia eta eraldaketa energetikoaren etorkizuneko erronkei aurre egiteko ere, energia berriztagarriak eta horien eragin jasangarria bereziki azpimarratuz”.
Ildo horretan, EDE Ingenierosen argi dute: “Oso komenigarria da araua eguneratzeko abantaila hartzea, denboraz eta ondo aztertutako jarduera batek, eguneratuta egoteaz gain, emaitza energetiko hobeak lortzea eragingo duelako”, adierazi du zuzendari komertzialak. “Energiaren eta jasangarritasunaren arloko araudi eta dekretu berriak sartzeak, epe labur batean, enpresek energia-auditoretza eginda izan behar dutela esan nahi du, eta prestakuntza- eta sentsibilizazio-plan bat eduki behar dutela. Askotan barne-taldeek ez dituzre ezagutzen prozedura horiek eta, beraz, denbora luzea daramate. Horrelakoetan, aurrea hartzea funtsezkoa da”, azaldu du.
Energia jasangarrira bideratutako berrikuntza
Azken hiru urteetan soilik, EDE Ingenierosek 290 aurrezki-proposamen egin ditu, eta enpresan kalkulatu dutenez, horien bidez urtean 30 milioi kilowatt energia elektriko baino gehiago aurreztea proposatu dute, urtean 33 milioi kilowatt gas natural baino gehiago, eta urtean 18.000 tona CO2 baino gehiago isurtzea saihestu dute.
Enpresak energia gehiago aprobetxatzeko eta aurrezteko lan hori guztia I+G+Bren aldeko apustu argi batekin osatzen dute. Izan ere, azken urteotan hainbat proiektutan parte hartu dute, teknologia jasangarriagoak sortzeko ikerketa-ildoak irekitzeko asmoz. “Eredu energetiko jasangarri berrietarako oinarriak ezartzen dituzten aurrerapen teknologikoak garatzera bideratu dugu gure jarduera beti”, azpimarratu du enpresa bizkaitarreko zuzendari komertzialak. “Adibidez, duela urte batzuk, Tecnalia, Gaiker eta CIMASekin batera, Pyroplant proiektuan lan egin genuen, SPRI Taldearen Gaitek programaren barruan. Proiektu horren helburua zen instalazio erdi-pilotu baten eskalako prototipo bat diseinatzea eta eraikitzea, hondakin plastikoak pirolisien bidezko birziklatze kimikoaren bidez aprobetxatzeko”, azaldu du.
Azken hilabete hauetan Hidrogenoaren Sektoreko Foroaren lehen topaketan ere parte hartu du. Hori Energia Klusterrak sortu du –EDE Ingenieros haren parte da– eta Euskadiko hidrogenoaren sektorea dinamizatzeko tresna izan nahi duen egitura da. Horrekin batera, sektoreko aukeren identifikatzaile ere izan nahi du, industria eta ekonomia deskarbonizatzeko erronka helburu hartuta. “Guretzat, hau da teknologia honetan dugun interesa eta aspalditik egiten ari garen lana bideratzeko esparru egokia. Parte-hartze horrek dagoeneko murgilduta gauden espezializazioa bizkortzen lagunduko digu; instalazioetarako soluzioak zehazten eta ekimen berriak sortzen jarraituko dugu”, esan du Ducarrek.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.