Ekolberrek biomaterial jasangarri bat garatu du, alderdi biomediko edo elikagaietarako egokia dena
Ekolber enpresa gipuzkoarrak material ekologiko berriak garatzen ditu abeltzaintza-industriaren hondakinak eta bestelako hondakin biologikoak oinarri hartuta. Hala, enpresa horrek Ekomat biomaterial jasangarria garatu du, kolagenoan oinarritua, berriztagarria, ekologikoa eta karbono-aztarnik gabe, hondakin naturaletatik abiatuta, :larruak, artileak, lumak, arrautza-oskolak. Horrela, material horiek zabortegian bukatzea saihesten da.
Bergarako enpresa 2015ean sortu zen, abeltzaintzako hondakinen kolagenoari buruzko ikerketa baten ondorioz. Jesus Ollokiegi izan zuen buru ikerketa horrek, konpainiaren sortzaileetako bat. “Ikerketan ikusi zenez, behi-larruaren barnealdea erabilita, larrugileek erabiltzen ez dutena, produktu %100 jasangarri bihur zitekeen termoplastikoa lortu genezakeen”, adierazi Fernando Alonso Alonso Ekolbereko kudeatzaileak.
Bioingeniaritzako dibisioak kolagenoan oinarritutako produktu alternatiboak garatzen ditu, eta horien artean dago Ekomat. “Gure helburua erabilera bakarreko plastikoa gure Ekomat biodegradagarriarekin ordezkatzea da. Dagoeneko berotegiko bigungarrietan, ortopedia-txantiloietan edo elikagai-erretiluetan erabiltzen ari gara”, gerenteak zerrendatu duenez. Eta orain negozio-ildo berri bat garatzen ari da osasunaren alorreko produktuetan zentratuta.
Materiala fabrikatzeko prozesua kolagenoaren tratamendu mekaniko-termikoan oinarritzen da, hau da, behi-aziendaren larruazalaren barneko zatian. Peletizatu ondoren, estrusio, injekzio, konpresio edo termo-konformazio bidez eralda daiteke, beharren arabera, eta fabrikazio-ekipoak aldatu behar izatea saihesten da, prozesuen parametroetan aldaketa txikiak baino ez baitira egiten. “Gure materialak propietate ugari eskaintzen dituenez, hainbat sektoretan presentzia izan dezake, hala nola packaging-ean, nekazaritza-ingurunean edo osasun-ingurunean”, azaldu du Alonsok.
Ekolberrek egiten dituen materialek balio gehigarria gehitzen diote azken produktuari. “Konpostarekin egindako loreontziek ongarritzen laguntzen dute, arrautza-zorroa duten arrautza-ontziek ontzia indartzen dute, baliza-zintetarako artileak erresistentzia ematen du, edo kafearekin eta biotxarrarekin bigungarriek ongarritu egiten dute eta animaliek bigungarria jatea saihesten dute”, jartzen du adibide bezala gerenteak.
Biodegradagarria eta konpostagarria izateaz gain, Ekomat apargarria, termozigilagarria, tindagarria, hidrosolublea, bulkanizagarria eta elikagaiekin kontaktuan egoteko egokia izan daiteke. “Horri guztiari esker, askotariko aplikazioetarako erabil daiteke, hala nola elikadurarako edo nekazaritzarako, eta oso irtenbide moldakorrak ematen ditu”, Fernando Alonso Alonsok aitortzen duenez.
Eta, osasunaren sektorean, euskal enpresa lankidetzen bilaketa aktiboan ari da, bere soluzioak jada finkatuta dauden farmazialarien eskutik zabaldu ahal izateko. “Une honetan I+G proiektuak garatzen ari gara apositu orbaintzaileentzat, sendagaien 3D inprimaketarako, azala eta hezurra birsortzeko materialerako, eta ortopediarako”, gerenteak aurreratu duenez.
Iraunkortasuna eta ekonomia zirkularra
Ekolberren kontzientziatuta daude klima-aldaketari aurre egiteko, epe motzeko mundu-mailako erronka nagusietako bat baita. “Europar Batasuna neurriak hartzen ari da erabilera bakarreko plastikoen erabilera mugatzeko, aldaketak behar dira, eta gure hondar-aletxoa eman nahi dugu”, adierazi du.
Prozesu garbia bilatzen du, ekonomia zirkularra, zaborrak bestelako erabilerarik gabe aprobetxatzen dituena eta beste balio bat ematen diena. “Hondakinak hartu eta erabilgarri eta biodegradagarri bihurtzen ditugu. Ingurumena babestea dugu helburu bezala, biomaterial berriak sortuz”, azpimarratu du kudeatzaileak. Ekolberrek Garapen Iraunkorreko hainbat helburu betetzen ditu, besteak beste, ekoizpena eta kontsumo arduratsua. Eta proiektu lehiakor batetik egiten du, ekonomia zirkularraren ereduan oinarrituta.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean